AWATINGENG 3:19 - KITTA KAREBA MADECENG

¹⁹ Pikkiri'i asollérekku sibawa acilakakku samanna manré racung iya mapaié.

AWATINGENG 3:19 ပူးပေါင်းရင်းမြစ်များ

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

AYUB 7:7

Engngerangngi oh Allataala, atuwokku banna seppung nappase; teddéngngi asennangekku, dé' nataro baté.

MAZMUR 132:1

Elong ziyara. Oh Puwang, aréngngerakki lao ri Daud, sibawa sininna anrasa-rasanna.

MAZMUR 89:47

Gangka kégi-Ko massubbu, oh Puwang? Gangka kégi cai-Mu malluwa pada-pada apié?

MAZMUR 89:50

Oh Puwang, kégani tanrang pammasé-Mu iya mammulangngé, iya Muwajjanciyangngé lao ri Daud nasaba atinulurem-Mu?

YEREMIA 8:14

Makkedai umma'na Allataala, “Magi nadé' aga-aga tapogau'? Laono mai tasibawa mangungsi lao ri kota-kota mabbénténgngé, leppessanni maté kuwaro. Puwang Allataalata pura pettuiwi makkedaé harusu'ki binasa. Purani nawéréng racung riyénung saba' madosaki lao ri Aléna.

YEREMIA 9:15

Rimakkuwannanaro, éngkalingai aga Iyya, Puwang Iya Pommakuwasaé, Allataalana Israélié, maélo Upowada: Uwéréngngi matu umma'-Ku tanet-taneng mapai untu' naanré sibawa racung untu' naénung.

AWATINGENG 3:15

Banna apaireng iya Nawéréngngékka untu' inanré sibawa énungekku.

AWATINGENG 3:5

Nasalipurika sibawa sara nenniya anrasa-rasang.