AWATINGENG 2:19 - KITTA KAREBA MADECENG

¹⁹ Oto'no makkolik-koling puppu wenni untu' gora loloi lise atimmu lao ri Puwangnge. Ellauni kuwammengngi Namaressé babuwa lao ri ana'-ana'mu iya alupurengngé sibawa marenne'é ri tungke' tékko lalengngé.

AWATINGENG 2:19 ပူးပေါင်းရင်းမြစ်များ

AYUB 3:24

Passullé manré maddarékéka, dé' appésaunna maddararing.

MAZMUR 119:55

Ri wennié uwéngngerak-Ko, oh Puwang, tette'i uwakkatenning hukkum-Mu.

MAZMUR 134:2

Akkai limammu lao ri onrong mapaccingngé, sibawa pojiwi Puwangnge!

MAZMUR 141:2

Tarimai sempajakku selaku pakkasuwiyang dupa, sibawa limakku iya maddeppa-reppaé selaku akkarobangeng wenni.

MAZMUR 142:2

Mangobbika lao ri Puwangnge sibawa macenno; sibawa sadda maloppo uwéllauwi bantuwan-Na.

MAZMUR 142:3

Maddarékéka ri yolo-Na; upaissengiwi sininna asussak-Ku.

MAZMUR 28:2

Engkalingai paréllaukku rékko goraka méllau tulung, sibawa makkai limakku mattuju ri Bola-Mu iya mapaccingngé.

MAZMUR 42:3

Uwuddaningiwi Allataala iya tuwoé, uppanna weddikka lao massompa ri Bola-Na?

MAZMUR 42:4

Esso wenni terika, banna uwai mata inanréku. Puppu esso makkutana balikku, “Kégai Allataalamu?”

MAZMUR 62:8

Aléna ritu Allataala iya mpéréngngékka asalamakeng sibawa alebbireng, Aléna ritu pallinrukku sibawa pangéwaingekku iya mawatangngé.

MAZMUR 63:4

Lebbi mangke'i pammasé-Mu naiya atuwongngé, rimakkuwannaro upoji-Ko.

YESAYA 26:9

Nasénge'-Ko nyawaku ri wennié, nauddaningi-Ko atikku ri éléé. Rékko Muadéléki linoé matti, naissengngi matu pabbanuwana linoé aga iya tongengngé.

YESAYA 51:20

Ri tungke cappa laleng menrungngi sining taummu acappureng awatangeng pada-pada jonga iya nalaé sappang. Nakennai mennang caina Puwangnge, sibawa nakenna pakkamparenna Allataala.

YEREMIA 14:18

Rékko laoka ri padangngé, uwitai sining uju iya maté ri laleng musué. Ri laleng kotaé uwitai anrasa-rasangngé, sining tauwé céddé'i maté alupureng. Nabi sibawa imangngé napajoppai kewajibanna tennajeppui aga iya napogau'é mennang.”

YEREMIA 9:20

Makkeda-Ka, “Engkalingai ada-adanna Puwangnge, éh sininna makkunraié! Lao ri ana'-ana'daramu paggurui élong awatingeng, lao ri silao-silaommu élong abbaratang.

YEHEZKIEL 5:10

Nanréi matu tomatowaé ana' ri aléna sibawa ana'é nanréi matu tomatowanna. Makkuwaniro mennang Uhukkung matu, na iya tuwoé mupa Upassara-sarangngi lao ri sininna sulapa'é.

YEHEZKIEL 5:16

Uwancuru'i matu pappassadiyang inanrému sibawa leppessangngi pabbanuwamu alupureng. Napéneddingiwi matu pesséna pappénedding malupué, pada-pada ana' pana matarengngé iya pabettué sibawa pabbinasaékko.

MIKHA 1:16

Eh tau Yéhuda, rette'i gemme'mu selaku tanrang mabbarata untu' ana'-ana'mu iya muwamaséiyé. Cukkuru'i ulummu gangka makellu pada-pada manu'-manu' pakkanré bakké, saba' ana'-ana'mu ritiwii matu ri appalirengngé.

NAHUM 3:10

Namuni makkuwaro, pabbanuwana Tébe ritawangngi sibawa ritiwi ri appalirengngé. Ri sininna pékka lalengngé, ribarasakiwi ana'-ana'na gangka maté. Sining tomarajana ribalenggui sibawa ranté naritawa-tawa ri yelle'na sining tawangngéngngi.

MATIUS 14:25

Pallawangenna tetté tellu sibawa tetté enneng éléé, poléni Yésus ri mennang ri tompo'na uwai.

MARKUS 1:35

Pappa bajanana, subu-subu mupa, moto'ni Yésus nanasalaiwi bolaé. Nalao ri onrong masino-sinoé ri saliweng kota, nassempajang kuwaro.

MARKUS 13:35

Rimakkuwannanaro harusu'ko jaga-jaga, saba' dé' muwissengngi uppanna matu lisu punna bolaé – naullé ri arawéngngé, naullé ri tengnga bennié, naullé ri subué, iyaré'ga naullé ri wettu mompona essoé.

LUKAS 6:12

Iyaro wettué ménré'ni Yésus riséuwaé bulu-bulu untu' massempajang. Kuwaniro massempajang lao ri Allataala puppu benni.

1 TIMOTIUS 2:8

Uwéllauwi kuwammengngi muwi kégi massempajangngi worowané sibawa ati iya mapaccingngé, dé namacai iyaré'ga massasa.

HAKING-HAKING 7:19

Mawé'nana tengnga benni, lettu'ni Gidéon sibawa sining taunna ri pakkaséséng akkémanna balié. Iyaro wettué tau iya jagaiyéngngi akkémangngéro, silalona sisullé jaga. Nanaseppunni Gidéon sibawa regunna tarompé'na sibawa reppa'i kendi-kendinna mennang.

1 SAMUEL 1:15

Iyakiya mappébaliwi Hana, “Dé' umabo', Pa', dé' sises-siseng uwénung uwai anggoro! Pettu paddennuwakka, sibawa mattengngang massempajang curitai sininna apeddirekku lao ri Puwangnge.

1 SAMUEL 7:6

Namaddeppungeng manenna mennang ri Mizpa. Séro'ni mennang uwai nainappa natiri selaku pakkasuwiyang lao ri Puwangnge, nainappa mennang mappuwasa puppu essoéro. Nakkedana mennang, “Madosani lao ri Puwangnge.” (Ri Mizpa ritu Samuél mappammula pettuiwi parakara-parakara assisalanna tau Israélié.)