AWATINGENG 4:8 - KITTA KAREBA MADECENG

⁸ Iyakiya makkekkuwangngé malotonni rupanna mennang naiya attapangngé makkalénnekeng ri sining lalengngé na dé'gaga mulléi rupai mennang. Makkapuru olina mennang ri buku-bukunna, pada-pada aju iya marakkoé.

AWATINGENG 4:8 ပူးပေါင်းရင်းမြစ်များ

AYUB 19:20

Buku mani nadoko oli tubukku; céddé bawanna maté sibawa mallajang nyawaku.

AYUB 2:12

Iyakiya wettunna polé mabéla mupi naitai mennang, céddé'i dé' narupani. Terini mennang sibawa macenno sibawa sapé'i pakéyanna enrengngé massiyamporeng awu ri yelle'é sibawa ri ulunna.

AYUB 30:30

Mancaji malotongngi oliku; mangu tubukku nasaba semmeng.

AYUB 33:21

Tubunna mancaji makojoi maddékéréké, paita maneng buku-bukunna.

MAZMUR 102:11

saba' purani Muwakkaka sibawa maggenrungekka ri laleng cai-Mu iya malluwa'-luwa'é.

MAZMUR 119:83

Makkapuru oliku pada-pada popang anggoro iya malaungngé, iyakiya attettekem-Mu dé' uwallupaiwi.

MAZMUR 32:4

Esso wenni Iko natenre'ka, Puwang, cappu awatangekku pada-pada nattemmekiyé tire mata esso.

MAZMUR 38:3

Pana-Mu nabettui loi tubukku, limam-Mu matane tenre'ka.

YESAYA 52:14

Riyolo maéga tau tasséleng mitai, risolangiwi rupanna angkanna dé'na napada-pada tolinoé.

AWATINGENG 5:10

Manrasa-rasaki alupureng, angkanna mabbara olita pada-pada addellangengngé.

YOEL 2:6

Wettunna mennang maggasa, métau maneng tauwé, makawiya maneng rupaé sibawa dé' naccahaya.

NAHUM 2:10

Ancuru'ni Niniwé, masino-sino sibawa makabuttu. Makawani atié nasaba tau. Ténréni uttué sibawa mancaji malemma. Makawiya manenni tappana sininna tauwé.

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’