AWATINGENG 4:9 - KITTA KAREBA MADECENG

⁹ Manrasa-rasai mennang sibawa maté taccéddé-céddé, nasaba dé' sises-siseng nappunnai inanré; iya maté ri ammusurengngé, lebbi maupe'i naiya maté alupureng.

AWATINGENG 4:9 ပူးပေါင်းရင်းမြစ်များ

2 ARUNG-NGARUNG 25:3

Ri tanggala maasérana uleng eppa taungngéttoro wettunna akkadérengngé masero senna angkanna dé' sisenna nappunnai anré ra'ya'é,

ASSURENG 16:3

Makkedani mennang, “Lebbi kessing muwi akkalarapanna purani nauno Puwangnge ri Maséré. Kuwaro wedding muki tudang: manré juku sibawa roti gangka messo. Iyakiya mutiwiki lao kuwaé kuwammengngi tamaté maneng alupureng.”

YESAYA 22:2

Dé' nasipato sininna kotaé mappésta-pésta sibawa gora marennu. Saba' sining pajuwammu iya maté ri laleng musuéwé dé' namaté nasaba mammusui.

YEREMIA 16:4

Matéi matu mennang nakenna lasa iya tiwié amaténg, sibawa matéi matu ri laleng ammusurengngé iyaré'ga maté alupureng. Dé' muwi séddi tau teringiwi matu iyaré'ga kuburu'i mennang. Tassiya-siyai matu ujuna mennang pada-pada pupu'é ri tanaé, nenniya nanréi manu'-manu' sibawa olokolo masekkang.

YEHEZKIEL 24:23

Dé' mujoppa matu teppaké pattutu ulu iyaré'ga pallapi ajé, dé' nawating iyaré'ga teri. Pédé maddoko-rokoko matu nasaba dosa-dosamu; maddarékéko matu séddié lao ri laingngé.

YEHEZKIEL 33:10

Makkedai Puwangnge lao ri iyya, “Eh tolino dé'é namannenungeng, pakkolingngi lao ri tau Israélié adanna mennangngé, ‘Maddéké-rékéki nasaba ripatiwiriki dosa sibawa jata. Pékkugiki wedding tuwo?’

YEHEZKIEL 4:16

Nainappa makkeda paimeng, “Eh tolino dé'é namannennungeng, maélo-Ka paccappui pappassadiyang inanré ri Yérusalém. Nasibawang anennengeng sibawa abata-batang naatte'i matu sining tauwé inanré iya nanré mennang sibawa uwai iya naénungngé mennang.

YEHEZKIEL 7:15

Risining lalenna kotaé engka musu, risining bolaé engka sai sibawa akkadéreng. Nigi-nigi engka ri saliweng kota matéi matu ri laleng musué, sibawa iya monroé ri kotaé nakennai matu lasa sibawa akkadéreng.

ANGIMANGENG 26:39

Céddé bawang iya polé ri iko iya tuwoé mupa ri wanuwanna balimmu maddarékéi matu nasaba dosamu muto sibawa dosana toriyolomu.

ULANGENG 28:51

Napaccappui matu mennang olokolo'é sibawa wassélé tanamu, sibawa dé' natarongekko gandong, uwai anggoro, minnya zaitung iyaré'ga saping sibawa bémbé bimbala'mu narapi matéko alupureng.