AWATINGENG 3:25 - KITTA KAREBA MADECENG

²⁵ Makessingngi Puwangnge lao ri tau iya maddennuwangngé ri Aléna, sibawa lao ri tau iya sappaéngngi.

AWATINGENG 3:25 ပူးပေါင်းရင်းမြစ်များ

KAJAJIYANG 49:18

Oh Puwang, asalamakeng iya Muwabbéréyangngé, iyanaro utajet-tajeng.

1 TAWARIKH 28:9

Nainappa lao ri Salomo, makkedai Daud, “Ana'ku, sitinajai Allataala iya nasompaé ambo'mu, muwakuiwi selaku Allataalamu. Harusu'ko mattumani lao ri Aléna sibawa matinulu nenniya macenning ati. Saba' Naisseng manengngi pikkirangngé sibawa cinnana atitta. Rékko musappai, muruntu'i matu, iyakiya rékko musalaiwi, Nasampéyakko matu lettu mannennungeng.

2 TAWARIKH 15:2

angkanna lao méwai sita Arung Asa, sibawa makkeda, “Eh Arung Asa, silaong sininna pabbanuwana Yéhuda nenniya Bényamin! Engkalingai! Macawé'i Puwangnge ri iko rékko macawé'ko ri Aléna. Rékko muwéllauwi panunju'na Puwangnge, Nawérékko matu. Iyakiya rékko dé' mubati-batiwi, dé'to nabati-batiko.

2 TAWARIKH 19:3

Namuni makkuwaro engka mutopa iya makessingngé ri Datu. Purani napaddésu Datu sininna dato'-dato' Déwi Asyéra iya nasompaé ra'ya'é sibawa pura toni Datu makkuraga untu' tuwo situru élona Allataala.”

2 TAWARIKH 30:19

“Puwang, Allataala, nasompaé toriyolota, tennapodo polé ri akessingeng atim-Mu Muwaddampengengngi mennang iya mattengngangngé massompa lao ri Iko sibawa sukku ati, namuni mennang dé'pa napépaccingiwi aléna.”

2 TAWARIKH 31:21

Lolongengngi wassélé, nasaba sininna iya naébbué untu' Bolana Puwangnge iyaré'ga untu' turusiwi hukkung-hukkunna Puwangnge, napajoppai sibawa sukku atinna enrengngé pappoji lao ri Puwang Allataalana.

EZRA 8:22

Maware'ka méllau tentara makkinnyarang ri arungngé untu' linrungiki polé ri balié ri allalengengngé. Saba' purani upowadang, makkedaé Allataalata barakkakiwi tungke' tau iya massompaé ri Aléna sibawa céccéi nenniya hukkungngi tungke' tau iya dé'é namatinulu ri Aléna.

MAZMUR 105:3

Aléna Puwang Iya Pommakuwasaé; ariyo-riyono saba' appunnangennaki, sininna iya massompaé sitinajai marennu.

MAZMUR 119:2

Masennangngi tau iya maccowériyéngngi parénta-Na, sibawa sukkui atinna makkuraga missengngi Puwangnge.

MAZMUR 22:26

Ri tengngana addeppungenna umma'é upoji-Ko, nasaba sininna iya puraé Mupogau'. Ri yolona umma iya mateppe'é uwakkasuwiyangengngi akkarobangeng iya uwajjanciyangngé.

MAZMUR 25:8

Saba' makessingngi Puwangnge sibawa adélé'i, Najjellokengngi lalengngé lao ri tau iya pusaé.

MAZMUR 27:14

Amménasano lao ri Puwangnge, péwatangini sibawa pakkasse'ni atimmu; ya, amménasano lao ri Puwangnge!

MAZMUR 27:8

Makkeda-Ko, “Poléno sompa-Ka.” Ubaliwi, “Masitta'ka polé, oh Puwang;

MAZMUR 37:34

Amménasano lao ri Puwangnge sibawa turusiwi parénta-Na, Nanaakkako untu' manai iyaro tanaé; muwitai matu ripallennye tau majaé.

MAZMUR 37:7

Tajenni Puwangnge sibawa ati tennang, tajenni sibawa sabbara narapi tinda'. Aja' mumausé nasaba iya maupe'é atuwonna, iyaré'ga iya pogau'é bellé.

