AWATINGENG 4:11 - KITTA KAREBA MADECENG

¹¹ Napallessui caina Puwangnge sibawa tunui Kota Sion narapi rata sibawa tanaé.

AWATINGENG 4:11 ပူးပေါင်းရင်းမြစ်များ

YESAYA 51:20

Ri tungke cappa laleng menrungngi sining taummu acappureng awatangeng pada-pada jonga iya nalaé sappang. Nakennai mennang caina Puwangnge, sibawa nakenna pakkamparenna Allataala.

YEREMIA 13:14

Nainappa Upasileppo matu séddié sibawa laingngé. Macowa malolo Ugaukengngi matu makkuwaro temmaddampeng. Upabbinasai matu temmarasa sayangngi iyaré'ga mamasé. Iyya, Puwang, pura mabbicara.”

YEREMIA 17:27

Iya manennaro kajajiyangngi matu narékko muturusi-Ka sibawa pallaingngi esso Saba'é untu' Iyya. Aja' muwakka muwi barang aga lalo ri pintu-pintu gerbanna Yérusalém ri essoéro. Rékko muwajjalékkaiwi iyaro parénta-parénta-Ku, utunui matu gangka cappu pintu-pintu gerbanna Yérusalém enrengngé saoraja-saorajana na iyaro apié dé' nawedding ripeddéi.’ ”

YEREMIA 21:14

iyakiya maélo-Ka hukkukko nasaba pangkaukemmu. Utunui matu saorajamu, sibawa sininna séuwa-séuwaé ri seddému ritunui matu. Iyya, Puwang, pura mabbicara.”

YEREMIA 36:7

Naullé nasaba iyaro massempajangngi matu mennang lao ri Puwangnge, sibawa toba' polé risining pangkaukenna mennang iya majaé. Macai senna'i Puwangnge lao ri mennang sibawa mancangngi mennang.”

YEREMIA 7:20

Iyya, Puwang Iya Pommatanré, maélo pakennaiwi cai-Ku iya maseroé ri yasé'na bola assompangngéwé, ri yasé'na tolinoé sibawa olokolo'é, makkuwatoro ri ajukajungngé sibawa wassélé tanaé. Mallalatungngi matu cai-Ku pada-pada api iya dé'é nariyullé peddéi.”

AWATINGENG 2:1

Tinda'i Puwangnge ri laleng caina, Nasalipuriwi Sion sibawa pettang. Arajanna Israélié iya sittanré langié, purani Naggeppuwang ri linoé. Wettunna macai Puwangnge, muwi Bola-Na ri Sion dé'to Najampangiwi.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 2:3

Ri laleng cai-Na iya malluwa-luwa'é, Napoloi awatangenna Israélié. Wettutta nagasa balié, bata-batai mabbéré pattulung. Pada-pada apié majjallo paccappui sini-sininnaé, makkuwaniro Puwangnge macai lao ri idi maneng.

AWATINGENG 2:4

Pada-pada balié paggettengngi uso pana-Na sibawa pattujui ana' pana-Na lao ri idi. Sininna tau iya pésennangiyéngngi atitta, cappui Nauno. Napporokengngi cai-Na pada-pada apié ri laleng kota Yérusaléngngéwé.

AWATINGENG 2:8

Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

AWATINGENG 4:22

Purani najoppai pahukkungenna Sion nasaba dosa-dosa iya napogau'é; makkekkuwangngé dé'na matu naleppessakki Puwangnge sibawa dé'na ritiwiki matu ri laleng appalirengngé. Iyakiya iko, éh Edom, nahukkukko matu Puwangnge. Ritimpa'i matu dosa-dosamu.

YEHEZKIEL 22:31

Rimakkuwannanaro Uleppessangngi cai-Ku makkekkuwangngé lao ri mennang, na pada-pada apié Upaccappui matu mennang nasaba sininna pangkaukenna. Iyya Puwang Iya Pommatanré pura mabbicara.”

YEHEZKIEL 36:18

Utuppa'i cai-Ku lao ri mennang nasaba purai napogau' mennang maéga abbunowang ri tanaéro nenniya rotakiwi sibawa sining barahalana.

YEHEZKIEL 6:12

Napérasai manengngi matu ajjallo'na cai-Ku. Sining tau iya mabélaé ri appalirengngé nakennai matu lasa namaté; iya macawé'é matéi matu ri laleng musué, na sésana matéi matu alupureng.

DANIEL 9:12

Tinda'ko situru pada-pada iya puraé Muwajjanciyang lao ri idi sibawa lao risining panguwasata. Purani Muhukkung Yérusalém lebbi matedde naiya muwi kota niga ri linoéwé.

ANGIMANGENG 26:28

nasibawang cai maélo-Ka majara'ko, sibawa hukkukko wékkapitu lebbi tane naiya labe'é.

ZEFANYA 2:2

ri wettu dé'napa mumakelle sibawa marakko pada-pada bungaé! Mainge'no ri wettu dé'napa narapii esso macaina Puwangnge, sibawa nakenna caina Puwang iya malluwa'-luwa'éro.

ZAKHARIA 1:6

Naolai sining nabié ata-atak-Kuro, Upalettu'i parénta-parénta-Ku sibawa sining papparéngngerak-Ku lao ri néné-nénému. Iyakiya dé' nabati-batiwi mennang angkanna harusu'i natanggung mennang addimonrinna. Nainappa mennang massesse kalé sibawa mangakuiwi makkedaé Iyya, Puwang Iya Pommakuwasaé, pura hukkungngi mennang situru sibawa asalanna mennang, nenniya situru sibawa attentuwak-Ku.”

LUKAS 21:22

Saba' iyaro esso-essoé iyanaritu ‘Esso-esso Ripatakkennana Pahukkungengngé’, kuwammengngi nakajajiyang aga pura tarokié ri laleng Kitta'é.