AWATINGENG 2:17 - KITTA KAREBA MADECENG

¹⁷ Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 2:17 ပူးပေါင်းရင်းမြစ်များ

1 ARUNG-NGARUNG 9:7

Upaddésu'i matu umma'-Ku Israélié polé ri wanuwa iya puraé Uwéréngngi mennang. Usalai towi matu iyaé bolaé iya puraé Upattette mancaji onrong assompang lao ri Iyya. Kégi-kégi ripakatunai matu tau Israélié sibawa ricawa-cawai.

MAZMUR 35:24

Ewaika, saba' adélé'-Ko, oh Puwang Allataalaku, aja' taleppessangngi balié gora-goraika.

MAZMUR 35:26

Leppessangngi tau iya masennangngé mitai anrasa-rasakku mancaji malippu sibawa masiri. Leppessangngi tau iya mattempowangngéngngi aléna lao ri iyya ripakatuna sibawa ripakasiri.

MAZMUR 38:16

Iyakiya mamménasaka ri Iko, oh Puwang, na Iko, Puwang Allataalaku, balika.

MAZMUR 89:42

Sininna tau iya laloé narampasa'i appunnangenna, mancajiwi akkéllékéllékeng lao ri balibolana.

MAZMUR 89:43

Muwéréngngi apakalang risining balinna, sibawa mébbui sininna balinna marennu.

YESAYA 14:29

Eh bangsa Filistin, tarasulu iya ripaké untu' tetté'ko mapoloni. Iyakiya aja' mumarennu, saba' rékko matéi sikajué ula, ula iya lebbi majaé polé sulléiwi, sibawa tello ulaé maddepparengngi naga makképannié.

YEREMIA 18:11

Makkedai Puwangnge lao ri iyya, “Makkekkuwangngé, powadai lao risining tau Yéhudaé sibawa pabbanuwana Yérusalém makkedaé mattengngak-Ka mébbu rancana untu' méwai mennang, sibawa passadiya pahukkungeng untu' mennang. Suroi mennang pappésauwi cara atuwonna mennang iya madosaéro enrengngé pédécéngiwi kédo-kédona sibawa pangkaukenna mennang.

YEREMIA 4:28

Masarai matu linoé, mapettang kape'i langié. Puwangnge pura mabbicara dé' namaélo pinrai rancana-Na. Purani mala apettung sibawa dé' namaélo soro muwi sipale.

YEREMIA 40:3

Makkekkuwangngé purani Napakajajiyang gau'éro, nasaba purani madosa bangsamu sibawa dé' namapato lao ri Aléna.

AWATINGENG 1:5

Héba'ni sining balinna nasaba naulléi makuwasaiwi. Puwangnge mébbui manrasa-rasa, nasaba maéga senna'i dosana. Ritawanni pabbanuwana, sibawa ritiwi ri appalirengngé.

AWATINGENG 2:8

Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

AWATINGENG 3:43

Mulellukki sibawa Muwuno, tassubbui paressé babuwa-Mu ri laleng cai-Mu.

AWATINGENG 4:11

Napallessui caina Puwangnge sibawa tunui Kota Sion narapi rata sibawa tanaé.

YEHEZKIEL 5:11

Iyya iyanaritu Allataala iya tuwoé, Puwang Iya Pommatanré, na iyanaé adak-Ku: Nasaba purano carépaiwi Bola-Ku nasibawang sining pangkaukemmu iya majaé sibawa mappakaciddi-ciddi'é, Uwancuru'ko matu temmaddampeng.

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

YEHEZKIEL 9:10

Dé' uwamaséiwi matu mennang. Upogau'i matu lao ri mennang aga iya napogau'é mennang lao ri tau laingngé.”

DANIEL 9:12

Tinda'ko situru pada-pada iya puraé Muwajjanciyang lao ri idi sibawa lao risining panguwasata. Purani Muhukkung Yérusalém lebbi matedde naiya muwi kota niga ri linoéwé.

MIKHA 2:3

Rimakkuwannanaro makkedai Puwangnge, “Urancanai abalaé ri yasé'mu, angkanna dé' muwulléi leppe. Ri wettu iya macilakaéro dé' muwulléi matu joppa sibawa matempona.

ZEFANYA 1:2

Makkedai Puwangnge, “Maélo-Ka paccappui sininna séuwa-séuwaé ri linoé:

ZAKHARIA 1:6

Naolai sining nabié ata-atak-Kuro, Upalettu'i parénta-parénta-Ku sibawa sining papparéngngerak-Ku lao ri néné-nénému. Iyakiya dé' nabati-batiwi mennang angkanna harusu'i natanggung mennang addimonrinna. Nainappa mennang massesse kalé sibawa mangakuiwi makkedaé Iyya, Puwang Iya Pommakuwasaé, pura hukkungngi mennang situru sibawa asalanna mennang, nenniya situru sibawa attentuwak-Ku.”