AWATINGENG 2:3 - KITTA KAREBA MADECENG

³ Ri laleng cai-Na iya malluwa-luwa'é, Napoloi awatangenna Israélié. Wettutta nagasa balié, bata-batai mabbéré pattulung. Pada-pada apié majjallo paccappui sini-sininnaé, makkuwaniro Puwangnge macai lao ri idi maneng.

AWATINGENG 2:3 ပူးပေါင်းရင်းမြစ်များ

2 TAWARIKH 34:25

Nasalai-Ka mennang sibawa makkasuwiyangeng akkarobangeng lao ri déwata-déwata laingngé. Sininna iya napogau'é mennang napaénré'i cai-Ku. Macai-Ka lao ri Yérusalém, nadé'na nawedding ripasoro cai-Ku.

AYUB 16:15

Pakéka karung tanrang amesséng, sibawa tudang ri laleng awué nasaba ricauka.

MAZMUR 132:17

Kuwaé séddi wijanna Daud Upancaji arung; apparéntanna Upakkasse'i matu.

MAZMUR 74:11

Magi nadé'na Mutulukki? Magi mupaleppe'i limam-Mu polé ri idi?

MAZMUR 75:10

Iyakiya tette'ka matu mabbirittangngi Allataalana Yakub, makkélongengngi pappoji-pojiyang untu' Aléna.

MAZMUR 75:5

Lao ri tau iya pojiyéngngi mabboro, makkeda-Ka, kuwammengngi aja'na nabboro.

MAZMUR 79:5

Oh Puwang, untu' mannennungegga macai-Ko, sibawa angémpurum-Mu malluwa pada-pada apié?

MAZMUR 89:24

Sininna balinna Upaccappui matu, Uwunoi niga-niga céccééngngi.

MAZMUR 89:46

Muponcokiwi wettu malolona, enrengngé tongkoi sibawa siri.

YESAYA 1:31

Pada-padai daramé nanré api polé ri tabbessi'na bunga apié, makkuwatoniro sining tau makuwasaé ripabbinasa matu risining pangkaukeng majana mennang, na dé'gaga mulléi pappésauwi ancurukengngéro.

YESAYA 42:25

Nanaébbuki péneddingiwi cai-Na iya maseroé, sibawa manrasa-rasa nasaba musu iya maseroé. Patunu cai-Na ri Israélié pada-pada apié, iyakiya dé' tamaingekiwi, sibawa dé' tagguruiwi polé ri iya ripéneddingiyé.

YEREMIA 21:14

iyakiya maélo-Ka hukkukko nasaba pangkaukemmu. Utunui matu saorajamu, sibawa sininna séuwa-séuwaé ri seddému ritunui matu. Iyya, Puwang, pura mabbicara.”

YEREMIA 4:4

Akkatenningngi jancimmu sibawa Iyya, Puwang-mu, sibawa pallaingngi alému untu' Iyya, éh pabbanuwana Yéhuda sibawa Yérusalém. Rékko dé', mallumpai matu cai-Ku sibawa patunui pada-pada api iya dé'é nariyullé peddéi muwi niga. Iya manennaro nakennai matu alému nasaba sining pangkaukemmu iya majaé.”

YEREMIA 48:25

Purani ripolo awatangenna Moab, sibawa akuwasanna riancuru. Iyya, Puwang, pura mabbicara.”

YEREMIA 7:20

Iyya, Puwang Iya Pommatanré, maélo pakennaiwi cai-Ku iya maseroé ri yasé'na bola assompangngéwé, ri yasé'na tolinoé sibawa olokolo'é, makkuwatoro ri ajukajungngé sibawa wassélé tanaé. Mallalatungngi matu cai-Ku pada-pada api iya dé'é nariyullé peddéi.”

AWATINGENG 1:13

Napanonnoi apié polé ri langié iya tunuéngngi lettu ri laleng batékku. Natangngi siyo-siyoé ri yoloku iya mébbuékka mabuwang. Nainappa Naleppessakka alé-aléku manrasa-rasa puppu esso.

AWATINGENG 4:11

Napallessui caina Puwangnge sibawa tunui Kota Sion narapi rata sibawa tanaé.

YEHEZKIEL 13:13

Makkedai Puwang Iya Pommatanré, “Ri laleng cai-Ku, Upapoléi matu anginrajaé, bosi rajaé sibawa bosi ése'é untu' mancuru'i iyaro témbo'é.

YEHEZKIEL 7:14

Moniwi tarompé'é na sininna tauwé sadiya-sadiyai. Iyakiya dé' muwi séddi tau joppa lao ri ammusurengngé, saba' caina Allataala kennai sininna tauwé.

NAHUM 1:6

Niga mulléi tahang narékko macayii Puwangnge? Dé'gaga mulléi leppe polé ri cai-Na? Napallessui cai-Na iya malluwa'é ancuru'i batué sibawa mancaji awu ri yolo-Na.

MALEAKHI 4:1

Adanna Puwang Iya Pommakuwasaé, “Poléi matu essona sininna tau iya matempoé sibawa majaé ritunui pada-pada daramé. Iyaro essoé ritunui matu mennang gangka cappu, sibawa dé'gaga risésa polé ri mennang.

LUKAS 1:69

Nawérékki pappassalama' iya baranié, wijanna Daud, atan-Na.

LUKAS 3:17

Ri liman-Na engka pattapi untu' tapiwi sininna gandonna gangka mapaccing. Napaddeppungengngi matu gandongngé ri laleng lappoé, iyakiya sininna awanna Natunui matu ri laleng api iya dé'é nawedding peddé!”

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.