AWATINGENG 2:5 - KITTA KAREBA MADECENG

⁵ Mancajiwi Puwangnge pada-pada balié; Naunrui Israélié gangka maruttung. Naancuru'i sining bénténgngé nenniya saorajaé, sibawa pamégaiwi sara ninnawaé ri pabbanuwana Yéhuda.

AWATINGENG 2:5 ပူးပေါင်းရင်းမြစ်များ

2 ARUNG-NGARUNG 25:9

Natununi Nébuzaradan Bolana Puwangnge, saorajana arungngé, sibawa bolana sininna tomariyoloé ri Yérusalém.

AYUB 13:24

Magi Muléssé sibawa massala polé ri aléku? Aga saba'na Muwangga'ka balim-Mu?

AYUB 19:11

Malluwa-luwa'i caina Allataala lao ri iyya; Naangga'ka selaku balin-Na.

MAZMUR 89:40

Dé' Mupajajiwi assijancim-Mu sibawa atam-Mu, Muwaggenrungengngi passigera'na ri laleng bungkaé.

MAZMUR 89:41

Muruttungngi témbo'-témbo' kotana, sining bénténna Mupancajiwi ruttungeng.

YESAYA 29:2

Iyakiya Allataala papoléngengngi matu abala ri yasé'na kotaéro, angkanna maddararing sibawa maddaréké. Sininna kotaé maddupa mézbai iya pennoé dara.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YEREMIA 15:1

Makkedai Puwangnge lao ri iyya, “Dé' Umaélo mamaséiwi bangsaéwé, namuni Musa sibawa Samuél tettongngi kuwaé untu' méllauwi paressé babuwa-Ku untu' mennang. Suroi iyaé bangsaé lao, dé' Umaélo mitai mennang!

YEREMIA 21:4

paissengiwi Zédékia makkedaé Puwangnge, Allataalana Israélié, makkeda makkuwaé, “Zédékia, maélo-Ka caui pasukammu iya mattengngangngé mammusu méwai arung Babél sibawa pasukanna. Senjata-senjatana tentaramu Ugoppoi matu ri tengnga-tengngana kotaé.

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

AWATINGENG 2:2

Tungke' padang wellaé ri wanuwa Yéhuda, Naancuru'i temmaressé. Naleppoi ri laleng cai-Na gangka maruttung sining bénténg iya linrungiyéngngi wanuwaéro. Iyaro akkarungengngé silaong sining pamimpinna Napasempé'i angkanna mancaji matuna.

AWATINGENG 2:4

Pada-pada balié paggettengngi uso pana-Na sibawa pattujui ana' pana-Na lao ri idi. Sininna tau iya pésennangiyéngngi atitta, cappui Nauno. Napporokengngi cai-Na pada-pada apié ri laleng kota Yérusaléngngéwé.

YEHEZKIEL 2:10

iya riyarokiriyé ri iya duwa leppanna. Nainappa natimpa iyaro kitta lulungngé nataroki kuwaro awatingengngé, addarékéngengngé sibawa addararingengngé.

1 SAMUEL 28:16

Nanakkeda Samuél, “Aga akkégunana muwobbika nanasalaino Puwangnge sibawa mancajini balimmu?