AWATINGENG 4:17 - KITTA KAREBA MADECENG

¹⁷ Posoni matatta makkita, tajengngi bantuwang iya teppudu-pudué polé. Maddennuwangiki pattulunna séddié bangsa, iya sitongennaé dé' naulléi mabbéré aga-aga.

AWATINGENG 4:17 ပူးပေါင်းရင်းမြစ်များ

YESAYA 20:5

Sining tau iya mattuwangngéngngi Sudan sibawa mattempowangngi Maséré majuléi matu sibawa ancuru paddennuwanna.

YESAYA 28:18

Assijancimmu sibawa amaténgngé sibawa assitujuwammu sibawa linona tau maté rirusa'i matu, angkanna rékko poléi abalaé, ancuru'ko riléjja-léjja.

YEREMIA 2:18

Aga sarona laoko ri Maséré? Maéloko ménungngi uwaina Solo Nil? Aga sarona laoko ri Asyur? Maéloko ménungngi uwaina Salo Efrat?

YEREMIA 2:36

Masitta senna'ko lao ri déwata-déwata bangsa laingngé untu' méllau tulung! Pasti ripakacéléko matu ri Maséré, pada-pada ripakacélému ri Asyur.

YEREMIA 2:37

Musalaiwi matu Maséré sibawa kacélé nenniya masiri. Iyya, Puwang, pura sampéyangngi mennang iya muwattuwangngé; dé' aga-aga asarong mulolongeng matu polé ri mennang.”

YEREMIA 8:20

Mangobbii umma Israélié, “Wettu éngngalangngé sibawa wettu tikkaé labe'ni makkekkuwangngé, iyakiya dé' topa tasalama.”

AWATINGENG 1:19

Uwobbii sining silaong maréppé'ku iyakiya nabali'bellarika mennang. Sining imangngé sibawa pamimping bangsaé maté manenni ri lalel-laleng kotaé. Wettunna sappa inanré untu' mattahangengngi nyawana.

AWATINGENG 1:7

Maruttunnana sibawa manrasa-rasa, naéngngeranni Yérusalém wettu labe'na, wettunna maéga mupa waramparang; pékkugi pabbanuwana sempé ri limanna balié, na dé' muwi séddi tau polé mattulung. Banna macawai sining balinna mitai aruttungenna.

AWATINGENG 5:6

Laoki maréllau-éllau ri Maséré, méllauki inanré ri Asyur.

YEHEZKIEL 29:16

Dé'na matu naéllauwi Israélié bantuwammu. Totomu éh bangsa Maséré paréngngerangiwi matu Israélié pékkugi kelirunna mattuwangngi Maséré, pada-pada iya puraé napogau'. Nanaissenni Israélié makkedaé Iyya ritu Puwang Iya Pommatanré.”