AWATINGENG 1:9 - KITTA KAREBA MADECENG

⁹ Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

AWATINGENG 1:9 ပူးပေါင်းရင်းမြစ်များ

2 SAMUEL 16:12

Naullé naitai matu Puwangnge iyaé anrasa-rasangngé nanabarakkakika selaku passulléna tanroéro.”

2 ARUNG-NGARUNG 14:26

Naitani Puwangnge pékkugi anrasa-rasanna tau Israélié, nadé' muwi séddi tau tulungngi mennang.

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

MAZMUR 119:153

Itai anrasa-rasakku sibawa passalama'ka, saba' dé' utettangngi hukkum-Mu.

MAZMUR 140:8

Puwang, Allataalaku, pappassalama'ku iya mawatangngé, puraka Mulinrungi ri laleng ammusureng.

MAZMUR 25:18

Pénessaini anrasa-rasakku sibawa asukkarakekku, sibawa addampengenni sininna dosaku.

MAZMUR 69:21

Appakatunangngé mébbuka makeccé ati, sibawa pettu paddennuwakka. Usappai paressé babuwaé, iyakiya siya-siyai, usappai passaléwoé, iyakiya dé' ulolongengngi.

ASSURENG 3:17

Sibawa pura upettuini untu' tiwii mennang massu polé ri Maséré, onronna mennang ritenre, sibawa mantara'i mennang lao riséuwaé wanuwa iya sugié namacommo, wanuwanna bangsa Kanaangngé, bangsa Hét-é, Amorié, Féris-é, Héwié sibawa Yébus-é.

ASSURENG 3:7

Nanakkedana Puwangnge, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

PAKKATOBBA 4:1

Nainappa upénessaisi sininna dé'é naadélé iya kajajiyangngé ri linoéwé. Sining tau iya ritenre'é teriwi sibawa dé'gaga iya maéloé tulungngi mennang. Dé' muwi séddi tau maélo mabbantu, nasaba sining pattenre'éro mappunnaiwi akuwasang iya battowaé.

YESAYA 3:8

Tongeng, sempé'ni Yérusalém! Maruttunni Yéhuda! Saba' sininna ada-adanna sibawa pangkaukenna mennang naéwai Puwangnge sibawa naéwai akuwasan-Na.

YESAYA 37:17

Puwang, tennapodo tapénessaiwi aga mattengngang kajajiyang sibawa idi. Engkalingai sininna pappakatunana Sanhérib lao ri Iko, Allataala iya tuwoé.

YESAYA 37:23

Muwissegga niga murodda-roddai sibawa mupakatunaro? Iyya, Allataalana Israélié, Allataala iya mapaccingngé.

YESAYA 37:29

sibawa purani uwéngkalinga passalenna iyaro caimu sibawa atempommu. Makkekkuwangngé Upasangngi pakkadak-kadangngé ri inge'mu sibawa galang ri bawamu, kuwammengngi Ugettekko lisu molai laleng iya muwolaé wettummu polé.”

YESAYA 37:4

Purai nasuro arung Asyur parawira tanréna untu' pakatunai Allataala iya tuwoé. Nigana missengngi purani naéngkalinga Puwang Allataala iyaro pappakatunaé sibawa hukkungngi mennang iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

YESAYA 40:2

Pattennangngi atinna tau Yérusaléngngé, powadai makkedaé maccappa'ni angatangenna. Purani Uwaddampengeng asalanna mennang, dosa-dosana mennang purani Uhukkung leppi wékkaduwa.”

YESAYA 47:7

Muwasengngi mancaji ratui mannennungeng, sibawa dé' mumaingekiwi iyaré'ga pikkiri'i accappurenna.

YESAYA 51:19

Nakennako duwanrupa abala; addimonrinna musué ancuru binasai wanuwammu sibawa matéi alupureng ra'ya'mu. Dé'gaga iya mamasé sibawa saléworiko.

YESAYA 54:11

Makkedai Puwangnge, “Eh Yérusalém, kota iya macilakaé, dé' pakkullémmu sibawa dé' passaléwo. Maélo-Ka palénne'i paimeng sining pallanggamu, sibawa batu-batu mangke'é.

YEREMIA 13:27

Purano uwita pogau'i gau'-gau' iya Ucéccé. Purano uwita lellungngi déwata-déwata laingngé ri bulu-bulué sibawa ri dare'é, pada-pada séddi worowané jangej-jangeng lao ri bainéna tau laingngé iyaré'ga pada-pada anyarang laié mangamparu lao ri anyarang komba'é. Pabbanuwana Yérusalém, macilakano iko! Uppannapa leppe'ko polé ri sininna jaéro?”

