AWATINGENG 4:21 - KITTA KAREBA MADECENG

²¹ Eh bangsa Edom sibawa Us, macawano, akkérennuno, ri wettu weddinna mupa! Polé towi matu abalaé ri iko sibawa nasaba mabo'ko mupallusu-lusui matu alému.

AWATINGENG 4:21 ပူးပေါင်းရင်းမြစ်များ

KAJAJIYANG 36:28

Disyan toriyolona appang: Us sibawa Aran.

2 TAWARIKH 28:19

Nasaba Ahas arung Yéhuda nasalaini Puwangnge sibawa dé' naparéntai ra'ya'na pékkugi mestinna, nanapapolé Puwangnge asussang ri Yéhuda.

AYUB 1:1

Ri tana Us monroi séddi tau worowané riyasengngé Ayub. Nasompai Allataala sibawa matinulu na lao ri Aléna. Séddiwi tau iya makessing atié sibawa dé' napogau' ja muwi céddé.

MAZMUR 137:7

Oh Puwang, éngngerangngi pangkaukenna tau Edongngé wettunna riyancuru Yérusalém. Makkedai mennang, “Ruttungngi, ruttungngi lettu ri pallangga-pallanggana!”

PAKKATOBBA 11:9

Péneddingini wettu malolomu, éh kallolo! Arennuno ri wettu malolomu mupa. Pennoiwi sininna cinnana nyawamu, pogau'ni sininna niya' atimmu. Iyakiya éngngerangngi, Allataala iya engkaé ri surugaé, naadélékiwi matti sininna tindakammu.

YEREMIA 49:12

Muwi tau iya dé'é nasipato rihukkung, nakenna towi pahukkungeng, masa iko dé'? Pasti harusu'ko rihukkung!

YEREMIA 49:7

Iyanaé napowada Puwang Iya Pommakuwasaé passalenna Edom, “Dé'ga naulléi mappikkiri tau Edongngé secara mapanré? Aga sining pappangajana dé' nabbéré pangajana lao ri mennang? Lennye'niga apanrénna mennang?

YEHEZKIEL 25:6

Makkedai Puwang Iya Pommatanré, “Mappaleppa'ko namuséréto marennu. Mupakariyawai tanana Israélié.

YEHEZKIEL 25:8

Makkedai Puwang Iya Pommatanré, “Napowadai Moab makkedaé iyaro Yéhuda padai bangsa-bangsa laingngé.

YEHEZKIEL 26:2

“Eh tolino dé'é namannennungeng, purani gora-gora pabbanuwana Tirus namakkedato, ‘Ancuru'ni Yérusalém! Awatangenna ri laleng dangkangengngé teddénni! Dé'na namancaji saingatta!’ ”

AMOS 1:11

Makkedai Puwangnge, “Makkolik-kolinni madosa pabbanuwana Edom, rimakkuwannanaro pasti Uhukkungngi matu mennang. Purai mennang nagasa tau Israélié temmaddampeng, silessu-silessurenna mennang. Matterui mennang macai, sibawa tette'i maélo makkabale.

OBAJA 1:1

Iyanaé botona Obaja; napalettu'i pasenna Puwang Iya Pommatanré passalenna bangsa Edom: Purani nakiring Puwangnge suro-Na lao ri bangsa-bangsaé, na purani taéngkalinga paseng iya natiwié selaku mangoloéwé, “Sadiyano untu' mammusu! Laono mai tajoppa gasai Edom.”

MIKHA 1:11

Iko pabbanuwana Safir, joppano lao ri appalirengngé temmappakéyang sibawa pappénedding masiri! Dé' nabarani massu sining tau Zaanangngé polé ri kotana mennang. Kelli'na pabbanuwana Bét-Haézel mappaitangngi lao ri iko makkedaé dé'na gaga kuwaro allinrungeng.

HABAKUK 2:16

Makkekkuwangngé narapini lélémmu untu' ripakasiri, natenniya untu' ripakalebbi. Tappinrai matu alebbiremmu mancaji atunang. Napassako matu Puwangnge ménung polé ri énungeng iya mallise'é pahukkungeng ri alému. Ménukko matu sibawa tassulus-sulung.

WAHYU 16:15

“Engkalingai! Polé-Ka pada-pada pangaé! Masennangngi tau iya tette'é sadiya sibawa jagaiwi pakéyanna, angkanna dé' najoppa sibawa mallusu-lusu sibawa mancaji masiri ri yolona tau maégaé!”