AWATINGENG 2:21 - KITTA KAREBA MADECENG

²¹ Macowa malolo matéi makkalénnereng ri lalengngé, matéi kalloloé sibawa ana' daraé polé ri peddangngé. Ri esso macai-Mu, Mugéréi mennang temmappénedding messé.

AWATINGENG 2:21 ပူးပေါင်းရင်းမြစ်များ

2 TAWARIKH 36:17

Puwangnge pakédoi atinna arung Babél kuwammengngi nagasai mennang. Iyaro arungngé naunoi tau Yéhuda maloloé, muttama'ni mennang iya engkaé ri laleng Bolana Puwangnge. Dé' namaséiwi muwi séddi tau, macowa iyaré'ga malolo, worowané sibawa makkunrai, malasa iyaré'ga saléwangeng. Riyabbéréyang manengngi mennang ri Allataala lao ri arung Babél.

YESAYA 27:11

Rékko marakkoni takké-takkéna sibawa mapolo, poléni sining makkunraié sibawa pancajiwi aju tunung. Iyaro bangsaé dé' najeppuiwi aga-aga, na Allataala Pappancajiyé dé' matu naéloriwi iyaré'ga mamaséiwi mennang.

YEREMIA 11:22

Rimakkuwannanaro, makkedai Puwang Iya Pommakuwasaé, “Maélo-Ka hukkungngi mennang! Sining tau malolona mennang matéi matu ri laleng ammusurengngé, ana'-ana'na mennang matéi alupureng.

YEREMIA 13:14

Nainappa Upasileppo matu séddié sibawa laingngé. Macowa malolo Ugaukengngi matu makkuwaro temmaddampeng. Upabbinasai matu temmarasa sayangngi iyaré'ga mamasé. Iyya, Puwang, pura mabbicara.”

YEREMIA 18:21

Iyakiya makkekkuwangngé, Puwang, leppessanni ana'-ana'na mennang maté alupureng iyaré'ga maté ri laleng musué. Leppessanni sining makkunrainna ateddéngeng lakkai sibawa ana'; leppessani sining worowané maté nasaba sai sibawa tau maloloé maté ri laleng ammusurengngé.

YEREMIA 21:7

Iko sibawa sining pegawémmu enrengngé sining tau iya leppe'é polé ri musué, alupurengngi sibawa nakennai sai, iya manenna Uleppessangngi ritikkeng ri Arung Nébukadnézar sibawa sining bali iya maéloé mpunoko. Nauno manekko matu Nébukadnézar temmaddampeng sibawa temmamasé. Iyya, Puwang, pura mabbicara.”

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 51:22

Upakéko untu' mpunoi worowané sibawa makkunraié, macowa iyaré'ga malolo, ana'dara sibawa kallolo.

YEREMIA 6:11

Cai-Mu lao ri mennang mabbara towi ri laleng aléku, Puwang! Mawatang untu' tahangngi.” Namakkeda Puwangnge, “Pallessui iyaro caimu lao ri ana'-ana'é risining watattanaé sibawa lao risining tau malolo iya mattengngangngé maddeppungeng. Ritikkengngi matu worowané sibawa makkunraié, nenniya tau macowaé dé'to naleppe.

YEREMIA 9:20

Makkeda-Ka, “Engkalingai ada-adanna Puwangnge, éh sininna makkunraié! Lao ri ana'-ana'daramu paggurui élong awatingeng, lao ri silao-silaommu élong abbaratang.

YEREMIA 9:21

Muttama'ni amaténgngé lalo ri tellongengngé, nabettuni muttama ri laleng saorajaé; naluruini ana'-ana'é ri lalengngé enrengngé ana'-ana' maloloé ri tana lapangngé.

AWATINGENG 1:15

Naangga mariyawai Puwangnge pahlawakku iya baranié. Napangarai tentaraé kuwammengngi namaté maneng sininna kalloloku. Naléjja-léjja'i bangsaku gangka ancuru, pada-pada tauwé para' buwa anggoro.

