AWATINGENG 2:4 - KITTA KAREBA MADECENG

⁴ Pada-pada balié paggettengngi uso pana-Na sibawa pattujui ana' pana-Na lao ri idi. Sininna tau iya pésennangiyéngngi atitta, cappui Nauno. Napporokengngi cai-Na pada-pada apié ri laleng kota Yérusaléngngéwé.

AWATINGENG 2:4 ပူးပေါင်းရင်းမြစ်များ

2 TAWARIKH 34:21

“Laono makkutanangekka ri Puwangnge sibawa untu' sining tau iya engkaé mupa ri Israél sibawa Yéhuda passalenna lise'na kitta'éwé. Macayii Puwangnge lao ri idi nasaba dé' napajoppai toriyolota sining parénta iya tarokié ri lalenna.”

2 TAWARIKH 34:25

Nasalai-Ka mennang sibawa makkasuwiyangeng akkarobangeng lao ri déwata-déwata laingngé. Sininna iya napogau'é mennang napaénré'i cai-Ku. Macai-Ka lao ri Yérusalém, nadé'na nawedding ripasoro cai-Ku.

AYUB 19:11

Malluwa-luwa'i caina Allataala lao ri iyya; Naangga'ka selaku balin-Na.

AYUB 6:4

Panana Iya Pommakuwasaé bettui tubukku; massanrai racunna ri sininna nyawa tubukku. Aseronna Allataala mappakatau-tau senna, sibawa gasaka pada-pada pasukang balié.

MAZMUR 37:14

Narampui peddanna tau majaé sibawa mannémbakeng pana untu' mpunoi tau kasiyasié sibawa manrasa-rasaé, untu' mpunoi tau iya tuwoé makessing.

MAZMUR 7:13

Rékko dé' natappinra kédo-kédona mennang, sadiyai sibawa senjata iya paunoé. Nasai peddanna sibawa napaggettengngi panana, nainappa nannémbakeng pana-panana iya makkéapié.

YESAYA 42:25

Nanaébbuki péneddingiwi cai-Na iya maseroé, sibawa manrasa-rasa nasaba musu iya maseroé. Patunu cai-Na ri Israélié pada-pada apié, iyakiya dé' tamaingekiwi, sibawa dé' tagguruiwi polé ri iya ripéneddingiyé.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YESAYA 63:6

Ri laleng cai-Ku iya malluwa-luwa'é, Uléjja-léjja'i bangsa-bangsaé; Upabbinasai mennang, sibawa darana mennang Utuppa'i ri tanaé.”

YEREMIA 10:20

Masolanni kémata, sibawa sining tuluna pettu manenni. Dé'na gaga iya mullééngngi patettong kéma sibawa pasangngi sining kainna, nasaba laoni ana'-ana'é.”

YEREMIA 21:5

Iyya muto matu musuko sibawa maggangka ullé nenniya nasibawang cai iya mallumpa-lumpaé.

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

YEREMIA 36:7

Naullé nasaba iyaro massempajangngi matu mennang lao ri Puwangnge, sibawa toba' polé risining pangkaukenna mennang iya majaé. Macai senna'i Puwangnge lao ri mennang sibawa mancangngi mennang.”

YEREMIA 4:4

Akkatenningngi jancimmu sibawa Iyya, Puwang-mu, sibawa pallaingngi alému untu' Iyya, éh pabbanuwana Yéhuda sibawa Yérusalém. Rékko dé', mallumpai matu cai-Ku sibawa patunui pada-pada api iya dé'é nariyullé peddéi muwi niga. Iya manennaro nakennai matu alému nasaba sining pangkaukemmu iya majaé.”

YEREMIA 42:18

Pada-pada Iyya, Puwang Allataalana Israélié tuppa'i cai-Ku sibawa apéddarak-Ku ri yasé'na pabbanuwana Yérusalém, makkuwatoro Utuppa'i matu apéddarak-Ku ri yasé'mu iya laowé ri Maséré. Masélengngi matu tauwé mitako; ripakatunako matu, sibawa ripakéi matu asemmu selaku tanro. Dé'na muwitai matu iyaé tana ancajingemmu.”

