AWATINGENG 4:19 - KITTA KAREBA MADECENG

¹⁹ Masitta senna sining pallellutta mabélai lebbi gatti naiya kuwajangngé. Nalellukki mennang ri bulué, sibawa madakki ri padang kessi'é.

AWATINGENG 4:19 ပူးပေါင်းရင်းမြစ်များ

YEREMIA 16:16

Makkedai Puwangnge, “Maélo-Ka mobbi maéga pakkaja untu' tikkengngi sining tauwéwé. Nainappa maélo-Ka mobbi maéga paddengngeng untu' lellungngi mennang ri tungke bulu sibawa bulu-bulu sibawa ri gowa-gowa bulu-bulu batué.

YEREMIA 4:13

Itai, mompoi balié pada-pada ellungngé. Karéta-karéta musuna pada-padai anginrajaé, sining anyaranna lebbi magattii naiya kuwajangngé. Wah, cilakani! Cappuki!

AWATINGENG 1:13

Napanonnoi apié polé ri langié iya tunuéngngi lettu ri laleng batékku. Natangngi siyo-siyoé ri yoloku iya mébbuékka mabuwang. Nainappa Naleppessakka alé-aléku manrasa-rasa puppu esso.

HOSEA 8:1

Makkedai Puwangnge, “Paoniwi tanrang bahayaé! Nagasai balié wanuwak-Ku pada-pada bokangngé séro'i anréna! Najjalékkaiwi umma'-Ku assijancik-Ku sibawa mennang, sibawa méwai sining pappagguruwakku.

HOSEA 8:3

iyakiya dé' namaélo mennang tarimai aga iya makessingngé. Rimakkuwannanaro rilelungngi matu risining balinna.

ANGIMANGENG 26:36

Sining taummu iya engkaé ri laleng appalirenna wanuwa laingngé, Uwébbui matu métau senna, angkanna muwi oni daud-daung iya nairié anging palari towi mennang. Lariko matu samanna rilellung ri laleng ammusurengngé, namumenrung namuni dé' gaga bali ri seddému.

AMOS 2:14

Muwi tau magattié lari dé'to naulléi leppe; tau mawatangngé ateddéngengngi matu awatangenna, sibawa tau baranié dé' naulléi matu passalama'i aléna.

HABAKUK 1:8

Anyaranna lebbi magattii naiya macang tutul-é, sibawa lebbi masekkangngi naiya serigala iya malupué. Pasukang makkinnyaranna poléi ri wanuwa-wanuwa mabélaé; poléi mennang pada-pada bokang iya séro'éngngi anréna.

ULANGENG 28:49

Séuwa bangsa iya dé'é mupahangngi basana maélo napapolé Puwangnge polé ri cappa linoé untu' méwako. Pada-pada kuwajangngé naséro'ko matu mennang.