23 tuli barui tungke' esso tongeng, matinulu senna'i Puwangnge!
Aléna ritu pancajiwi langié sibawa linoé, tasi'é sibawa sininna lise'na; tette'i matinulu mannennungeng.
Puwélonni pappoji-pojiyangngé untu' Puwangnge, éh umma'-Na iya matinulué, sibawa sukkuru'no lao ri Iya Pommapaccingngé.
Narancanai majaé ri onrong atinrongngé; dé'gaga makessing pangkaukenna, dé' nasampéyangngi majaé.
Puwang, sittanré langié pammasé-Mu, sibawa atinulurem-Mu lettu ri ellungngé.
Uhukkungngi mennang sibawa cambu nasaba pelanggaranna, sibawa Upateppai abalaé nasaba dosa-dosana.
Nainappa lalo Puwangnge ri yolona Musa sibawa makkeda, “Iyya Puwang, iyanaritu Allataala iya pennoé akacuwang sibawa paressé babuwa. Tabbollompollong pammasé-Ku, matinulu-Ka sibawa dé' namasitta macai.
Oh Puwang, amaséiki. Idi ritu addennuwangetta. Linrungiki polé ri essoé lao ri essoé sibawa passalama'ki ri wettu aperisengngé.
Iyakiya engka mupi Puwangnge ri kotaéro; tuli Napogau'i iya tongengngé sibawa dé' naengka iya salaé. Tungke' élé pasti mabbéréi adélékeng lao ri umma'-Na. Iyakiya tau iya dé'é naissengngi adélékengngé ri kotaéro tette'i pogau'i majaé tennaisseng masirié.
Iyaro pappagguruwangngé nallalengi mamménasa makkedaé tarimaki matu atuwong tongengngé sibawa mannennungengngé. Allataala pura majjanciyangngi iyaro atuwongngé riwettu dé'napa nappammula wettué – na Allataala dé' nakkullé mabbellé.
Sitinajaki makkatenning masse ri amménasang iya tangakuiyé, saba' weddingngi riyatepperi Allataala rupaiwi jancin-Na.
Iyaro duwaé passaleng dé' nawedding tappinra; dé' namakkullé mabbellé Allataala passalenna jancin-Na sibawa tanro-Na! Rimakkuwannanaro, idi iya mallinrungngénna ri Allataala, riwérékki dorongang masero untu' makkatenning masse ri paddennuwang iya mallebba'é ri yolota.