YEREMIA 7:20

Iyya, Puwang Iya Pommatanré, maélo pakennaiwi cai-Ku iya maseroé ri yasé'na bola assompangngéwé, ri yasé'na tolinoé sibawa olokolo'é, makkuwatoro ri ajukajungngé sibawa wassélé tanaé. Mallalatungngi matu cai-Ku pada-pada api iya dé'é nariyullé peddéi.”

AWATINGENG 1:13

Napanonnoi apié polé ri langié iya tunuéngngi lettu ri laleng batékku. Natangngi siyo-siyoé ri yoloku iya mébbuékka mabuwang. Nainappa Naleppessakka alé-aléku manrasa-rasa puppu esso.

AWATINGENG 2:5

Mancajiwi Puwangnge pada-pada balié; Naunrui Israélié gangka maruttung. Naancuru'i sining bénténgngé nenniya saorajaé, sibawa pamégaiwi sara ninnawaé ri pabbanuwana Yéhuda.

AWATINGENG 3:3

Riyunruka makkolik-koling, temmamasé puppu esso.

AWATINGENG 4:1

Ulaweng iya lala'-lala'é mancaji massalawuni batu-batunna Bolana Allataala tattale'ni ri lalengngé.

AWATINGENG 4:11

Napallessui caina Puwangnge sibawa tunui Kota Sion narapi rata sibawa tanaé.

YEHEZKIEL 13:13

Makkedai Puwang Iya Pommatanré, “Ri laleng cai-Ku, Upapoléi matu anginrajaé, bosi rajaé sibawa bosi ése'é untu' mancuru'i iyaro témbo'é.

YEHEZKIEL 22:22

Pada-pada péra'é ripaccolo ri laleng apié, makkuwatoro mennang ripaccolo'i matu ri Yérusalém. Nanaissenni mennang makkedaé Iyya, Puwang, pura leppessangngi cai-Ku ri yasé'na mennang.”

YEHEZKIEL 24:25

Makkedai Puwangnge lao ri iyya, “Nah, tolino dé'é namannennungeng, Uwalai matu polé ri mennang Bola-Ku iya masse'éro, iya puraé mancaji abangkakenna sibawa asennangenna mennang, sibawa iya naitaé mennang sibawa nalokkai sibawa macenning ati. Nainappa uwala towi matu ana'-ana'na mennang.

YEHEZKIEL 36:18

Utuppa'i cai-Ku lao ri mennang nasaba purai napogau' mennang maéga abbunowang ri tanaéro nenniya rotakiwi sibawa sining barahalana.

YEHEZKIEL 5:13

Mupéneddingiwi matu aseronna caina sibawa ajjallo'-Ku narapi najinna-Ka. Kajajiyang manennaro, mateppe'ko matu makkedaé Iyya, Puwang, pura mabbicara lao ri iko nasaba macai-Ka lao ri atemmatinuluremmu.

YEHEZKIEL 6:12

Napérasai manengngi matu ajjallo'na cai-Ku. Sining tau iya mabélaé ri appalirengngé nakennai matu lasa namaté; iya macawé'é matéi matu ri laleng musué, na sésana matéi matu alupureng.

YEHEZKIEL 7:14

Moniwi tarompé'é na sininna tauwé sadiya-sadiyai. Iyakiya dé' muwi séddi tau joppa lao ri ammusurengngé, saba' caina Allataala kennai sininna tauwé.

ANGIMANGENG 26:17

Uhukkukko matu, angkammu ricau risining balimmu sibawa rikuwasai risining tau iya benciyékko. Métau senna'ko matu angkammu lari, namuni dé'gaga mallellung.

NAHUM 1:2

Dé' namaélo Allataala mappunnai saingang, tau iya méwaéngngi Aléna, pasti lolongengngi pahukkungeng. Nasibawang cai maseroé, makkabale'i lao ri mennang.

NAHUM 1:6

Niga mulléi tahang narékko macayii Puwangnge? Dé'gaga mulléi leppe polé ri cai-Na? Napallessui cai-Na iya malluwa'é ancuru'i batué sibawa mancaji awu ri yolo-Na.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.

1 SAMUEL 28:16

Nanakkeda Samuél, “Aga akkégunana muwobbika nanasalaino Puwangnge sibawa mancajini balimmu?