AWATINGENG 3:36 - KITTA KAREBA MADECENG

³⁶ nasaba ripasibalékengngi adélékengngé, pastini naisseng Puwangnge sibawa najampangi.

AWATINGENG 3:36 ပူးပေါင်းရင်းမြစ်များ

2 SAMUEL 11:27

Nainappa leppe'nana wettu abbaratanna, nassuro mobbini Daud iyaro makkunraié lao ri saorajaé sibawa mancajini bainéna. Siyagangngaré uleng rimunrinna jajiyanni séddi ana' worowané. Iyakiya dé' namasennang Puwangnge sibawa pangkaukenna Daudro.

MAZMUR 94:5

Natenre'i mennang umma'-Mu, oh Puwang, sibawa reppo'i sining tau Mupilé.

AMSAL 24:12

Weddissa makkedako, “Iyaro tenniya urusakku.” Iyakiya Allataala jagaiko. Naisseng sibawa naadélékiwi pikkirammu. Nawale'i tolinoé situru pangkaukenna.

YESAYA 59:15

Dé'na gaga tau malempu, na nigi-nigi mabélaiwi jaé, aléna mancaji korbanna jaé.” Purani naita Puwangnge, na dé' namasennang makkedaé dé'na gaga adélékeng.

YEREMIA 22:3

“Kédo adélé'no sibawa malempu. Paleppe'i tau iya ripara'é polé ri akuwasanna tau iya para'éngngi. Aja' mutenre'i iyaré'ga kédo maja lao ri tau laingngé, ana' béué, iyaré'ga jandaé. Aja' muwunoi tau iya dé'é napasala ri onrongngéwé.

AWATINGENG 3:59

Muwitai ja iya napogau'é lao ri iyya, rancana majana balié iya céccéékka. Rimakkuwannanaro, oh Puwang, éwaiwi parakaraku.

HABAKUK 1:13

Iyakiya pékkugi-Ko tahang mitai sining tau maja iya mabecco'éro? Dé'ga na-Mumapaccing senna untu' mitai jaé? Dé'ga namaja péneddim-Mu mitai dé'é naadélé? Jaji, magi Muwammekko bawang wettunna tau malempué riyancuru ri tomadorakaé?

ULANGENG 25:1

Ebara'na duwa tau Israél lao ri pengadilangngé untu' mapparakara, nainappa iya séddié ripannessani dé' napasala, na laingngé pasala.