AWATINGENG 4:7 - KITTA KAREBA MADECENG

⁷ Riyolo mapaccingngi sining pamimpitta pada-pada ape iya maputé mapaccingngé. Tettongngi mennang sibawa mawatang, matakka sibawa madising.

AWATINGENG 4:7 ပူးပေါင်းရင်းမြစ်များ

AYUB 28:16

Ulawengngé sibawa paramata iya kaminang mangke'é dé naulléi padaiwi angke'na.

AYUB 28:18

Mabélai lebbi tanré angke'na pangissengengngé naiya mani'-mani'é, kacaé, iyaré'ga mutiyaraé.

MAZMUR 144:12

Tennapodo ana'-ana' worowanéta ri wettu malolona pada-pada tanet-taneng iya mancaji battowaé. Tennapodo ana'-ana' makkunraitta padai alliri magelloé, iya bélo-béloiyéngngi sining sunna saorajaé.

MAZMUR 51:7

Sitongenna, majaka sipongenna rijajiyang, sibawa nakenna dosa sipongenna ri parémmanangngé.

ASSURENG 24:10

nanaitani mennang Allataalana Israélié tettong ri yasé'na séuwaé pada-pada témbo' polé ri batu nilangngé, sibawa magawu pada-pada langi iya macakkaé.

ELONG MARAJA 5:10

Canrikku barani sibawa magello, dé' padanna ri yelle'na seppulo sebbu tau.

ELONG MARAJA 5:15

Ajéna pada-padai alliri-alliri marmer puté, sibawa pallanggana ulaweng tuléng. Pakkalénna siggagga sining bulué ri Libanon, sibawa siggello pong aras-é.

DANIEL 1:15

Cappunnana iyaro essoé, paitani mennang lebbi madising sibawa mawatang naiya sininna kallolo iya puraé lolongeng inanré polé ri méjanna arungngé.

LUKAS 1:15

Mancajiwi matu tau maraja manuru' pakkitanna Puwangngé, nadé' matu nainung anggoro iyaré'ga énungeng maseri. Mappammulai jajinna rikuwasaiwi matu ri Rohna Allataala.

HAKING-HAKING 13:5

Jajinna iyaro ana'mu, aja' sises-siseng murette'i gemme'na, saba' mappammulai ri laleng parémmanang pura ripattentuni untu' mancaji tau nazir. Aléna ritu matu méwa untu' paleppe'i bangsa Israélié polé ri akuwasanna tau Filistingngé.”

HAKING-HAKING 13:7

Iyakiya makkedai makkedaé mattampu'ka matu sibawa lolongeng séddi ana' worowané. Makkeda towi makkedaé dé' naweddikka ménung anggoro iyaré'ga énungeng maseri, iyaré'ga manré séuwa iya harangngé, saba' iyaro ana'é harusu'i riyabbéréyang lao ri Allataala untu' mancaji séddi tau nazir gangka tuwona.”

HAKING-HAKING 16:17

Angkanna nacurita Simson rahasiyana, nakkeda Simson, “Dé'pa naengka narirette gemme'ku. Puraka riyabbéréyang lao ri Allataala mancaji appunnangenna iya ripallaingngé. Sipongekku jaji mancajika séddi tau Nazir. Rékko rirette'i gemme'ku; teddéngngi matu awatangekku; malemmaka matu sibawa mancaji pada-pada tau biyasaé.”

1 SAMUEL 16:12

Nanassuro mobbini Isai iyaro ana'é. Annessana séddiwi kallolo iya magelloé sibawa madising, sibawa magello matanna. Namakkedana Puwangnge lao ri Samuél, “Iyanaé; lanti'ni!”