AWATINGENG 2:2 - KITTA KAREBA MADECENG

² Tungke' padang wellaé ri wanuwa Yéhuda, Naancuru'i temmaressé. Naleppoi ri laleng cai-Na gangka maruttung sining bénténg iya linrungiyéngngi wanuwaéro. Iyaro akkarungengngé silaong sining pamimpinna Napasempé'i angkanna mancaji matuna.

AWATINGENG 2:2 ပူးပေါင်းရင်းမြစ်များ

AYUB 2:3

Makkutanani Puwangnge, “Aga purani mupénessai atak-Ku Ayub? Ri sininna linoé dé'gaga tau makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé. Tette mupi matinulu ri Iyya, namuni pura-Ka mupalécé cilakaiwi temmakkéalasang.”

MAZMUR 21:9

Natawangngi matu sininna balinna, sibawa tikkengngi sininna tau iya céccééngngi Aléna.

MAZMUR 74:7

Natunui mennang Bola-Mu gangka cappu; sibawa panajisi'i onrom-Mu risompa.

YESAYA 22:5

Mémeng Puwang Iya Pommatanré sibawa Pommakuwasaé pura pattentui iyaé essoé selaku esso akacaungeng, awéwangeng sibawa arocakeng ri Lompo Pakkitangngé. Riruttunni témbo-témbo kotaé. Kelli méllau tulungngé maddaremmeng ri bulu-bulué.

YESAYA 23:9

Puwang Iya Pommakuwasaé, Aléna ritu malai iyaro apettungngé. Napettuiwi untu' paccappa'i atemponna pabbanuwana lao ri sininna wassélé iya puraé nalolongeng mennang, sibawa pakariyawai sining tau iya malebbié ri linoé.

YESAYA 25:12

Sining bénténna Moab silaong sining témbo'na iya matanré Naruttungngi matu sibawa Naggeppuwangngi ri tanaé angkanna ancuru pada-pada awué.

YESAYA 26:5

Napakariyawai Puwangnge tau iya matempoé; Naancuru'i kota mabbénténna mennang, nenniya paratai sibawa tana.

YESAYA 27:11

Rékko marakkoni takké-takkéna sibawa mapolo, poléni sining makkunraié sibawa pancajiwi aju tunung. Iyaro bangsaé dé' najeppuiwi aga-aga, na Allataala Pappancajiyé dé' matu naéloriwi iyaré'ga mamaséiwi mennang.

YESAYA 43:28

imang-ngimammu purai nacarépai Bola-Ku. Na-Uwabbéréyangngi Israélié untu' ripakatuna, wija-wijanna Yakub Uleppessangngi ripaccappu.”

YESAYA 47:6

Riyolo macai-Ka lao ri umma'-Ku, dé'na mennang Uwangga'i appunnangek-Ku. Nainappa Uwabbéréyang mennang lao ri iko, na iko dé' muwamaséiwi mennang, mala iya macowa-cowaé mutenre'i sibawa mabecco.

YEREMIA 13:14

Nainappa Upasileppo matu séddié sibawa laingngé. Macowa malolo Ugaukengngi matu makkuwaro temmaddampeng. Upabbinasai matu temmarasa sayangngi iyaré'ga mamasé. Iyya, Puwang, pura mabbicara.”

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 21:7

Iko sibawa sining pegawémmu enrengngé sining tau iya leppe'é polé ri musué, alupurengngi sibawa nakennai sai, iya manenna Uleppessangngi ritikkeng ri Arung Nébukadnézar sibawa sining bali iya maéloé mpunoko. Nauno manekko matu Nébukadnézar temmaddampeng sibawa temmamasé. Iyya, Puwang, pura mabbicara.”

YEREMIA 5:10

Suroka matu bali untu' solangiwi palla anggoro'na mennang, iyakiya tenniya untu' paccappui. Usuroi matu iyaro balié lébongngi carangé-carangéna pong anggoro'na mennang, saba' iyaro carangé-carangéé tenniya appunnangek-Ku.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 2:21

Macowa malolo matéi makkalénnereng ri lalengngé, matéi kalloloé sibawa ana' daraé polé ri peddangngé. Ri esso macai-Mu, Mugéréi mennang temmappénedding messé.

AWATINGENG 2:5

Mancajiwi Puwangnge pada-pada balié; Naunrui Israélié gangka maruttung. Naancuru'i sining bénténgngé nenniya saorajaé, sibawa pamégaiwi sara ninnawaé ri pabbanuwana Yéhuda.

AWATINGENG 3:43

Mulellukki sibawa Muwuno, tassubbui paressé babuwa-Mu ri laleng cai-Mu.

YEHEZKIEL 5:11

Iyya iyanaritu Allataala iya tuwoé, Puwang Iya Pommatanré, na iyanaé adak-Ku: Nasaba purano carépaiwi Bola-Ku nasibawang sining pangkaukemmu iya majaé sibawa mappakaciddi-ciddi'é, Uwancuru'ko matu temmaddampeng.

YEHEZKIEL 7:4

Dé' uwamaséiwi matu iyaré'ga mabbéré paddampeng lao ri iko. Uhukkukko matu sibawa sininna atunang iya puraé mupogau'. Namuwissengngi matu makkedaé Iyya ritu Puwang.”

YEHEZKIEL 7:9

Dé' Uwamaséiwi matu iyaré'ga Uwaddampengekko. Uhukkukko matu situru sibawa sininna atunang iya puraé mupogau'. Namuwissengngi matu makkedaé Iyya ritu Puwang sibawa Iyya ritu hukkukko.”

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

YEHEZKIEL 9:10

Dé' uwamaséiwi matu mennang. Upogau'i matu lao ri mennang aga iya napogau'é mennang lao ri tau laingngé.”

MIKHA 5:14

Ri laleng cai-Ku iya mpo'bo'é Uwale'i matu jana sininna bangsa iya dé'é namapato lao ri Iyya.”

MALEAKHI 1:4

Akkalarapanna wija-wijanna Esau, iyaro sining tau Edongngé makkedai, “Purani riyancuru kota-kotata, iyakiya maéloki patettongngi paimeng,” mappébaliwi matu Puwangnge, “Weddingngi mennang patettongngi paimeng, iyakiya Uruttungngi matu. Riteppui matu mennang, ‘Wanuwa madoraka’ sibawa ‘Bangsa iya nakennaé caina Puwangnge untu' mannennungeng.’ ”

MATIUS 18:33

Dé'ga naharusu' tokko mamaséiwi sellaomu pada-pada purana uwamaséiko?’

2 KORINTUS 10:4

Senjata-senjata iya riyakkégunangngé ri laleng angéwangetta tenniya senjata linoéwé, iyakiya senjata-senjatana Allataala iya makuwasaé. Nasibawang sining senjataéro nariyancuru sining attahangengngé; ritangkisi'i sining addebbakengngé

ULANGENG 28:52

Naluruiwi matu mennang tungke' kotaé ri wanuwa iya nawéréngngékko Puwang Allataalamu angkanna maruttung témbo'-témbo'na iya matanré sibawa ripakkasse'é iya muwattuwangngéro.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.