AWATINGENG 3:17 - KITTA KAREBA MADECENG

¹⁷ Maittani dé' umarasa saléwangeng; uwallupaini pékkugiwi pappénedding asennangengngé.

AWATINGENG 3:17 ပူးပေါင်းရင်းမြစ်များ

KAJAJIYANG 41:30

Purairo poléi matu pituttaung akkadérengngé, naiyaro wettu pennoé adécéngeng riyallupai sisengngi matu, nasaba wettu akkadérengngéro masero senna'i matu angkanna iyaé wanuwaé mancaji makabuttui.

AYUB 7:7

Engngerangngi oh Allataala, atuwokku banna seppung nappase; teddéngngi asennangekku, dé' nataro baté.

MAZMUR 119:155

Dé' naripassalama matu tau majaé, nasaba dé' naturusiwi attettekem-Mu.

YESAYA 38:17

Apeddirekku tappinrai matu mancaji atennangeng, Mupassalama'ka polé ri bahayaé; pura manenni Muwaddampengeng dosa-dosaku.

YESAYA 54:10

Namuni goyang sining bulué sibawa bulu-bulué, dé'to Uwappésau mamaséiko. Tuli Uwakkatenningngi assijancing assidaméngek-Ku,” adanna Puwang iya mamaséiyékko.

YESAYA 59:11

Métauki sibawa messé; sappaki adélékeng, iyakiya dé'gaga; mamménasaki asalamakeng, iyakiya siya-siyai.

YEREMIA 12:12

Polé ri liwenna padang kessi'é ri bulué, poléi sining tauwé untu' marrampo. Papoléka musu untu' solangiwi sininna wanuwaé angkanna dé' muwi séddi tau mulléi tuwo damé.

YEREMIA 14:19

Puwang, puraniga Musampéyang siseng Yéhuda sibawa Mucéccéi pabbanuwana Sion? Magi namaladde senna Muunruki angkkatta dé' nariyullé majjappana? Paracuma bawang sappaki adaméngeng, dé'gaga akkégunana mamménasaki ajjappang, saba' iya engkaé banna ateddekeng.

YEREMIA 16:5

Aja' mulao ri bolana tau iya mattengngangngé masara, Yérémia. Aja' muwabbarata untu' niga-niga. Dé'na ubarakkakiwi matu umma'-Ku sibawa asaléwangeng, sibawa dé'to uwappaitang matu rasa sayang iyaré'ga paressé babuwa lao ri mennang.

YEREMIA 8:15

Paracuma bawang mamménasaiwi adaméngengngé sibawa wettu ajjappangngé, saba' iya engkaé banna ateddekeng.

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

ZAKHARIA 8:10

Ri yolona wettuéro dé'gaga mulléi séwai awatangeng tolinoé iyaré'ga olokolo'é, sibawa dé'to gaga iya amangngé polé ri pagganggunna balié. Purani upattanru bimbala'na séddié tau sibawa laingngé.