AWATINGENG 2:9 - KITTA KAREBA MADECENG

⁹ Natébunni tana sining gerbanna, poloni sining paccala'na; arung sibawa pajaba pamaréntaé engkai ri appalirengngé. Dé'na nappagguruwangngi hukkunna Puwangnge; dé'na natarima wéré nabié polé ri Puwangnge.

AWATINGENG 2:9 ပူးပေါင်းရင်းမြစ်များ

2 ARUNG-NGARUNG 25:7

Riyunoi ana'-ana'na ri yolona matanna. Purairo ricukkéni matanna Zédékia, naribalenggu naritiwi ri Babél.

2 TAWARIKH 15:3

Maitta senna'ni Israélié dé' nassompa ri Allataala iya tongengngé, dé' nappunnai hukkung-hukkung iya harusu'é riturusi, sibawa dé' nappunnai imang-ngimang iya pagguruéngngi mennang.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

MAZMUR 74:9

Nabi-nabié sibawa tanra-tanrang makalallaingngé dé' napaitana, sibawa dé' muwi séddi tau missengngi gangka kégi matteru makkuwaé.

YESAYA 24:12

Ancuru sisenni kotaé, sibawa maruttung tassiya-siya gerbanna.

YEREMIA 14:14

Iyakiya mappébaliwi Puwangnge, “Iyaro nabi-nabié tiwii karéba bellé ri laleng asek-Ku; dé' Usuroi mennang, sibawa dé'to Uwéréngngi parénta iyaré'ga mabbicara lao ri mennang. Sining pakkitang iya nacuritaé mennang dé' napolé ri Iyya; nabotoi mennang gau'-gau' iya dé'é nakkéguna iya alénaé karangngi.

YEREMIA 23:16

Lao ri pabbanuwana Yérusalém, makkedai Puwang Iya Pommakuwasaé, “Aja' muwéngkalingai ada-adanna sining nabi iya tuli bannaé mabbéré paddennuwang iya kosongngé. Banna palettu'i mennang nawa-nawanna muto sibawa tenniya pasek-Ku.

YEREMIA 39:2

Ri tanggala asérana uleng eppa taung maseppuloé séddi apparéntanna Arung Zédékia, narumpa'ni balié témbo'na kotaé,

YEREMIA 39:8

Na wettuéro natununi sining tau Babél-é saorajana arungngé sibawa sining bolana ra'ya'é, enrengngé ruttungngi témbo-témbo'na Yérusalém.

YEREMIA 51:30

Mappésauni mammusu tentara Babél sibawa monro risining bénténgngé. Teddénni mennang abaraningenna sibawa dé' pakkullénna. Purani rileppo pintu-pintu gerbanna kotaé, sibawa ritunu sining bolaé.

YEREMIA 52:14

Nainappa sininna ana' buwana ruttungngi témbo'-témbo'na kotaéro.

AWATINGENG 1:3

Nasalaini wanuwanna pabbanuwana Yéhuda, nasaba ripowatai sibawa manrasa-rasa senna'i. Monroni makkekkuwangngé ri yelle'na bangsa-bangsaé temmappunnai onrong iya mabbéré adaméngeng. Rikeppungngi mennang ri balié wettunna mennang manrasa-rasa.

AWATINGENG 4:15

Makkedai tauwé, “Laono polé kuwaé! Najisi'ko, aja' mugéssaki!” Nalaona mennang sibawa sollé polé ri bangsaé lao ri bangsaé, iyakiya dé' naripalalo mattette ri muwi niga.

AWATINGENG 4:20

Natikkengngi mennang arung napiléna Puwangnge, tau iya tattuwangngé selaku pabbéré atuwong, sibawa pallinrung polé ri balié.

YEHEZKIEL 12:13

Iyakiya Upallebba'i matu jala-Ku untu' tikkengngi. Nainappa Utiwi matu ri kota Babél, nakkuwaniro maté matu tennaitani paimeng iyaro kotaé.

YEHEZKIEL 17:20

Upallebba'i matu jalaé untu' tikkengngi. Utiwii matu lao ri Babél sibawa Uhukkung kuwaro, nasaba dé' namatinulu lao ri Iyya.

YEHEZKIEL 7:26

Abalaé sibawa karéba majaé poléi matu matteru-teru. Muwéllauwi matu kuwammengngi sining nabié maéloi mabboto, iyakiya dé' nawedding mennang. Makkuwatoro sining imangngé dé' nappunnai aga-aga untu' riyappagguruwang lao ri umma'é, sibawa sining pamimpingngé acappurenni pangaja.

HOSEA 11:6

Marowai matu musué lettu ri laleng kota-kotana, nasolangiwi matu pintu-pintu gerbangngé, sibawa napaccappui umma'-Ku. Kajajiyangngi iyaro nasaba naccowériwi mennang élona muto,

HOSEA 3:4

Makkuwaniro gau'na sibawa bangsa Israélié; maitta senna mennang harusu tuwo dé' arunna iyaré'ga pamimpinna, dé' akkarobangeng iyaré'ga tugu-tugu makarame, dé' barahala-barahala iyaré'ga sima'-sima' iya mappaissengengngéngngi rahasiyana wettu mangoloé.

AMOS 1:5

Usolangiwi matu pintu-pintu gerbanna Damsyik, sibawa Usaringngi matu gang-Ka mapaccing pabbanuwana Lompo Awen polé ri onrong naonroiyé mennang. Upanonnoi matu panguwasana Bét-Edén polé ri kadéra akkarungenna, sibawa ritawangngi matu pabbanuwana Siria enrengngé ritiwii ri wanuwa Kir.”

ULANGENG 28:36

Iko sibawa arummu natiwiko matu Puwangnge ri wanuwa laing iya dé'é muwissengngi sibawa dé'to naissengngi néné-nénému. Mattumaniko matu kuwaro lao ri déwata-déwata iya riyébbué polé ri ajué sibawa batué.

ULANGENG 28:63

Pada-pada masennanna Puwangnge mabbéré adécéngeng lao ri iko sibawa tambaiwi jumellamu, masennangngi matu pabbinasai sibawa paccappuko. Ribébbuko matu polé ri wanuwa iya dé'énna namaittana mutudangiwi.

1 SAMUEL 28:6

Nainappa méllau panunju ri Puwangnge, iyakiya dé' naribali ri Puwangnge, muwi sibawa nippi iyaré'ga sibawa makkégunang Urim sibawa Tumim iyaré'ga naolai sining nabié.