AWATINGENG 3:11 - KITTA KAREBA MADECENG

¹¹ Nalellukka narapi lésséka polé ri lalengngé, nainappa nasapé-sapé'ka sibawa nasalai.

AWATINGENG 3:11 ပူးပေါင်းရင်းမြစ်များ

AYUB 16:7

Allataala, mébbuka poso; sininna kaluwargaku purani napaccappu.

MAZMUR 143:4

Poloni sumange'ku, malippu senna'ni atikku.

MAZMUR 50:22

Pénessaini, iko mallupaiyéngngi Allataala; jagaiwi aja' narapiko Upabbinasa, na dé'gaga mappassalama.

YESAYA 3:26

Ri gerbang-gerbanna kotaé mabbaratai matu tauwé sibawa mpating, sibawa iyaro kotaé pada-padai matu makkunrai ripallusu-lusuiyé iya tudangngé ri tanaé.

YEREMIA 15:3

Iyya, Puwang, pura pattentui makkedaé eppa pahukkungeng iya mappakatau-taué kajajiyang matu ri mennang: matéi matu ri laleng ammusurengngé, ujuna mennang riyassarénréngengngi matu ri asué, riyanréi ri manu'-manu'é, sibawa ripaccappu ri olokolo masekkangngé.

YEREMIA 19:8

Maélo-Ka pakennaiwi abala iya maseroé ri yasé'na kotaéwé angkanna tungke tau iya laloé kuwaro métaui matu sibawa tasséleng.

YEREMIA 32:43

Makkedai tauwé makkedaé iyaé wanuwaé mancajini pada-pada padang kessi iya dé'é nariyonroi ri tolinoé sibawa olokolo'é, sibawa iyaé wanuwaé sempé'ni ri limanna tau Babél-é. Iyakiya makkeda-Ka makkedaé ribalu'si matu matti sining dare'é ri wanuwaéwé;

YEREMIA 5:6

Iyanaro saba'na nariyuno matu mennang ri singa polé ri ale'é, sibawa risapé-sapé ri serigala polé ri padang kessi'é. Mallamparengngi matu macang tutul-é sappa anré ri seddéna kota-kotana mennang, sibawa tungke tau iya massué naluruiwi matu. Iya manennaro kajajiyangngi nasaba purai mennang maéga madosa, sibawa makkolik-koling mabbokoriwi Allataala.

YEREMIA 6:8

Eh pabbanuwana Yérusalém, sitinajai sininna asukkarakengngéro mancaji papparéngngerang lao ri iko! Aja' narapii Usalaiko sibawa Upinrai kotamu mancaji padang kessi iya dé'é naonroiwi tauwé.”

AWATINGENG 1:13

Napanonnoi apié polé ri langié iya tunuéngngi lettu ri laleng batékku. Natangngi siyo-siyoé ri yoloku iya mébbuékka mabuwang. Nainappa Naleppessakka alé-aléku manrasa-rasa puppu esso.

AWATINGENG 3:10

Pada-padai beruwangngé mattajeng, pada-padai singaé mangadang.

DANIEL 7:23

Iyanaé pappakatajang iya utarimaé, “Olokolo iya maeppaéro iyanaritu akkarungeng iya maeppaé iya tettongngé matu ri linoé nasisalai matu sibawa akkarungeng-akkarungeng iya laingngé. Iyaro akkarungengngé naancuru'i matu sibawa memme'i sininna linoé nanaléjja'-léjja'i matu sésana.

HOSEA 6:1

Makkedai sining tau Israélié, “Laono mai talisu lao ri Puwangnge. Aléna ritu peddiriki, iyakiya Alénato mappajjappa matu. Aléna palori, iyakiya Alénato bebbe'i matu sining lota.

MIKHA 5:8

Nacaui matu Israélié sining balinna enrengngé mancuru manengngi mennang.

MATIUS 23:38

Rimakkuwannanaro dé'na nasibawakko Allataala.

WAHYU 18:19

Nanassiyamporenna mennang awu ri ulunna selaku tanrang mabbarata, nainappa teri sibawa kelli-kelli, “Aduh, tenniya pato acilakanna kota iya battowaéwé! Asugirenna pura mébbui sininna tauwé iya mappunnaiyé kappala-kappala ri tasi'é mancaji sugi! Iyakiya ri laleng sijang bawang, ateddéngenni sini-sininnaé.”