AWATINGENG 3:24 - KITTA KAREBA MADECENG

²⁴ Puwangnge iyanaritu waramparakku séddi-séddié. Rimakkuwannanaro, mamménasaka ri Aléna.

AWATINGENG 3:24 ပူးပေါင်းရင်းမြစ်များ

1 TAWARIKH 5:20

Iyaro prajuri-prajuri'é mateppe'i ri Allataala sibawa méllau tulung ri Aléna, naritarimana paréllaunna mennang ri Allataala sibawa mpéréngngi mennang apakalang lao risining tau Hagriéro sibawa naéwaé sikongkolo mennang.

AYUB 13:15

Baranika saba' pettu paddennuwanna! Rékko maéloi Allataala mpunoka, uwabbéréyang bawang, iyakiya uwéwaiwi matu kédo-kédoku ri yolo-Na.

AYUB 22:25

Leppessanni Iya Pommakuwasaé mancaji ulawemmu, sibawa péra'mu iya mangke senna'é.

MAZMUR 119:57

Iko bawang uwacinnai, oh Puwang, majjancika maélo pogau'i pappagguruwam-Mu.

MAZMUR 130:7

Addennuwakko lao ri Puwangnge, éh umma'-Na, saba' tette'i mamasé, sibawa tuli sadiya mappassalama.

MAZMUR 142:5

Wettukku makkita libenréng, uwitai dé'gaga bantuwang untu' aléku. Dé'gaga linrungika, iyaré'ga jampangiyéngngi aléku.

MAZMUR 16:5

Puwang, Iko bawang uwappunnangi; Muwabbéréyangngi sininna iya uwapparelluwangngé, totoku engkai ri limam-Mu.

MAZMUR 31:24

Eloriwi Puwangnge, éh sininna umma'-Na, nalinrungiwi Puwangnge tau iya matinulué. Iyakiya Nahukkungngi tau matempoé sibawa dé' nacarinnaiwi.

MAZMUR 33:18

Puwangnge jagaiwi sining tau iya mateppe'é iya maddennuwangngéngngi pammaséna.

MAZMUR 42:11

Ancuru atikku nasaba pangéllé'na balié. Matterui mennang makkutana, “Kégai Allataalamu?”

MAZMUR 42:5

Messé atikku rékko méngngerangngi wettu riyolo, wettukku mattuju ri Bolana Puwangnge silaong tau maégaé iya pakangkaé ramé-ramé. Joppaka ri yolona barisi'é nasibawang gora-gora nenniya élong pappojiyang.

MAZMUR 43:5

Magi namessé atikku sibawa mausé? Mamménasaka lao ri Allataala, nausukkuru matu paimeng lao ri Aléna, nasaba Allataalaku sibawa pappassalama'ku.

MAZMUR 62:8

Aléna ritu Allataala iya mpéréngngékka asalamakeng sibawa alebbireng, Aléna ritu pallinrukku sibawa pangéwaingekku iya mawatangngé.

MAZMUR 71:14

Iyakiya iyya tuli mamménasaka ri Iko, sibawa pédé maéga poji-Ko.

MAZMUR 73:26

Namuni tubu nyawaku mancaji malemmai, Iko ritu awatangekku, oh Allataala; Iko ritu sininna iya uwappunnaiyé untu' mannennungeng.

MAZMUR 84:12

Saba' Puwang Allataala pallinrutta sibawa arung iya marajaé, iya mpéréngngékki pammasé sibawa alebbireng. Dé' naengka nasampéyangngi muwi aga iya makessingngé lao ri tau iya atuwonnaé dé' cellana.

MAZMUR 94:19

Rékko manennengngi atikku sibawa mausé, massaléwoko sibawa pasennangika.

YEREMIA 10:16

Allataalana Yakub dé' napada-pada barahala-barahalaéro; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

YEREMIA 51:19

Allataalana Yakub dé' napada-pada iyaro barahala-barahalaé; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

AWATINGENG 3:21

Namuni makkuwaro tokkongngi paimeng paddennuwakku, wettunna uwéngngerang gau'éwé:

MIKHA 7:7

Iyakiya mamménasaki lao ri Puwangnge; sibawa penno ateppereng tatajengngi Allataalata. Naéngkalingai matu sempajatta sibawa napassalama'ki.

ROMA 15:12

Sibawa iyatoé napowada Yésaya, “Polé ri wija-wijanna Isai mompoi matu séddi tau iya paréntaéngngi matu bangsa-bangsaé; ri Alénai matu bangsa-bangsaé mamménasa.”

ULANGENG 18:2

Dé' nawedding mennang mappunnai tana pada-pada suku-suku laingngé, saba' Puwangnge ritu attawang manana mennang, pada-pada iya najjanciyangngé Puwangnge lao ri mennang.

1 PETRUS 1:21

Naolai Aléna ritu namateppe'ko ri Allataala iya puraé patuwoi paimeng polé ri amaténgngé sibawa arajan-Na. Jaji, Allataala ritu iya muwatepperiyé sibawa lao ri Allataalato ritu mamménasako.

1 SAMUEL 30:6

Masussa senna'ni ana' buwana Daud nasaba ateddéngenni ana'-ana'na sibawa bainéna mennang. Rimakkuwannanaro maéloni mennang genrungngi Daud sibawa batu. Jaji engkani Daud ri laleng asukkarakeng battowaé, iyakiya atinna ripéwatangiwi ri Puwang Allataala.