AYUB 17:4 - KITTA KAREBA MADECENG

⁴ Mutongkoi atinna mennang angkanna dé' napahangngi; aja' narapii mennang patunru'ka.

AYUB 17:4 ပူးပေါင်းရင်းမြစ်များ

2 SAMUEL 15:31

Wettunna ripaissengngi lao ri Daud makkedaé maccowé towi Ahitofel silaong assikongkolokenna Absalom, massempajanni Daud makkuwaé, “Oh Puwang, tennapodo aja' muleppessangngi ritarima pangajana Ahitofel!”

2 SAMUEL 17:14

Naéngkalinganaro makkedani Abasalom sibawa sininna tau Israélié, “Lebbi kessing muwi pangajana Husai naiya pangajana Ahitofel.” Mémeng, Puwangnge pura pattentui untu' pasisalai pangajana Ahitofel iya makessingngéro, kuwammengngi nakennai Absalom abala.

2 TAWARIKH 25:16

Nakkeda Amazia, “Ammekkoko, rékko dé' riyunoko! Dé' naengka nariyakkako mancaji pappangajana arungngé!” Nammekkona iyaro nabié, iyakiya ri yolona narapii makkeda, “Makkekkuwangngé uwissenni makkedaé Allataala pura pettui untu' pabbinasai Datu nasaba pangkaukenna Daturo, sibawa nasaba dé' nabati-batiwi Datu pangajaku.”

AYUB 12:20

Napammekkoi tau iya maccaé mabbicara, Nareddu'i pangissengenna sining tomatowaé.

AYUB 17:5

Manuru warékkadaé, niga mappissengengngi sellaona untu' asaronna, ana'-ana'na muto tarimai matu pamale'é.

YESAYA 19:14

Puwangnge ritu mébbui mennang mabbéré pangaja iya mappamalingngé. Addimonrinna, salani Maséré, sibawa tassulus-sulung pada-pada tau mabo' iya tappasollaé ri yasé'na luwana muto.

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

ROMA 11:8

Saba' ri laleng Kitta'é tarokii makkuwaé, “Allataala mébbui atinna sibawa pikkiranna mancaji madonggo; nanarapi makkekkuwangngéwé matanna dé' naulléi makkita sibawa daucculinna dé' naulléi maréngkalinga.”

1 KORINTUS 1:20

Aga akkégunananna sining tau makképangissengengngéro? Aga akkégunanna mennang iya maccaé? Aga akkégunanna ahli-ahli pannawa-nawa linoéwé? Pura nappaitanni Allataala makkedaé apanrénna linoéwé iyanaritu omong kosongngi simata!