AWATINGENG 2:14 - KITTA KAREBA MADECENG

¹⁴ Iya napalettu'é nabi-nabié ri iko, banna pabengnguwang sibawa belle simata. Dé' naengka mennang natimpa'i dosamu, angkanna nasaba iyaro dé' mutoba'. Sibalé'na banna mennang palettu'i ri iko ada-ada bellé iya pataré'é.

AWATINGENG 2:14 ပူးပေါင်းရင်းမြစ်များ

YESAYA 58:1

Makkedai Puwangnge, “Gorano maggangka ullé! Paissengiwi umma'-Ku dosa-dosana mennang.

YEREMIA 2:8

Sining imangngé dé'gaga makkutana kéga-Ka, Puwan-na. Muwi sining pappatettong hukkungngé dé'to naissengngi niga Iyya, sining panguwasaé maronta'i lao ri Iyya. Ri laleng asenna Baal mabbicarai sining nabié, sibawa sompai barahala iya dé'é nakkéguna.”

YEREMIA 20:6

Na iko, Pasyhur, silaong sininna kaluwargamu ritikkeng towi matu naritiwi ri Babél. Kuwaniro matéko matu sibawa rikuburu; makkuwatoro sininna sellaomu iya puraé méngkalingai sining bellému.’ ”

YEREMIA 23:22

Akkalarapanna naissengngi mennang aga iya tattampu'é ri laleng pikkirak-Ku, tentu purani mennang napalettu lao ri umma'-Ku sininna iya puraé Upowada. Natoba' matu umma'-Ku polé ri dosa-dosana sibawa ampé-ampéna iya majaé.

YEREMIA 23:36

Dé'na nawedding mennang makkégunangngi warékkadaé ‘tiwina Puwangnge’. Rékko engka mupa makkégunangngi iyaro warékkadaé, Upancajiwi matu pasek-Ku tonget-tongeng tiwi ri aléna. Tau iya powadaéngngi ‘tiwina Puwangnge’ banna naputara'balé'i ada-adak-Ku, Allataalana mennang, Allataala iya tuwoé, Puwang Iya Pommakuwasaé.

YEREMIA 28:15

Iya manennaro upalettu'i lao ri Hananya, nainappa makkedasika, “Engkalingai, éh Hananya! Dé' nasuroko Puwangnge; purani muwébbu iyaé bangsaé mateppe lao ri ada bellé.

YEREMIA 29:21

Puwang Iya Pommakuwasaé, Allataalana Israélié, pura mabbicara passalenna Ahab ana' worowanéna Kolaya, sibawa passalenna Zédékia ana' worowanéna Maaséya iya pakééngngi asenna Puwangnge untu' palettu'i ri iko gau'-gau' iya dé'é natongeng. Makkedai Puwangnge makkedaé nabbéréyangngi matu mennang lao ri akuwasanna Nébukadnézar arung Babél, iya mpunoéngngi matu mennang ri yolona matammu.

YEREMIA 37:19

Kégani sining nabinna Datuéro iya powadaéngngi makkedaé arung Babél dé' nagasai matu Datu sibawa wanuwaéwé?

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

AWATINGENG 4:13

Iyakiya iyaro gau'é purani kajajiyang, nasaba dosana sining imangngé sibawa nabié. Purani mennang napatabbollong daraé, polé ri tau iya dé'é napasala.

YEHEZKIEL 13:22

Sining tau makessingngé iya dé'é namaélo Uwagaga, muwébbui marenni ati sibawa bellému. Sining tau majaé muwébbui maloppo atinna kuwammengngi natette madosa sibawa dé' naripassalama.

YEHEZKIEL 22:25

Sining pamimpinna pada-padai singa iya mangngaungngé puranana natikkeng anréna. Naunoi mennang ra'ya'é, narampasa manengngi sininna waramparangngé sibawa asugireng iya naruntu'é mennang sibawa nassabariwi namaéga makkunrai mancaji janda.

YEHEZKIEL 22:28

Sining nabié nasubbui iyaro dosa-dosaé; pada-padai mennang tau iya puwaléiyéngngi témbo' iya marota'é. Belléi sining pakkitanna mennang, makkuwatoro sining botona mennang. Mangakui mennang makkedaé paseng iya napalettu'é mennang iyanaritu natarimai mennang polé ri Puwang Iya Pommatanré, padahal dé' sises-siseng Umabbicara lao ri mennang.

YEHEZKIEL 23:36

Makkedai Puwangnge lao ri iyya, “Eh tolino dé'é namannennungeng, sadiyanoga madélékiwi Ohola sibawa Oholiba? Amparengngi mennang passalenna atunang iya puraé napogau'.

HOSEA 9:7

Narapini wettu pahukkungengngé, wettu untu' tarima pakkabale polé ri sininna pangkaukenna. Napéneddingiwi matu Israélié! Makkedako, “Nabi iya rikuwasaiyé ri roh éwé madonggoi! Jangengngi!” Makkeda makkuwakoro nasaba mucéccé senna'ka sibawa battowa senna'i dosamu.

MIKHA 2:11

Mupuwéloi nabi iya pojiyéngngi mabbellé sibawa pabengnguwang enrengngé botoi makkedaé mappunnaiko matu anggoro sibawa énungeng maseri iya maonaé.”

MIKHA 3:8

Iyakiya passalenna alékué, purana naliseki Puwangnge sibawa roh-Na nenniya akuwasan-Na. Nawérékka pappéjeppu passalenna adélékengngé, sibawa abaraning untu' pannessai lao ri tau Israélié dosa-dosa iya puraé napogau'.

ZEFANYA 3:4

Nabi-nabinna dé' nappunnai rasa tanggung jawa' sibawa dé' nawedding riyatepperi; sining imangngé napanajisi'i aga ripallaing untu' Puwangnge sibawa napasibalékengngi hukkung-hukkunna Allataala untu' asaronna mennang.