AWATINGENG 2:10 - KITTA KAREBA MADECENG

¹⁰ Pada tudanni tomacowa-cowana kotaé mammekko ri tanaé; namporiwi awu ulunna mennang, sibawa paké kaing karung tanrang masara. Muwi ana'-ana'daraé cannunnuto lettu ri tanaé.

AWATINGENG 2:10 ပူးပေါင်းရင်းမြစ်များ

2 SAMUEL 13:19

Nanataroini awu ulunna Tamar, nasapé'i jumbana, sibawa lao nanatongko towi rupanna sibawa iya duwa limanna enrengngé teri mapeddi.

YESAYA 15:3

Sining tauwé ri lalengngé mappaké kaing karungngi tanrang mabbarata; mpatingngi tauwé sibawa teri ri tana lapangngé sibawa ri pabbingeng bolaé.

YESAYA 3:24

Makkekkuwangngé pakéi mennang wangi-wangiyang, mabbau makebbongngi matu. Babbanna mennang iya alusu'é risulléiwi matu sibawa tulu iya makasara'é. Ulunna mennang iya maggemme magelloé rikellui matu. Pakéyanna mennang iya makessingngé risulléiwi matu sibawa iya sapé-sapé'é. Magelloni makkekkuwangngé; matti majai tappana mennang nasaba rica'i.

YESAYA 3:26

Ri gerbang-gerbanna kotaé mabbaratai matu tauwé sibawa mpating, sibawa iyaro kotaé pada-padai matu makkunrai ripallusu-lusuiyé iya tudangngé ri tanaé.

YESAYA 36:22

Nanasapé'ni pakéyanna Elyakim, Sébna sibawa Yoah tanrang masussa, nainappa lao laporo'i ri arungngé aga pura napowada iyaro parawirana Asyur.

YESAYA 47:1

Makkedai Puwangnge, “Eh Babél, nonnono polé ri kadéra akkarungemmu, sibawa tudang ri tompo'na awué. Dé' mumapecci sibawa macenning pada-pada riyolo.

YESAYA 47:5

Makkedai Puwangnge lao ri Babél, “Ammekkono, sibawa uttama'no ri laleng pettangngé. Dé'na nariteppuko ‘Ratunna sining akkarungengngé.’

YEREMIA 8:14

Makkedai umma'na Allataala, “Magi nadé' aga-aga tapogau'? Laono mai tasibawa mangungsi lao ri kota-kota mabbénténgngé, leppessanni maté kuwaro. Puwang Allataalata pura pettuiwi makkedaé harusu'ki binasa. Purani nawéréng racung riyénung saba' madosaki lao ri Aléna.

AWATINGENG 1:1

Temmaka sino-sinona Yérusalém makkekkuwangngé, kota iya marowa senna'é riyolo. Riyolo riyattuwang ri yelle'na bangsa-bangsaé, makkekkuwangngé pada-padani jandaé. Riyolo kota iya kaminang ripakalebbié, makkekkuwangngé ripancaji atani.

AWATINGENG 1:4

Ri esso-esso marajaé dé' muwi séddi tau lao ri Bolana Allataala. Ana'-ana' dara pakkélongngé kuwaro manrasa-rasai, sibawa maddarékéi imang-ngimangngé. Dé'gaga tau ri pintu-pintu gerbangngé, risalipurini amesséng Kota Sion.

AWATINGENG 3:28

Wettunna Puwangnge mabbéré anrasa-rasang, sitinajaki tudang alé-alé sibawa mammekko.

AWATINGENG 4:16

Dé'na najampangini Puwangnge umma'-Na; Aléna muto passara-sarangngi mennang sibawa mébbui imang-ngimangngé dé'na riyangke; sining pamimpingngé dé'gaga mamaséiwi.

AWATINGENG 4:5

Mennang iya biyasaé péneddingiwi inanré iya malunra'é, sibawa tuwo ri laleng amaonarengngé, makkalolo'ni makkekkuwangngé untu' sappa inanré ri goppo warowoé, sibawa maté alupureng ri lalel-lalengngé.

AWATINGENG 5:12

Ritikkengngi sining pamimpitta sibawa rigattung, sining tomacowata dé'na naripoji.

AWATINGENG 5:14

Sining tomatowaé dé'na naddeppungeng ri pintu gerbang kotaé, dé'na napaéngkalingana musi'é ri yelle'na kalloloé.

YEHEZKIEL 27:30

Nateringini mennang totomu, maddaréké nenniya mpating sibawa masussa. Maggugurengngi mennang awu ri ulunna sibawa maggalélu ri awué tanrang masara.

YEHEZKIEL 27:31

Nasaba iko nakellui mennang ulunna, pakéi kaing karung penno asarang. Teriwi mennang masé sibawa mpatingiwi totomu.

YEHEZKIEL 7:18

Pakéi matu mennang kaing karung sibawa ténré sibatangngi matu tubunna. Rikellui matu ulunna mennang sibawa ripakasiri.

YOEL 1:8

Terino, éh umma, pada-pada ana'dara iya masaraé iya teringiyéngngi amaténna tunanganna iya napojiyé.

AMOS 5:13

Nasaba pangkaukemmuro, na sining tau iya mapanré mappéneddingngi lebbi kessing muwi mammekko bawang ri wettu iya maja pada-padaéro.

AMOS 8:13

Ri essoéro mala sining tau malolo iya madisid-disingngé marenne'i matu nasaba adekkang.

AMOS 8:3

Iyaro essoé élok-kélongngé ri saorajaé mancaji teriwi matu. Kégi-kégi tattale'-tale'i matu ujué iya puraé riyabbéyang sibawa mammekko-mekko.”

YUNUS 3:6

Wettunna naéngkalinga arung Niniwé iyaro karébaé, masitta'ni nonno polé ri kadéra akkarungenna. Naludunni jumba akkarungenna nanapakéi kaing karungngé, nainappa tudang ri tompo'na awué.

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.

WAHYU 18:19

Nanassiyamporenna mennang awu ri ulunna selaku tanrang mabbarata, nainappa teri sibawa kelli-kelli, “Aduh, tenniya pato acilakanna kota iya battowaéwé! Asugirenna pura mébbui sininna tauwé iya mappunnaiyé kappala-kappala ri tasi'é mancaji sugi! Iyakiya ri laleng sijang bawang, ateddéngenni sini-sininnaé.”