AWATINGENG 1:6 - KITTA KAREBA MADECENG

⁶ Ahébakenna kota Yérusalém banna curita wettu labe'é. Mancaji malemmani sining pamimpinna pada-pada jonga malupu senna'é. Dé' pakkullénna lao ri bali iya mallellungngé.

AWATINGENG 1:6 ပူးပေါင်းရင်းမြစ်များ

2 ARUNG-NGARUNG 19:21

makkedai Puwangnge, “Nacawa-cawaiko sibawa naéllé-kéllé'ko kota Yérusalém, Sanhérib.

2 ARUNG-NGARUNG 25:4

nalepponi balié témbo'na kotaé. Iyaro wennié, namuni tau Babél-é mattengngang keppungngi kotaéro, sininna tentara Yéhudaé lariwi mattuju ri Lompo Yordan. Laloi mennang ri laleng tammeng saorajaé, nainappa massu lalo ri pintu gerbang iya pasisumpungngéngngi iya duwa témbo'é ri onrongngéro.

2 ARUNG-NGARUNG 25:5

Iyakiya tentara Babél nalellungngi Arung Zédékia, sibawa tikkengngi ri tanéténa Yérikho. Sininna ana' buwana larini salaiwi.

MAZMUR 50:2

Polé ri Sion, kota iya kaminang magelloé. Mallurui Allataala sibawa maccahaya.

MAZMUR 96:9

Sompai Puwangnge sibawa mappaké pakéyang assompang! Ténréno ri yolo-Na, éh sininna linoé!

YESAYA 1:21

Kota iya matinulué riyolo, makkekkuwangngé pada-padani séddié cakkuribang! Riyolo sininna pabbanuwana adélé sibawa malempu, iyakiya makkekkuwangngé naonroiwi pabbuno-pabbunoé.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

YESAYA 4:5

Nainappa ri tompo'na Bulu Sion sibawa sininna tau iya maddeppungengngé kuwaro napancajini Puwangnge ellungngé ri lakessoé, enrengngé rumpu sibawa luwa api matajang ri wennié. Aléna Allataala nasibawang akuwasan-Na cinaungiwi matu sibawa linrungiwi sininna kotaéro.

YEREMIA 13:18

Makkedai Puwangnge lao ri iyya, “Suroi arungngé sibawa indo'na arungngé nonno polé ri kadéra arajanna, passigera'na iya magelloé sempé'ni polé ri ulunna.

YEREMIA 29:4

“Makkuwaniyé adanna Puwang Iya Pommakuwasaé, Allataalana Israélié lao ri sininna tau iya puraé nabbéyang polé ri Yérusalém lao ri Babél:

YEREMIA 47:3

Méngkalingai matu mennang anyarang joppa, oni karéta maddukéku, sibawa oni-oni padatinna. Mancaji malemmai matu tomatowaé sibawa dé'na napikkiri'i ana'na.

YEREMIA 48:41

Kota-kotana sibawa sining bénténna risittaiwi matu sibawa métaui matu tentarana pada-pada makkunrai iya maéloé mémmana.

YEREMIA 52:11

Purairo ricukkéni matanna Zédékia, nainappa ribalenggu naritiwi lao ri Babél. Kuwaniro riputtama ri tarungkué, na dé' naengka nassu polé kuwaro narapi wettunna maté.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

YEHEZKIEL 24:21

palettu'i iyaé pasengngé lao ri iko: Muwabbangkakengngi awatangenna Bolana Puwangnge. Mupoji mitai sibawa lokkaiwi, iyakiya Puwangnge carépaiwi matu Bola-Na. Sibawa anggota-anggota kaluwargamu iya maloloé mupa, iya monroé ri Yérusalém, riyunoi matu ri laleng ammusurengngé.

YEHEZKIEL 24:25

Makkedai Puwangnge lao ri iyya, “Nah, tolino dé'é namannennungeng, Uwalai matu polé ri mennang Bola-Ku iya masse'éro, iya puraé mancaji abangkakenna sibawa asennangenna mennang, sibawa iya naitaé mennang sibawa nalokkai sibawa macenning ati. Nainappa uwala towi matu ana'-ana'na mennang.

ULANGENG 28:25

Rékko dé' muturusiwi Puwang Allataalamu, Naébbuko matu ricau risining balimmu. Maggasako matu secara taratoro', iyakiya lariwi sibawa tassiya-siya. Sininna bangsaé ri linoé métaui matu mitai acilakammu.

ULANGENG 32:30

Pékkugi séddi tau naullé lellungngi sisebbu tau, sibawa duwa tau palariwi seppulo sebbu tau? Puwangnge, Allataalana mennang, pura balu'i mennang; risalaini mennang ri Allataala iya poré.