AWATINGENG 2:6 - KITTA KAREBA MADECENG

⁶ Naancuru'i Bola-Na onronna umma'-Na maddeppungeng untu' sompai. Naébbui tauwé mallupaiwi esso Saba'é sibawa esso-esso marajaé. Nasaba macai senna'i Puwangnge, imang sibawa arungngé Nasampéyangngi.

AWATINGENG 2:6 ပူးပေါင်းရင်းမြစ်များ

MAZMUR 74:7

Natunui mennang Bola-Mu gangka cappu; sibawa panajisi'i onrom-Mu risompa.

MAZMUR 76:2

Tarompoi Allataala ri Yéhuda; kalabbai asen-Na ri Israél.

MAZMUR 80:12

Lorong takkéna lettu ri Tasi Tengngaé, colli'-colli'na lettu ri Salo Efrat.

MAZMUR 89:40

Dé' Mupajajiwi assijancim-Mu sibawa atam-Mu, Muwaggenrungengngi passigera'na ri laleng bungkaé.

YESAYA 1:13

Paracuma bawang tiwii iyaro pakkasuwiyammu. Najari péneddikku baunna. Ucéccé sibawa dé' utahang mitako ramé-raméiwi Uleng Barué, esso-esso Saba'é sibawa esso-esso marajaé enrengngé addeppu-deppungeng agamamu. Iya manennaro mucarépaiwi sibawa dosa-dosamu sibawa sinrupai tiwié ri alé-Ku; poso-Ka tanggungngi.

YESAYA 1:8

Banna Yérusalém monro, iyakiya selaku kota takkeppung sibawa dé' pakkullénna, pada-padai kalampangngé ri palla anggoro'é iyaré'ga bola-bolaé ri palla mentimungngé.

YESAYA 43:28

imang-ngimammu purai nacarépai Bola-Ku. Na-Uwabbéréyangngi Israélié untu' ripakatuna, wija-wijanna Yakub Uleppessangngi ripaccappu.”

YESAYA 5:5

Mappakkuwaiyé Ugaukengngi matu iyaro palla anggoro'-Ku: Ubébbui matu sappo iya mattulilingiyéngngi, témbo iya linrungiyéngngi Uruttungngi matu, nainappa Uleppessang olokolo masekkangngé solangiwi sibawa léjja-léjja'i.

YESAYA 5:6

Uleppessangngi matu natuwoi tanet-taneng liya. Pong anggoro'na dé' matu Ulébongngi, sibawa dé' matu Ubajaiwi. Mala Uleppessangngi natongko alekale maddori sibawa wella, mala Uwattéyang ellungngé pateppai bosié ri yasé'na.”

YESAYA 63:18

Magi Muleppessangngi balié léjja-léjja'i Bola-Mu, sibawa sining tauwé carépaiwi bulu-bulu-Mu iya mapaccingngé?

YESAYA 64:11

Bolana Allataala iya mapaccingngé sibawa malebbié onron-Na toriyolota poji-Ko, purani ripaccappu ri apié; sininna onrong iya ripojiyé mancajini ruttungeng.

YEREMIA 17:27

Iya manennaro kajajiyangngi matu narékko muturusi-Ka sibawa pallaingngi esso Saba'é untu' Iyya. Aja' muwakka muwi barang aga lalo ri pintu-pintu gerbanna Yérusalém ri essoéro. Rékko muwajjalékkaiwi iyaro parénta-parénta-Ku, utunui matu gangka cappu pintu-pintu gerbanna Yérusalém enrengngé saoraja-saorajana na iyaro apié dé' nawedding ripeddéi.’ ”

YEREMIA 42:18

Pada-pada Iyya, Puwang Allataalana Israélié tuppa'i cai-Ku sibawa apéddarak-Ku ri yasé'na pabbanuwana Yérusalém, makkuwatoro Utuppa'i matu apéddarak-Ku ri yasé'mu iya laowé ri Maséré. Masélengngi matu tauwé mitako; ripakatunako matu, sibawa ripakéi matu asemmu selaku tanro. Dé'na muwitai matu iyaé tana ancajingemmu.”

YEREMIA 45:4

Eh Barukh! Iyya, Puwang, mattengngang ruttungngi iya puraé Upatettong, sibawa mattengngang bébbui iya puraé Utaneng. Sininna linoé Ugaukengngi makkuwaro.

YEREMIA 50:28

Sining tau iya lariyé lao ri Yérusalém polé ri Babél curitai pékkugi Puwang Allataalata mpale'i pangkaukenna tau Babél-é lao ri Bolana Puwangnge.)

AWATINGENG 1:4

Ri esso-esso marajaé dé' muwi séddi tau lao ri Bolana Allataala. Ana'-ana' dara pakkélongngé kuwaro manrasa-rasai, sibawa maddarékéi imang-ngimangngé. Dé'gaga tau ri pintu-pintu gerbangngé, risalipurini amesséng Kota Sion.

AWATINGENG 4:16

Dé'na najampangini Puwangnge umma'-Na; Aléna muto passara-sarangngi mennang sibawa mébbui imang-ngimangngé dé'na riyangke; sining pamimpingngé dé'gaga mamaséiwi.

AWATINGENG 4:20

Natikkengngi mennang arung napiléna Puwangnge, tau iya tattuwangngé selaku pabbéré atuwong, sibawa pallinrung polé ri balié.

AWATINGENG 5:12

Ritikkengngi sining pamimpitta sibawa rigattung, sining tomacowata dé'na naripoji.

YEHEZKIEL 17:18

Nasaba purai najjalékkai tanrona sibawa assijancinna, dé' naulléi matu paleppe'i aléna.

ANGIMANGENG 26:31

Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.

ZEFANYA 3:18

Nasaba iko, Aléna makkélongngi marennu pada-pada tau iya mattengngangngé mappésta.” Makkedai Puwangnge, “Abala iya mancangngékko Upaddéi. Atunammu purani Uledda.

MALEAKHI 2:9

Na-Uwébbu tokko matu ripakariyawa ri umma Israélié nasaba dé' muturusiwi élo-Ku, sibawa nasaba mupasilaingengngi tauwé wettunna mupagguru umma'-Ku.”