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 1:4

Ri esso-esso marajaé dé' muwi séddi tau lao ri Bolana Allataala. Ana'-ana' dara pakkélongngé kuwaro manrasa-rasai, sibawa maddarékéi imang-ngimangngé. Dé'gaga tau ri pintu-pintu gerbangngé, risalipurini amesséng Kota Sion.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 2:2

Tungke' padang wellaé ri wanuwa Yéhuda, Naancuru'i temmaressé. Naleppoi ri laleng cai-Na gangka maruttung sining bénténg iya linrungiyéngngi wanuwaéro. Iyaro akkarungengngé silaong sining pamimpinna Napasempé'i angkanna mancaji matuna.

AWATINGENG 3:43

Mulellukki sibawa Muwuno, tassubbui paressé babuwa-Mu ri laleng cai-Mu.

YEHEZKIEL 24:21

palettu'i iyaé pasengngé lao ri iko: Muwabbangkakengngi awatangenna Bolana Puwangnge. Mupoji mitai sibawa lokkaiwi, iyakiya Puwangnge carépaiwi matu Bola-Na. Sibawa anggota-anggota kaluwargamu iya maloloé mupa, iya monroé ri Yérusalém, riyunoi matu ri laleng ammusurengngé.

YEHEZKIEL 5:11

Iyya iyanaritu Allataala iya tuwoé, Puwang Iya Pommatanré, na iyanaé adak-Ku: Nasaba purano carépaiwi Bola-Ku nasibawang sining pangkaukemmu iya majaé sibawa mappakaciddi-ciddi'é, Uwancuru'ko matu temmaddampeng.

YEHEZKIEL 7:4

Dé' uwamaséiwi matu iyaré'ga mabbéré paddampeng lao ri iko. Uhukkukko matu sibawa sininna atunang iya puraé mupogau'. Namuwissengngi matu makkedaé Iyya ritu Puwang.”

YEHEZKIEL 7:9

Dé' Uwamaséiwi matu iyaré'ga Uwaddampengekko. Uhukkukko matu situru sibawa sininna atunang iya puraé mupogau'. Namuwissengngi matu makkedaé Iyya ritu Puwang sibawa Iyya ritu hukkukko.”

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

YEHEZKIEL 9:10

Dé' uwamaséiwi matu mennang. Upogau'i matu lao ri mennang aga iya napogau'é mennang lao ri tau laingngé.”

AMOS 4:10

Kirikka sai lao ri iko pada-pada iya Ukiringngé lao ri Maséré. Uwunoi sining tau malolomu ri laleng ammusurengngé, sibawa rirampasa'i sining anyarammu. Ulisekiwi akkémammu sibawa sining bakké iya makebbongngé baunna. Namuni makkuwaro, dé'to mulisu lao ri Iyya.

AMOS 8:13

Ri essoéro mala sining tau malolo iya madisid-disingngé marenne'i matu nasaba adekkang.

ZAKHARIA 11:6

Dé'na umaélona mamasé muwi lao ri niga ri wanuwaéwé. Aléku maélo mabbéréyang manengngi sininna pabbanuwana lao risining panguwasaé. Naancuru'i matu mennanro wanuwaéwé, na dé' Usittaini matu polé ri akuwasanna mennang.”

ULANGENG 28:50

Mabecco mennang sibawa dé' namamasé lao ri tau macowaé iyaré'ga ana'-ana'é.

ULANGENG 32:25

Musué tiwi amaténg ri laleng-lalengngé; nakennai sining tauwé ri bolaé appakatau-taurengngé. Kalloloé sibawa ana' daraé ripaccappui matu, makkuwatoro ana' loloé sibawa tomacuwaé.

YOSUA 6:21

Sininna ri laleng kotaéro, macuwa malolo, worowané makkunrai, riyunoi sibawa peddang. Sininna olokolo sapingngé, bimbala'é sibawa kaleddé'é riyunoto.

1 SAMUEL 15:3

Jaji, laono sibawa gasai tau Amalé'é sibawa mancuru'i sininna appunnangenna. Aja' mutaroi muwi séuwa aga; unoi sininna tau worowané, makkunraié, ana'-ana'é sibawa ana'loloé; makkuwatoro sapingngé, bimbala'é, untaé sibawa kaleddé'é.”