YEREMIA 16:7

Dé'to gaga maélo pakangka bacadowang untu' saléworiwi tau iya mattengngangngé mabbarata. Dé'gaga maccowé masara mala sibawa tau iya ateddéngengngé ambo'na iyaré'ga indo'na.

YEREMIA 2:34

Marota'i pakéyammu polé ri darana tau kasiyasié sibawa tau dé'é napasala, tenniya darana panga iya ritikkengngé. Namuni makkuwaro,

YEREMIA 48:26

Makkedai Puwangnge, “Ebbui Moab mancaji mabo', nasaba nattempowangngi aléna lao ri Iyya. Maggalélui matu ri laleng luwana, sibawa ricawa-cawai ri tauwé.

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

YEREMIA 50:29

Makkedai Puwangnge, “Suroi sining pappanaé gasai Babél. Pangarai tungke tau iya maccaé mappana. Keppungngi kotaéro sibawa aja' muleppessangngi muwi séddi tau leppe. Wale' manengngi pangkaukenna sibawa gaukengngi situru sibawa kédo-kédona, saba' purai tinda' kurang ajara' lao ri Iyya, Iya Pommapaccingngé, Allataalana Israélié.

AWATINGENG 1:17

Uwakkai limakku méllau bantuwang, iyakiya dé'gaga mabbéré passaléwo. Polé ri sininna sulapa'é, kiringngi Puwangnge bali; poléi mennang gasaka. Rigaukekka pada-pada warowoé, barang iya mappakaciddi-ciddi'é ri tengnga-tengngana mennang.

AWATINGENG 1:21

Oh Puwang! Engkalingai addarékékku, dé'gaga saléworika. Marennui sining balikku, nasaba Muwébbuka macilaka. Papoléni esso iya Muwajjanciyangngéro; ébbui mennang manrasa-rasa pada-pada iyya.

AWATINGENG 2:13

Oh Yérusalém, Kota Sion iya riyéloriyé, ruttungemmu silloppoi dolangengngé. Aga wedding upowada untu' mpéréngngi passaléwo? Saba', dé' naengka iya manrasa-rasaé pada-pada iko. Dé' tongeng gaga iya mullééngngi palisui keadaammu.

AWATINGENG 4:1

Ulaweng iya lala'-lala'é mancaji massalawuni batu-batunna Bolana Allataala tattale'ni ri lalengngé.

AWATINGENG 5:1

Engngerangngi, oh Puwang, aga kajajiyangngé ri idi. Tiroki, sibawa itani atunatta.

HOSEA 2:14

Makkedai Puwangnge, “Rimakkuwannanaro maélo-Ka tiwii lao ri padang kessi'é; kuwaniro Upalécé matu sibawa ada-ada assicintang.

ZEFANYA 2:10

Makkuwaniro pabbanuwana Moab sibawa Amon rihukkung matu nasaba atemponna sibawa atanréatinna, kuwaéttopa nasaba purai mennang napakatuna umma'na Puwang Iya Pommakuwasaé.

YOHANES 11:19

Maégani tau Yahudi polé célléngiwi Marta sibawa Maria untu' saléworiwi mennang nasaba amaténna silessurenna.

ULANGENG 26:7

Nainappaki mangobbi méllau tulung ri iko, Puwang, Allataalana néné-nénéta. Muwéngkalingai pangobbita sibawa mitai apeddiretta, asussatta nenniya anrasa-rasatta.

ULANGENG 32:27

Iyakiya dé' Umaélo matempo balinna Israélié; ajakké mennang kacéléi sibawa makkeda makkedaé nacaui mennang umma'-Ku,’ padahal iyya ritu pogau'i.

ULANGENG 32:29

Ebara'na mennang mapanréi, najeppuiwi matu mennang, sibawa pikkiri'i accappurenna mennang.

1 PETRUS 4:17

Narapini wettunna Allataala madélékiwi linoé. Na umma'na muto Allataala riadéléki matu riyolo'. Nah, rékko Allataala maélo pammulaiwi ri idi, pékkugiwi jajinna matti sibawa sining tau iya dé'é namateppe' lao ri Karéba Madécéng polé ri Allataalaro?

1 SAMUEL 1:11

Nainappa majjanci Hana, adanna, “Puwang Iya Pommakuwasaé, pénessaiwi atam-Muwé! Itai asussanna atam-Muwé. Engngerangngi atatta sibawa aja' tallupaiwi atatta! Rékko tawéréngngi atatta séddi ana' worowané, majjanciwi atatta maélo mabbéréngngi lao ri Iko gangka tuwona. Majjanci towi atatta makkedaé gemme'na dé' naengka narirette matu.”