AWATINGENG 2:18 - KITTA KAREBA MADECENG

¹⁸ Eh témbo'-témbo' Yérusalém, angobbino lao ri Puwangnge! Pabbarébé'i uwai mataé pada-pada salo massolo'é esso wenni. Atteruno teri, aja' muwappésau narapi matekko watakkalému!

AWATINGENG 2:18 ပူးပေါင်းရင်းမြစ်များ

MAZMUR 119:136

Massolo'i uwai matakku pada-pada saloé, nasaba dé' nariturusi hukkum-Mu.

MAZMUR 119:145

Mangobbika sibawa sukku atikku lao ri Iko; balika oh Puwang, maéloka turusiwi parénta-Mu.

YEREMIA 13:17

Rékko bata-batako méngkalingai, terika matu sibawa mammekko-mekko. Sibawa pappénedding masé' senna muteringiwi atempommuro. Mallénél-lénéngngi matu uwai matakku nasaba ritiwii umma'na Puwangnge selaku tawangeng.

YEREMIA 14:17

Puwangnge suroka mappaissengengngi amessékku lao ri umma'-Na. Harusu'ka makkeda makkuwaé, “Leppessakka teri dé' pajana, esso wenni mabbarébé uwai matakku. Saba' malo senna'i bangsaku sibawa manrasa-rasa senna.

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 1:2

Puppu benni messé teri, mabbarébé uwai mataé ri rupaé. Dé' muwi séddi tau polé risining sipojinna iya maéloé saléworiwi. Ribali'bellariwi ri silao-silaonna iya balé'énna mancaji bali.

AWATINGENG 2:8

Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

HOSEA 7:14

Dé' nattonget-tongeng massempajang lao ri Iyya. Rékko massempajangngi mennang, naggeppuwangngi aléna ri onrong atinrongngé, sibawa mpating pada-pada iya napogau'é sining tau iya dé'é namateppe lao ri Iyya. Narékko massempajangngi mennang untu' méllau gandong sibawa anggoro, naloi mennang aléna pada-pada iya napogau'é sining tau iya massompaé déwata. Tonget-tongengngi mennang naéwa-Ka!

HABAKUK 2:11

Mala batu-batué ri témbo'é gora-gorai tanroiko, sibawa alliri-alliri bolaé mangorengngi iyaro gora-goraé.