AYUB 22:3 - KITTA KAREBA MADECENG

³ Engkaga akkéguna untu' Allataala, rékko mupogau'i élo-Na? Engkaga saro ri Aléna, rékko sukkui atuwommu?

AYUB 22:3 ပူးပေါင်းရင်းမြစ်များ

1 TAWARIKH 29:17

Uwisseng Muojiwi atinna tungke' tauwé sibawa Mupojiwi tau iya mapaccingngé atinna. Matinulu sibawa masennang ati uwakkasuwiyangeng manengngi iyaé lao ri Iko. Purani usabbing pékkugi umma'-Mu iya maddeppungengngé kuwaé tiwii pakkasuwiyanna lao ri Iko sibawa masennang ati.

AYUB 21:15

Pikkiri'na mennang, ‘Tumaningiwi Allataala dé' gaga akkégunana, sibawa massempajang lao ri Aléna dé' gaga appalanna.

AYUB 22:4

Tenniya nasaba taumu lao ri Allataala, nariteppuko sibawa riyangga pasala,

AYUB 34:9

Makkedai, siya-siya bawang rékko makkuragai pogau'i élona Allataala.

AYUB 35:7

Ri laleng pogau'i makessingngé, dé' mubantui Allataala. Tongeng, dé' aga-aga Napparelluwang polé ri iko.

MAZMUR 119:59

Purani upikkiri ampé-ampéku, sibawa majjanci maélo turusiwi peraturam-Mu.

MAZMUR 39:1

Untu' pamimping kor. Mazmurna Daud. Untu' Yédutun.

AMSAL 11:1

Nacéccé Puwangnge tau iya paké timbangeng iya macéko-cékoé iyakiya masennangngi sibawa tau iya paké timbangeng iya teppa'é.

AMSAL 11:20

Nacéccé Puwangnge tau iya maja atié, iyakiya Namaséiwi tau iya tuwoé temmakkécella.

AMSAL 12:22

Nacéccé Puwangnge bellé; iyakiya Nasennangngi tau iya malempué.

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

AMSAL 9:12

Rékko muwappunnaiwi pangissengengngé, iko muto maupe. Iyakiya rékko musampéyangngi pangissengengngé, iko muto naparogi.

MALEAKHI 2:17

Muwébbui Allataala najinna sibawa bicarammu. Iyakiya makkutanako, “Pékkugiki pajinnaiwi Puwangnge?” Sibawa makkeda, “Sininna tau iya pogau'éngngi majaé naangga makessing Puwangnge, sibawa naéloriwi mennang.” Iyaré'ga sibawa makkutana, “Kégani Allataala iya riyangga adélé'éro?”

RIWAYA'NA RASUL-RASUL-E 24:16

Iyanaro saba'na nauwakkuraga senna', kuwammengngi namapaccing atikku lao ri Allataala sibawa mapaccing lao ri rupa tauwé.

2 KORINTUS 7:1

Saudara-saudara iya upojiyé! Sininna iyaro jancié ripattujui lao ri idi. Rimakkuwannanaro sitinajaki pépaccingiwi alé polé ri sininna iya rota'iyéngngi tubu nyawata. Sitinajaki métau ri Allataala, kuwammengngi tasukku nataulléi tuwo banna untu' Allataala bawang.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.