AWATINGENG 3:22 - KITTA KAREBA MADECENG

²² Pammaséna Puwangnge mannennungengngi, dé' naengka nacappu pammasé-Na,

AWATINGENG 3:22 ပူးပေါင်းရင်းမြစ်များ

2 SAMUEL 24:14

Mappébalini Daud, “Aduh! Cilakana! Iyakiya lebbi kessing manekki nahukkung Puwangnge, naiya nahukkung tolinoé, saba' battowai paressé babuwa-Na.”

NEHEMIA 9:31

Iyakiya nasaba battowai pammasé-Mu dé' padanna, dé' Musalaiwi iyaré'ga Muancuru'i mennang. Mémeng, Ikonaritu Allataala iya dé'é bandinganna; battowai pammasé pappojim-Mu, pennoi paressé babuwa!

MAZMUR 103:10

Dé' nahukkukki situru dosata, iyaré'ga nawale'ki situru asalatta.

MAZMUR 106:45

Nasaba mennang Naéngngerangngi matu assijancin-Na sibawa napojiwi mennang nasaba pammasé-Na iya battowaé.

MAZMUR 69:17

Balika, oh Puwang, saba' makessik-Ko sibawa tette'i mamasé. Gilinno lao ri iyya saba' battowai paressé babuwa-Mu.

MAZMUR 77:8

“Untu' mannennungegga Puwangnge massampéyang sibawa dé' namaélona?

MAZMUR 78:38

Iyakiya Allataala mamaséiwi sibawa maddampengengngi umma'-Na, sibawa dé' napaccappui mennang. Makkolik-kolinni natahang cai-Na, sibawa dé' napallessui cai-Na.

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

YEREMIA 3:12

Nasuroka Puwangnge lao untu' powadai gau'éwé lao ri Israélié: “Eh Israél iya dé'é namatinulu, lisuno ri alé-Ku! Pennoka paressé babuwa sibawa dé' umatteru-teru matu macai lao ri alému.

YEREMIA 30:11

Poléka matu sibawa Upassalama'ko matu. Bangsa-bangsa, onrommu Upassara-sarang Upaccappu manengngi matu, iyakiya iko dé' Ugaukengngi makkuwaro. Mémeng dé' muleppe matu polé ri pahukkungengngé iyakiya pahukkungek-Ku lao ri iko iyanaritu adélé'i situru sibawa attentuwangngé. Iyya, Puwang, pura mabbicara.”

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

MALEAKHI 3:6

“Iyya ritu Puwang, na dé' Utappinra. Rimakkuwannaro iko, wijanna Yakub dé' naripabbinasa.

LUKAS 1:50

Abbijangeng lao ri abbijangeng mamaséi Puwangngé lao ri tau métaué ri Aléna.