AWATINGENG 2:11 - KITTA KAREBA MADECENG

¹¹ Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

AWATINGENG 2:11 ပူးပေါင်းရင်းမြစ်များ

AYUB 16:13

Temmarasa messé matterui napanaka, angkanna tassiya lise babuwaku.

AYUB 30:27

Risapé'ka ri saraé sibawa amesséngngé; polé ri essoé lao ri essoé pédé maéga uwanrasa-rasai.

MAZMUR 119:82

Matekko matakku tajek-Ko rupaiwi jancim-Mu, makkedaka, “Uppannapa Musaléworika matu?”

MAZMUR 22:14

Naoloika sibawa bawa mangnganga, pada-pada singa iya mangngaungngé sibawa palupperi.

MAZMUR 31:9

Dé' muleppessakka ritawang ri balié, iyakiya pakkulléka joppa sibawa laluwasa.

MAZMUR 38:8

Natunui semmeng tubukku, dé'gaga madising ri watakkaléku.

MAZMUR 6:7

Matekkoka nasaba maddaréké; wenni-wenni massolo uwai matakku rica'i onrong atinrokku.

MAZMUR 69:3

Tassollaka ri rawa iya maliyungngé, dé'na gaga onrong mattuppu. Tallemme'ka ri uwai iya maliyungngé, rialireng ri bombang pasangngé.

YESAYA 22:4

Aja' mujampangika; leppessakka watingiwi sining tau polé ri bangsaku iya matéénna. Aja' mucobai saléworika.

YESAYA 38:14

Pédé massalawu saddakku sibawa malemma, pada-pada jangang-jangangngé maddaréké. Matekko matakku nasaba céngai ri langié, Puwang, paleppe'ka polé ri asussangngéwé.

YESAYA 51:20

Ri tungke cappa laleng menrungngi sining taummu acappureng awatangeng pada-pada jonga iya nalaé sappang. Nakennai mennang caina Puwangnge, sibawa nakenna pakkamparenna Allataala.

YEREMIA 14:17

Puwangnge suroka mappaissengengngi amessékku lao ri umma'-Na. Harusu'ka makkeda makkuwaé, “Leppessakka teri dé' pajana, esso wenni mabbarébé uwai matakku. Saba' malo senna'i bangsaku sibawa manrasa-rasa senna.

YEREMIA 4:19

Temmaka anrasa-rasana atikku, dé'na utahang manrasa-rasa. Dé' uwulléi pattennangngi alé maddumba-dumba aroku, saba' uwéngkalingai moni tarompé'é, sibawa mango kelli musué.

YEREMIA 44:7

Na makkekkuwangngé Iyya, Puwang Iya Pommakuwasaé, Allataalana Israélié, makkutana magiko mupogau'i gau' iya mappapolé acilakang iya battowaéro lao ri alému. Maélokoga paccappui sininna tauwé – worowané, makkunrai, ana'-ana' sibawa ana'lolo – angkanna dé'na muwi séddi polé ri bangsamu monro?

YEREMIA 8:19

Engkalingai! Maddengngoni ri sininna wanuwaé kelli terinna bangsaku iya makkutanaé, “Dé'niga Puwangnge ri Sion? Kégani arunna makkekkuwangngé?” Nappébali Puwangnge, arunna mennang, “Magi musuju' lao ri déwata-déwataé iya dé' sises-sisengngé nakkéguna? Magi mupeddiriwi atik-Ku sibawa sompa barahala-barahala?”

AWATINGENG 1:11

Ri laleng maddarékéna sappai dallé pabbanuwana; barang mangke'é naséléi mennang sibawa roti, banna kuwammengngi natette mennang tuwo sibawa aja' namaté. Mangobbii Yérusalém, “Oh Puwang, itaka, pénessaiwi sininna anrasa-rasaku.”

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 1:20

Oh Puwang! Pénessaika, manennengngi atikku sibawa kacau, ancuru'i nasaba adorakakku riyolo. Engka abbunowang risining lalengngé, ri lalempolaé engka amaténg.

AWATINGENG 5:17

Masino-sinoni Bulu Sion sibawa risalai; mallampareng asu ale'é kuwaro. Rimakkuwannanaro ancuru'ni atitta, teriki narapi massalawu pakkitatta.

LUKAS 23:29

Saba' engka matu napolé wettunna nakkeda tauwé, ‘Temmaka upe'na sining makkunrai iya dé'é naengka nappunnai ana', iya dé'é naengka naémmana' sibawa dé' naengka napasusu ana'lolo!’