AWATINGENG 3:48 - KITTA KAREBA MADECENG

⁴⁸ Massolo'i uwai matakku pada-pada saloé nasaba ancuru'ni bangsaku.

AWATINGENG 3:48 ပူးပေါင်းရင်းမြစ်များ

MAZMUR 119:136

Massolo'i uwai matakku pada-pada saloé, nasaba dé' nariturusi hukkum-Mu.

MAZMUR 137:1

Ri wirinna salo-salo Babél tudakki sibawa teri rékko riyéngngerangngi Sion.

YEREMIA 13:17

Rékko bata-batako méngkalingai, terika matu sibawa mammekko-mekko. Sibawa pappénedding masé' senna muteringiwi atempommuro. Mallénél-lénéngngi matu uwai matakku nasaba ritiwii umma'na Puwangnge selaku tawangeng.

YEREMIA 14:17

Puwangnge suroka mappaissengengngi amessékku lao ri umma'-Na. Harusu'ka makkeda makkuwaé, “Leppessakka teri dé' pajana, esso wenni mabbarébé uwai matakku. Saba' malo senna'i bangsaku sibawa manrasa-rasa senna.

YEREMIA 4:19

Temmaka anrasa-rasana atikku, dé'na utahang manrasa-rasa. Dé' uwulléi pattennangngi alé maddumba-dumba aroku, saba' uwéngkalingai moni tarompé'é, sibawa mango kelli musué.

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

YEREMIA 9:18

Makkedai tau Yéhudaé, “Suroi mennang masitta puwélongngi élong abbaratang untu' idi maneng, kuwammengngi namallénél-lénéng uwai mataé rica'i rupatta.”

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

AWATINGENG 2:18

Eh témbo'-témbo' Yérusalém, angobbino lao ri Puwangnge! Pabbarébé'i uwai mataé pada-pada salo massolo'é esso wenni. Atteruno teri, aja' muwappésau narapi matekko watakkalému!