AWATINGENG 1:5 - KITTA KAREBA MADECENG

⁵ Héba'ni sining balinna nasaba naulléi makuwasaiwi. Puwangnge mébbui manrasa-rasa, nasaba maéga senna'i dosana. Ritawanni pabbanuwana, sibawa ritiwi ri appalirengngé.

AWATINGENG 1:5 ပူးပေါင်းရင်းမြစ်များ

2 ARUNG-NGARUNG 21:15

Iya manennaro Upogau'i matu lao ri umma'-Ku nasaba madosai mennang lao ri Iyya sibawa paompoi cai-Ku mappammulai toriyolona massu polé ri Maséré lettu essoéwé.”

MAZMUR 80:6

Muwérékki teri untu' inanré, uwai mata maona untu' énungeng.

MAZMUR 89:42

Sininna tau iya laloé narampasa'i appunnangenna, mancajiwi akkéllékéllékeng lao ri balibolana.

YESAYA 22:5

Mémeng Puwang Iya Pommatanré sibawa Pommakuwasaé pura pattentui iyaé essoé selaku esso akacaungeng, awéwangeng sibawa arocakeng ri Lompo Pakkitangngé. Riruttunni témbo-témbo kotaé. Kelli méllau tulungngé maddaremmeng ri bulu-bulué.

YESAYA 63:18

Magi Muleppessangngi balié léjja-léjja'i Bola-Mu, sibawa sining tauwé carépaiwi bulu-bulu-Mu iya mapaccingngé?

YEREMIA 10:20

Masolanni kémata, sibawa sining tuluna pettu manenni. Dé'na gaga iya mullééngngi patettong kéma sibawa pasangngi sining kainna, nasaba laoni ana'-ana'é.”

YEREMIA 12:7

Makkedai Puwangnge, “Dé'na Upaduliwi onrong Uwonroiyé, wanuwa iya mancajiyé appunnangek-Ku Usalaini, sibawa umma'-Ku iya Uwamaséiyé purani Uwabbéréyang lao ri limanna sining balinna.

YEREMIA 23:14

Iyakiya ri Yérusalém Uwitai nabi-nabié pogau'i iya lebbi majaéppasi. Mabbelléi mennang sibawa malaweng, enrengngé nasokongngi tau iya pogau'éngngi majaé, angkanna dé' muwi séddi tau maélo toba'. Untu' Aléku maja manengngi mennang pada-padai pabbanuwana Sodom nenniya Gomoro.”

YEREMIA 39:9

Angkanna ra'ya' iya engkaé mupa ri kotaé, silaong sining tau iya lariénna maccowé ri tau Babél-é, ritiwini ri Babél ri Nébuzaradan, komandanna pasukang Babél.

YEREMIA 5:29

Iyakiya, Iyya, Puwang, hukkungngi matu mennang nasaba iya manennaro; maélo-Ka mpale'i sining pangkaukenna iyaé bangsaé.

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 1:8

Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 3:46

Napakatunaki sininna balitta sibawa nacawa-cawai;

YEHEZKIEL 9:10

Dé' uwamaséiwi matu mennang. Upogau'i matu lao ri mennang aga iya napogau'é mennang lao ri tau laingngé.”

YEHEZKIEL 9:9

Nappébali Allataala, “Sining tau Israélié sibawa Yéhuda purani pogau' dosa iya battowa senna'é. Pogau'i mennang abbunowang ri sininna onrongngé, sibawa Yérusalém nacarépaiwi sibawa ja. Napowadai mennang makkedaé Iyya, Puwang, salaiwi iyaé wanuwaé angkanna dé' naulléi mitai pangkaukenna.

ULANGENG 31:29

Uwisseng makkedaé matékuna, iyaro sining tauwé mancaji majai sibawa sampéyangngi aga iya puraé uwappagguruwang lao ri mennang. Nanakennai matti abala, nasaba naébbui Puwangnge macai ri laleng napogau'na aga iya Nattéyangngé.”