AWATINGENG 1:8 - KITTA KAREBA MADECENG

⁸ Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

AWATINGENG 1:8 ပူးပေါင်းရင်းမြစ်များ

KAJAJIYANG 3:7

Purana muwa naanré iyaro buwaé, tattimpa'ni pikkiranna mennang sibawa namaingekini mennang makkedaé mallusu-lusui mennang. Rimakkuwannanaro nasamponi mennang tubunna sibawa daung ara iya natoloé mennang.

1 ARUNG-NGARUNG 9:6

Iyakiya rékko iko iyaré'ga wija-wijammu mabbokorika sibawa dé' namapato lao ri hukkung-hukkuk-Ku sibawa parénta-parénta-Ku enrengngé massompako déwata-déwata laing,

1 ARUNG-NGARUNG 9:7

Upaddésu'i matu umma'-Ku Israélié polé ri wanuwa iya puraé Uwéréngngi mennang. Usalai towi matu iyaé bolaé iya puraé Upattette mancaji onrong assompang lao ri Iyya. Kégi-kégi ripakatunai matu tau Israélié sibawa ricawa-cawai.

1 ARUNG-NGARUNG 9:9

Namappébali matu tauwé, ‘Nasaba nasalaiwi mennang Puwangnge, Allataalana, iya puraé mantara'i toriyolona massu polé ri Maséré. Massompai mennang déwata-déwata. Iyanaro saba'na napapoléi Puwangnge abalaéwé ri yasé'na.’ ”

YESAYA 47:3

Naitako matu tauwé mallusu-lusu, ripakatuna sibawa ripakasiri. Maélo-Ka makkabale lao ri iko, na dé muwi séddi tau Upaleppe.”

YEREMIA 13:22

Naullé makkutanako magi na iya manennaro nakennai alému, magi narisapé pakéyammu sibawa rigau' majako. Issenni makkedaé kajajiyangngi iyaro nasaba battowa senna'ni dosamu.

YEREMIA 13:26

Alé-Ku muto sapé'i matu pakéyangngé polé ri watakkalému kuwammengngi mumallusu-lusu sibawa masiri.

YEREMIA 15:4

Uwébbui matu sininna bangsaé ri linoé métau mitai mennang. Iya manennaro Upogau'i nasaba pangkaukenna Manasyé ana' worowanéna Hizkia ri Yérusalém wettunna mancaji arunna Yéhuda.”

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 6:28

Parronta maneng mennang iya matedde atié, sittedde gessaé sibawa bessié. Kédo majai mennang sibawa joppa lao kégi-kégi untu' patassiya karéba iya péjariyéngngi tau laingngé.

AWATINGENG 1:11

Ri laleng maddarékéna sappai dallé pabbanuwana; barang mangke'é naséléi mennang sibawa roti, banna kuwammengngi natette mennang tuwo sibawa aja' namaté. Mangobbii Yérusalém, “Oh Puwang, itaka, pénessaiwi sininna anrasa-rasaku.”

AWATINGENG 1:17

Uwakkai limakku méllau bantuwang, iyakiya dé'gaga mabbéré passaléwo. Polé ri sininna sulapa'é, kiringngi Puwangnge bali; poléi mennang gasaka. Rigaukekka pada-pada warowoé, barang iya mappakaciddi-ciddi'é ri tengnga-tengngana mennang.

AWATINGENG 2:10

Pada tudanni tomacowa-cowana kotaé mammekko ri tanaé; namporiwi awu ulunna mennang, sibawa paké kaing karung tanrang masara. Muwi ana'-ana'daraé cannunnuto lettu ri tanaé.

AWATINGENG 4:21

Eh bangsa Edom sibawa Us, macawano, akkérennuno, ri wettu weddinna mupa! Polé towi matu abalaé ri iko sibawa nasaba mabo'ko mupallusu-lusui matu alému.

YEHEZKIEL 23:29

Nasaba nabenciko mennang, sininna wassélé turuppuse'mu narampasa'i matu mennang. Risalaiko matu mallusu-lusu sibatang selaku cakkuribang sibawa mancaji akkita-itang tau maégaé. Napessu cintamu sibawa appangaddimmu ritu

YEHEZKIEL 23:46

Makkedai Puwang Iya Pommatanré, “Obbino sigarembolang tau untu' sissai sibawa rampo'i iya duwa cakkuribangngéro.

YEHEZKIEL 39:23

Sibawa namaingekiwi matu sininna bangsaé makkedaé rikiringngi tau Israélié lao ri appalirengngé nasaba dosana mennang lao ri Iyya. Purani Usalai mennang sibawa Uleppessang ricau ri balié nenniya riyuno ri laleng ammusurengngé.

HOSEA 2:10

Upallusu-lusui matu ri yolona sininna canrinna. Dé' muwi séddi polé ri mennang mulléi paleppe'i polé ri akuwasak-Ku.

HOSEA 2:3

Rékko tette'i maccakkuribang, maélo-Ka ludungngi pakéyanna kuwammengngi namallusu-lusu pada-pada ri esso wettunna rijajiyang. Upancajiwi matu pada-pada tana marakkoé sibawa makarossaé, namatéi matu adekkang.

WAHYU 3:18

Rimakkuwannanaro Upangajariko kuwammengngi melli ulaweng polé ri Iyya, iyanaritu ulaweng iya tuléngngé, kuwammengngi mumancaji sugi. Elli tokko pakéyang puté polé ri Iyya kuwammengngi muwappakéyang enrengngé tongkoi keadaammu iya mallusu-lusué sibawa mappakasiri-sirié. Sibawa elli tokko pabbura untu' riyassapuwang ri matammu kuwammengngi namuwulléi makkita.

1 SAMUEL 2:30

Iyya, Puwang Allataalana Israélié, pura majjanci riyolo, makkedaé kaluwargamu sibawa appammu tumaningika matu selaku imang untu' mannennungeng. Iyakiya makkekkuwangngé dé' Upuwéloi gau'éro! Saba' iya pakalebbiék-Ka, Upakalebbii matu iyakiya iya pakatunaék-Ka, Upakatunai matu.