AWATINGENG 4:22 - KITTA KAREBA MADECENG

²² Purani najoppai pahukkungenna Sion nasaba dosa-dosa iya napogau'é; makkekkuwangngé dé'na matu naleppessakki Puwangnge sibawa dé'na ritiwiki matu ri laleng appalirengngé. Iyakiya iko, éh Edom, nahukkukko matu Puwangnge. Ritimpa'i matu dosa-dosamu.

AWATINGENG 4:22 ပူးပေါင်းရင်းမြစ်များ

MAZMUR 137:7

Oh Puwang, éngngerangngi pangkaukenna tau Edongngé wettunna riyancuru Yérusalém. Makkedai mennang, “Ruttungngi, ruttungngi lettu ri pallangga-pallanggana!”

YESAYA 40:2

Pattennangngi atinna tau Yérusaléngngé, powadai makkedaé maccappa'ni angatangenna. Purani Uwaddampengeng asalanna mennang, dosa-dosana mennang purani Uhukkung leppi wékkaduwa.”

YESAYA 52:1

Tokkonno, éh Yérusalém, tokkonno! Pakkasse'i atimmu! Pasangngi pakéyang arajammu! Eh Yérusalém, kota iya mapaccingngé, tau najisi'é dé'na nauttama lalo ri gerbammu.

YESAYA 60:18

Dé'na gaga karéba passalenna ateddekengngé ri wanuwammu, passalenna ancurukengngé sibawa aruttungengngé ri daéramu. Pada-padai témbo'é Ulinrungiko matu, sibawa mupoji-Ka matu selaku Pappassalama'mu.

YEREMIA 32:40

Mébbu-Ka matu assijancing iya mannennungengngé sibawa mennang. Dé' Uwappésau matu pogau'i makessingngé lao ri mennang. Uwébbui matu mennang métau sibawa mappakalebbi lao ri Iyya sibawa sukku atinna kuwammengngi dé' nabélai-Ka.

YEREMIA 33:7

Upatarompoi matu Yéhuda sibawa Israélié pada-pada riyolo sibawa tettongngi matu paimeng selaku umma'-Ku.

YEREMIA 33:8

Upépaccingiwi matu mennang polé ri dosa-dosa iya napogau'é mennang lao ri Iyya; Uwaddampengengngi matu dosa-dosana sibawa adorakanna.

YEREMIA 49:10

Iyakiya, Usaringngi gangka mapaccing appunnangenna wija-wijanna Esau sibawa bukkai rahasiya onrong assubbunna mennang; dé'na naulléni subbui aléna mennang. Tau Edongngé silaong silessu-silessurenna sibawa bali-balibolana mennang, pura manenni ripaccappu, dé' muwi séddi tau leppe.

YEREMIA 50:20

Iyaro wettué Israélié sibawa Yéhuda mapaccingngi matu polé ri dosaé, nasaba Iyya matu maddampengengngi sining tau iya puraé Upassalama. Iyya, Puwang pura mabbicara.”

AWATINGENG 4:21

Eh bangsa Edom sibawa Us, macawano, akkérennuno, ri wettu weddinna mupa! Polé towi matu abalaé ri iko sibawa nasaba mabo'ko mupallusu-lusui matu alému.

AWATINGENG 4:6

Purani rihukkung umma'ku lebbi matane'i naiya pabbanuwana Sodom iya ri laleng sikédé mataé ancuru'i nasaba limanna Allataala na dé'gaga tindakanna tolinoé.

YEHEZKIEL 37:28

Rékko engkani Bola-Ku ri tengnga-tengngana mennang untu' mannennungeng, naissennitu bangsa-bangsa laingngé makkedaé Iyya, Puwang, pura piléi Israélié mancaji umma riyalé-Ku.”

YEHEZKIEL 6:12

Napérasai manengngi matu ajjallo'na cai-Ku. Sining tau iya mabélaé ri appalirengngé nakennai matu lasa namaté; iya macawé'é matéi matu ri laleng musué, na sésana matéi matu alupureng.

OBAJA 1:10

“Purako kédo majapperu lao ri silessu-silessuremmu wijanna Yakub. Rimakkuwannanaro ripaccappuko matu, sibawa ricella ri tauwé sillampé wettué.

MALEAKHI 1:3

na Esau Ucéccéi. Daéra mabbulu-buluna Esau purani Uwancuru, sibawa Uwabbéréyangngi tanana lao risining olokolo masekkangngé ri padang kessi'é.”

MALEAKHI 1:4

Akkalarapanna wija-wijanna Esau, iyaro sining tau Edongngé makkedai, “Purani riyancuru kota-kotata, iyakiya maéloki patettongngi paimeng,” mappébaliwi matu Puwangnge, “Weddingngi mennang patettongngi paimeng, iyakiya Uruttungngi matu. Riteppui matu mennang, ‘Wanuwa madoraka’ sibawa ‘Bangsa iya nakennaé caina Puwangnge untu' mannennungeng.’ ”