2 Aga muwisseng, uwisseng towi; aja' muwasengngi cauka polé ri iko.
Iyya tolinoto iya engkaé akkalenna; sininna iya mupowadaéro upahanni. Nainappani, niga dé' naisseng manengngi iyaro? Jaji, aja' muwasengngi mupacaurika!
makkedaé mabbicarai Ayub tennapahang, sibawa pangkaukenna dé' nappunnai bettuwang.
Siya-siyai mupatteru abbicarammu; manessani, dé' muwissengngi aga iya mupogau'é.
Engkalingai saddanna Allataala, éh iko maneng; éngkalingai guttué iya massué polé ri bawa-Na.
Puranana mabbicara lao ri Ayub, makkedani Puwangnge lao ri Elifas, “Macaika lao ri iko sibawa lao ri iya duwa sellaomu, nasaba dé' mupowadai iya sitongennaé passalenna alé-Ku. Iyakiya atak-Ku Ayub dé' nappakkuwaro.
Rékko iyya ri laleng keadaammu, ri Allataalaka maélo mangobbi. Ri Alénaka maélo mappisseng, enrengngé mabbéréyangngi parakaraku.
Kédo pada-pada tongenna tau donggoé – iyakiya iko ritu mébbuka mancaji makkuwaro. Sitongenna iko ritu iya harusu'é pojika. Saba' namuni dé'gaga bettuwakku, dé' sises-siseng ucau lao ri “rasul-rasul” iya dé'é padannaro!