AYUB 32:7 - KITTA KAREBA MADECENG

⁷ Pikkiri'ku, iko ritu harusu mabbicara, iya lebbi macowaé harusu mabbagéyangngi pangissengenna.

AYUB 32:7 ပူးပေါင်းရင်းမြစ်များ

AMSAL 16:31

Tau malempué riwéréngngi matu umuru malampé; ubenna sinrupai passigera iya mattappaé.

AYUB 12:12

Karébanna, engkai pangissengengngé ri tau iya malampé umuru'é, iyakiya pangissengeng sibawa awatangengngé engkai ri Allataala bawang. Karébanna pappéjeppué engkai ri tau macowa senna'é, iyakiya pappéjeppué sibawa akuwasangngé engka towi ri Allataala!

IBRANI 5:12

Sitongenna wettummuna untu' mancaji guru, iyakiya annessana parellu mupo magguru polé ri tau laingngé passalenna poko'-poko' mammulangngé sining pappagguruwanna Allataala. Dé'pa muwulléi tarima anré iya matedde'é; harusu mupo ménung susu bawang.

2 TAWARIKH 10:6

Nanaéllauna Réhabéam pangaja lao risining tau macowaé iya puraé mancaji pappangajana Salomo ambo'na Réhabéam. Nanakkutana Réhabéam, “Pékkugika harusu baliwi sining tauwéro? Aga pangajamu?”

AYUB 15:10

Iyaé pangissengengngé ritarimai polé ri tau iya maubengngé; engka mémenni mennang ri wettu dé'napa narijajiyang ambo'mu!

AYUB 32:9

Mancaji mapanréi tauwé, tenniya nasaba macowai; napahangngi tauwé tongengngé, tenniya nasaba malampéi umuru'na.

MAZMUR 119:100

Lebbi upahangngi naiya sining tomatowaé, saba' uwakkatenningngi sining apettum-Mu.