AWATINGENG 3:51 - KITTA KAREBA MADECENG

⁵¹ Messéni atikku mitai totona sining makkunraié ri kotata.

AWATINGENG 3:51 ပူးပေါင်းရင်းမြစ်များ

KAJAJIYANG 44:34

Pékkugiwi atatta wedding lisu lao ri ambo'ta rékko iyaro ana'é dé naccowé? Dé' natahang atatta matti mitai abala iya kennaéngngi matu ambo'taro.”

YEREMIA 11:22

Rimakkuwannanaro, makkedai Puwang Iya Pommakuwasaé, “Maélo-Ka hukkungngi mennang! Sining tau malolona mennang matéi matu ri laleng ammusurengngé, ana'-ana'na mennang matéi alupureng.

YEREMIA 14:16

Sining tau iya puraé tarimai sining botona mennanro riyuno towi matu sibawa cara iya padaé. Riyaggenrungengngi matu ujuna mennang lao risining lalenna Yérusalém na dé'gaga kuburu'i. Makkuwaniro totona mennang sibawa ana' nenniya bainéna mennang. Uwébbui matu mennang péneddingiwi addimonrinna jana mennang.”

YEREMIA 14:18

Rékko laoka ri padangngé, uwitai sining uju iya maté ri laleng musué. Ri laleng kotaé uwitai anrasa-rasangngé, sining tauwé céddé'i maté alupureng. Nabi sibawa imangngé napajoppai kewajibanna tennajeppui aga iya napogau'é mennang.”

YEREMIA 19:9

Nakeppungngi matu balié iyaé kotaé, sibawa makkuraga mpunoi pabbanuwana. Iyaro akkeppungengngé makkuwamani serona, angkanna sining tauwé ri kotaéwé sisulléi sianré silaonna, mala ana'-ana'na muto mennang.”

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

AWATINGENG 2:21

Macowa malolo matéi makkalénnereng ri lalengngé, matéi kalloloé sibawa ana' daraé polé ri peddangngé. Ri esso macai-Mu, Mugéréi mennang temmappénedding messé.

AWATINGENG 3:50

narapi Iko, oh Puwang ri surugaé tajampangiki.

AWATINGENG 3:52

Pada-pada manu'-manu'é, nalellukka balié iya temmakkéalasangngé céccéka.

AWATINGENG 5:11

Rigau' majariwi sining makkunrai Siongngé. Napéjariwi sining ana'daraé ri désa-désana Yéhuda.