AWATINGENG 4:4 - KITTA KAREBA MADECENG

⁴ Ana'-ana'loloé dé' naripasusu, angkanna maté adekkang. Méllauwi inanré ana'-ana'é, iyakiya dé'gaga mabbéré.

AWATINGENG 4:4 ပူးပေါင်းရင်းမြစ်များ

2 ARUNG-NGARUNG 18:27

Nametté iyaro parawiraé, “Ri ikoga bawang sibawa arummu risuroka ri arung Asyur untu' palettu'i iya manennaé? Dé'! Mabbicara tokka lao ri ra'ya' iya tudangngé ri tembo'éro, iya muéwaé sibawang manréi matu tainna sibawa ménungngi matu téména.”

2 ARUNG-NGARUNG 25:3

Ri tanggala maasérana uleng eppa taungngéttoro wettunna akkadérengngé masero senna angkanna dé' sisenna nappunnai anré ra'ya'é,

MAZMUR 137:6

Leppessakka dé' naweddinna makkélong rékko uwallupaiko sibawa dé' upancajiko upojiyé!

MAZMUR 22:15

Cappui awatangekku pada-pada uwai tuppa'é, leppe' manengngi buku-bukukku polé ri padduppanna, maccolo'i atikku pada-pada lilingngé.

YESAYA 5:13

Rimakkuwannanaro umma'-Ku iya dé'é aga-aga naisseng ririmpai matu lao selaku tawangeng. Sining pamimpingngé sibawa ra'ya'é matéi matu alupureng sibawa adekkang.

YEREMIA 14:3

Sining pattumaninna tau sugié risuroni sappa uwai kégi-kégi; laoni mennang risining bujungngé iyakiya cappu manenni uwai. Lobbanni kendié iya natiwié mennang lisu. Nasibawang abata-batang sibawa pettu paddennuwang masirini mennang sibawa sampoi rupanna.

AWATINGENG 1:11

Ri laleng maddarékéna sappai dallé pabbanuwana; barang mangke'é naséléi mennang sibawa roti, banna kuwammengngi natette mennang tuwo sibawa aja' namaté. Mangobbii Yérusalém, “Oh Puwang, itaka, pénessaiwi sininna anrasa-rasaku.”

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’

ULANGENG 28:48

Rimakkuwannanaro harusu'ko mattumani lao risining balimmu iya nasuroé Puwangnge untu' méwako. Makkadérekko matu, madekka sibawa mallusu-lusu nenniya akurangeng ri laleng sininna gau'éro. Puwangnge matu tenre'ko sibawa mabecco narapiko binasa.

ULANGENG 32:24

Matéi matu mennang nasaba semmeng sibawa alupureng, sibawa nasaba lasa iya mappakatau-taué. Uleppessangngi mennang rilurui ri olokolo masekkangngé, sibawa ripitto ri ula mamosoé.