AWATINGENG 3:37 - KITTA KAREBA MADECENG

³⁷ Rékko dé' napuwéloi Puwangnge séuwaé, pasti dé' aga-aga naullé pogau' tauwé untu' iyaro.

AWATINGENG 3:37 ပူးပေါင်းရင်းမြစ်များ

2 SAMUEL 16:10

Iyakiya makkedai arungngé lao ri Abisai sibawa Yoab kakana, “Aja' mubati-batiwi. Leppessangngi siya natanroika. Saba' rékko Puwangnge suroi, nigana punna ha' makkutanangngi magi nakédo makkuwaro?”

1 ARUNG-NGARUNG 22:34

Nasitujuwangngi séddi prajuri Siria malleppessangngi ana' panana, teppatujui ri akkatta mattentué. Iyakiya iyaro ana' panaé nakennai Ahab sibawa bettui waju musuna ri bagiyang padduppanna. Nagorana Ahab lao ri pappalari karétana, “Nakennaka! Balé'ko namutiwika massu polé ri ammusurengngé!”

2 ARUNG-NGARUNG 6:33

Dé'pa napaja Elisa mabbicara, lettu'ni arungngé kuwaro sibawa makkeda, “Iyaé asussangngé, Puwangnge patakkennai lao ri idi! Jaji agapi akkégunana uwaddennuwangi pattulun-Na?”

AYUB 10:13

Iyakiya makkekkuwangngé uwisseng makkedaé sikuwaéro ittana, mammekko-mekko-Ko pura rancanai acilakakku.

AYUB 2:10

Nappébali Ayub, “Mabbicarako pada-pada tau madonggoé! Masa iyami bawang makessingngé maélo ritarima polé ri Allataala, na iya dé'é namakessing risampéyangngi?” Jaji, namuni napéneddingiwi Ayub sininna abalaéro, dé' napowadai ada-ada iya méwaéngngi Allataala.

ASSURENG 10:10

Nakkeda arungngé, “Dé' namakkullé upalaloko tiwii sining makkunraié sibawa ana'-ana'mu! Iya muwéllauwéro pada muwi maddennuwangika méllauwi ri Puwangnge barakkakiko. Manessani ri aléku makkedaé majai akkattamu.

AMSAL 16:9

Naullé mébbu rancana tolinoé, iyakiya Allataala pattentui laleng atuwonna.

AMSAL 19:21

Tolinoé mappunnaiwi maéga rancana, iyakiya banna apettunna Puwangnge iya kajajiyangngé.

AMSAL 21:30

Dé'gaga amaccang iyaré'ga apanréng iya mullééngngi tahang ri yolona Puwangnge.

YESAYA 46:10

Polé ri pammulanna Uwappaissengengngi gau'-gau' iya rimunriyé, sipongenna riyolo Ubotoi aga iya maéloé kajajiyang. Adak-Ku: Kajajiyangngi matu apettuk-Ku, élo-Ku pasti Upogau'i!

YEREMIA 23:32

Iyya, Puwang, méwai matu nabi-nabiéro iya palettu'éngngi nippi-nippinna iya pennoé bellé. Napapusai mennang umma'-Ku sibawa bellé nenniya abboronna mennang. Dé' Usuroi iyaro nabi-nabié. Dé' sises-siseng mennang nakkéguna untu' umma'-Ku. Iyya, Puwang, pura mabbicara.”

DANIEL 4:35

Dé' bettuwanna bangsa-bangsaé ri linoé. Nakuwasaiwi Allataala malaéka'é ri surugaé sibawa pabbanuwana linoé. Dé' muwi séddi tau mulléi méwai élo-Na, dé'gaga barani makkutanangngi aga iya Napogau'é.”

ROMA 9:15

Saba' makkedai Allataala lao ri Musa, “Maélo-Ka mappaitangngi pammasé, sibawa maélo-Ka mappaitangngi paressé babuwaé lao ri tau iya maéloé Upaitang paressé babuwa.”

EFESUS 1:11

Najamai Allataala sininna séuwa-séuwaé manuru élo-Na sibawa apettun-Na muto. Mappummulai pammulanna puraki Napilé saba' macinnai kuwammengngi mancajiki umma'-Na nasaba masséddiki sibawa Kristus.