MAZMUR 39:7

labe'i atuwonna pada-pada wajo-wajoé. Sininna alippungenna siya-siyai bawang; nagoppoi waramparangngé, iyakiya dé' naissengngi niga pakéi matu.

MAZMUR 61:1

Untu' pamimping kor. Nasibawang kacapi. Polé ri Daud.

MAZMUR 61:5

Leppessakka gangka tuwoku mappéruma ri kéma-Mu, kuwammengngi naamang ri laleng accinaungenna panni-Mu.

MAZMUR 69:32

Lebbi naéloriwi Puwangnge iyaro naiya akkarobangeng sapingngé, akkarobangeng saping lai iya battowaé.

MAZMUR 71:14

Iyakiya iyya tuli mamménasaka ri Iko, sibawa pédé maéga poji-Ko.

YESAYA 25:9

Ri wettuéro makkedai matu tauwé, “Sitongenna, Aléna ritu Allataalata; Aléna ritu tatajeng, kuwammengngi naripassalama'ki. Tongeng, iyanaé Puwang; Aléna ritu tatajeng. Makkekkuwangngé gorani marennu, saba' purani Napassalama.”

YESAYA 26:9

Nasénge'-Ko nyawaku ri wennié, nauddaningi-Ko atikku ri éléé. Rékko Muadéléki linoé matti, naissengngi matu pabbanuwana linoé aga iya tongengngé.

YESAYA 30:18

Namuni makkuwaro, natajengngi Puwangnge wettunna untu' mappaitangngi paressé babuwa-Na lao ri iko. Sadiyai untu' mamaséiko. Saba' Puwangnge iyanaritu Allataala iya pogau'éngngi aga iya teppa'é. Masennangngi tau iya mamménasaé ri Aléna.

YESAYA 40:31

Iyakiya tau iya mattuwangngéngngi Puwangnge, lolongengngi matu awatangeng mabaru. Padai mennang kuwajangngé iya luttué matanré sibawa awatangeng pannina. Lariwi mennang sibawa dé' naposo, joppai mennang sibawa dé' namatekko.

YESAYA 55:6

Lisuno ri Puwangnge ri wettu weddinna mupa; angobbino ri Aléna ri wettu macawé'-Na mupa.

YESAYA 64:4

Dé'pa naengka iya méngkalingaéngngi, sibawa dé'pa naengka iya mitaéngngi makkedaé ri lainnaé Iko, engka déwata iya tinda'é, lao ri tau iya mamménasaé ri aléna.

AWATINGENG 3:26

Jaji, makessinni mattajekki sibawa tennang narapi polé Puwangnge mabbéré pattulung;

HOSEA 10:12

Makkedaka, ‘Eh Israél! Bukkano dare' baru untu' alému, amporini biné adélékeng, sibawa éngngalani barakka iya napowassélé'é attonget-tongengenna pappojimmu lao ri Iyya. Saba', wettunnana musappa-Ka, Puwam-mu. Maélo-Ka polé sibawa pabosingiko sibawa sining barakka'-Ku.’

ZEFANYA 3:8

Iyakiya jagako! Tajeng bawanni essona tokkok-Ka matu selaku papparape. Saba' purani Upettui untu' paddeppungengngi bangsa-bangsaé sibawa akkarungeng-akkarungengngé untu' pateppai cai-Ku ri yasé'na mennang. Cappui matu sininna linoé nanré api cai-Ku.

1 TESALONIKA 1:10

Mabbicara towi mennang passalenna pékkugiko mamménasaiwi apolénna Ana'na Allataala polé ri surugaé, iyanaritu Yésus, iya puraé napatuwo Allataala polé ri amaténgngé. Yésus éttonaro iya passalamaékki polé ri caina Allataala iya mangoloé.

YAKOBUS 5:7

Rimakkuwannanaro, sabbara'ki Saudara-saudaraku, narapi polé Puwangngé. Itai pékkugi sabbara'na séddié patani tajengngi narapi tanana mabbéré wassélé' iya engkaé angke'na ri aléna. Nasibawang asabbarakeng natajengngi bosié wettu maddununa daud-daungngé sibawa bosi wettu mpungana aju-kajungngé.