AWATINGENG 3:26 - KITTA KAREBA MADECENG

²⁶ Jaji, makessinni mattajekki sibawa tennang narapi polé Puwangnge mabbéré pattulung;

AWATINGENG 3:26 ပူးပေါင်းရင်းမြစ်များ

KAJAJIYANG 49:18

Oh Puwang, asalamakeng iya Muwabbéréyangngé, iyanaro utajet-tajeng.

2 TAWARIKH 20:17

Dé' muparellu mammusu ri laleng ammusurengngéwé. Laono ri onrong iya puraé ripattentungekko sibawa tajengngi kuwaro. Muwitai matu Puwangnge mpérékko apakalang. Eh pabbanuwana Yéhuda sibawa Yérusalém, aja' mumanenneng iyaré'ga métau. Uttamaki bawanni ammusurengngé, Puwangnge tulukko matu!”

MAZMUR 119:166

Mattajekka asalamakeng polé ri Iko, Puwang, upogau'i sining parénta-Mu.

MAZMUR 119:174

Nauddaningiwi atikku asalamakeng polé ri Iko, napérennui atikku hukkum-Mu.

MAZMUR 130:5

Utajengngi bantuwanna Puwangnge, uwamménasaiwi jancin-Na.

MAZMUR 37:34

Amménasano lao ri Puwangnge sibawa turusiwi parénta-Na, Nanaakkako untu' manai iyaro tanaé; muwitai matu ripallennye tau majaé.

MAZMUR 37:7

Tajenni Puwangnge sibawa ati tennang, tajenni sibawa sabbara narapi tinda'. Aja' mumausé nasaba iya maupe'é atuwonna, iyaré'ga iya pogau'é bellé.

MAZMUR 52:9

“Iyanaro taunna iya dé'é nallinrung ri Allataala, iyakiya mamménasangngi asugirenna maonaé sibawa sappa atennangeng ri barang rappana.”

MAZMUR 54:6

Iyakiya Allataala iyanaritu pattulukku; Puwangnge iyanaritu pangéwaingekku.

MAZMUR 62:2

Nasibawang atennangeng nyawaku tajengngi Allataala, polé ri Aléna bawang asalamakekku.

MAZMUR 73:28

Iyakiya untu' aléku makessing tongeng engka ri seddéna Allataala, Puwang Allataala upancaji onrong allinrungekku, kuwammengngi uwulléi mabbirittangngi sininna pangkauken-Na.

MAZMUR 92:1

Elong untu' esso Saba'é.

ASSURENG 14:13

Nappébali Musa, “Aja' mumétau! Attahanno! Muwitai matu aga napogau' Puwangnge untu' passalama'ko. Tau Maséré iya muwitaé makkekkuwangngé, dé'na matu muwitani paimeng.

ASSURENG 14:14

Puwangnge matu méwangekko, na iko dé'na naparellu pogau' aga-aga.”

YESAYA 30:15

Puwang Iya Pommatanré, Allataala mapaccinna Israélié, makkeda lao ri umma'-Na, “Toba'no sibawa tette tennang, na-Upassalama'ko matu. Ateppe'no ri Iyya sibawa ati iya amangngé, na-Upéwatangiko matu.” Iyakiya dé' mumaélo!

YESAYA 30:7

Paracuma bawang bantuwanna Maséré. Rimakkuwannanaro Utellai Maséré, ‘Naga iya dé'é nabbahaya.’ ”

YESAYA 7:4

Powadangngi arungngé makkedaé harusu'i sadiya-sadiya iyakiya tette'i tennang. Dé' naparellu métau iyaré'ga malippu. Caina Arung Pékah sibawa Arung Rézin silaong tentarana sining tau Siriaéro dé' nalebbi mabbahaya polé ri duwa appulu aju api iya maddumpué.

YEREMIA 14:22

Déwata-déwatana bangsa-bangsaé dé' naulléi pateppa bosi ri linoé. Muwi langié dé'to nawedding tiri'i bosié sibawa akuwasanna muto. Banna Iko ritu amménasatta. Iko mébbui sininnaro kajajiyang.

AWATINGENG 3:27

makessinni magguruki mancaji sabbara ri wettu malolota mupa.

HABAKUK 2:3

Okii iyaro, saba' makkekkuwangngé dé'pa nawettunna. Iyakiya iyaro wettué masitta'i polé, na aga iya Upannessaé lao ri iko pasti kajajiyangngi matu. Namuni paitai samanna maitta mupa, iyakiya tajeng bawanni! Iyaro wettué pasti poléi matu sibawa dé'na naripasoro matu.

GALATIA 4:18

Mémeng makessing untu' masumange' ri laleng gau'-gau' iya makessingngé, assaleng tuli makkuwamuwiro sibawa aja' bawang narékko engkaka sibawakko.

IBRANI 10:35

Rimakkuwannanaro, aja' mupettu paddennuwang, saba' rékko tette'ko mateppe' engka saro battowa untu'mu!

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

1 PETRUS 1:13

Rimakkuwannanaro, sitinajako sadiya-sadiya. Atike'ko sibawa amménasa manenno ri barakka iya maéloé riwéréngngékko ri wettunna polé Yésus Kristus matti.