AWATINGENG 1:3 - KITTA KAREBA MADECENG

³ Nasalaini wanuwanna pabbanuwana Yéhuda, nasaba ripowatai sibawa manrasa-rasa senna'i. Monroni makkekkuwangngé ri yelle'na bangsa-bangsaé temmappunnai onrong iya mabbéré adaméngeng. Rikeppungngi mennang ri balié wettunna mennang manrasa-rasa.

AWATINGENG 1:3 ပူးပေါင်းရင်းမြစ်များ

2 ARUNG-NGARUNG 25:11

Nainappa ra'ya' iya engkaé mupa ri kotaé, iyanaritu sining pajjama-jama maccaé iya nasésaé, sining tau kasiyasié sibawa sining tau iya lariénna maccowé ri tau Babél-é, iya manenna natiwii Nébuzaradan ri Babél.

2 ARUNG-NGARUNG 25:21

ri daérana Hamat. Kuwaniro mennang risissa nainappa riyuno. Makkuwaniro sining tau Yéhudaé ritiwi polé ri wanuwanna mennang lao ri appalirengngé.

2 ARUNG-NGARUNG 25:4

nalepponi balié témbo'na kotaé. Iyaro wennié, namuni tau Babél-é mattengngang keppungngi kotaéro, sininna tentara Yéhudaé lariwi mattuju ri Lompo Yordan. Laloi mennang ri laleng tammeng saorajaé, nainappa massu lalo ri pintu gerbang iya pasisumpungngéngngi iya duwa témbo'é ri onrongngéro.

2 ARUNG-NGARUNG 25:5

Iyakiya tentara Babél nalellungngi Arung Zédékia, sibawa tikkengngi ri tanéténa Yérikho. Sininna ana' buwana larini salaiwi.

YEREMIA 13:19

Kota-kotana Yéhuda ri bagiyang yattang mattengngang rikeppung, na dé'gaga mulléi bettui akkeppungengngéro. Sininna taunna Yéhuda riyakkani lao ri appalirengngé.”

YEREMIA 16:16

Makkedai Puwangnge, “Maélo-Ka mobbi maéga pakkaja untu' tikkengngi sining tauwéwé. Nainappa maélo-Ka mobbi maéga paddengngeng untu' lellungngi mennang ri tungke bulu sibawa bulu-bulu sibawa ri gowa-gowa bulu-bulu batué.

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

YEREMIA 39:9

Angkanna ra'ya' iya engkaé mupa ri kotaé, silaong sining tau iya lariénna maccowé ri tau Babél-é, ritiwini ri Babél ri Nébuzaradan, komandanna pasukang Babél.

YEREMIA 52:15

Nainappa ra'ya' iya engkaé mupa ri kotaé, iyanaritu sining pajjama-jama ahli iya nasésaé, sining tau kasiyasié, sibawa sining tau iya lariyé lao ri tau Babél-é, iya manenna ritiwini lao ri Babél ri Nébuzaradan.

YEREMIA 52:8

Iyakiya rilellungngi Arung Zédékia ri tentara Babél-é, sibawa tikkengngi ri tanéténa Yérikho. Lari manenni ana' buwana salaiwi.

AWATINGENG 2:9

Natébunni tana sining gerbanna, poloni sining paccala'na; arung sibawa pajaba pamaréntaé engkai ri appalirengngé. Dé'na nappagguruwangngi hukkunna Puwangnge; dé'na natarima wéré nabié polé ri Puwangnge.

AWATINGENG 4:15

Makkedai tauwé, “Laono polé kuwaé! Najisi'ko, aja' mugéssaki!” Nalaona mennang sibawa sollé polé ri bangsaé lao ri bangsaé, iyakiya dé' naripalalo mattette ri muwi niga.

AWATINGENG 5:5

Pada-pada olokolo'é, ripassa majjama matane, posoki, iyakiya dé' nawérékki wettu mappésau.

YEHEZKIEL 5:12

Tawatellunna pabbanuwamu maté matu nasaba sai enrengngé abala akkadéreng iya kennaéngngi kotaé. Tawatellunna Uwunoi matu sibawa peddang ri saliweng kota, sibawa tawatellunnasi Uwassiyamporeng matu lao ri sininna sulapa'é nenniya Ulellungngi matu sibawa peddang.

ULANGENG 28:48

Rimakkuwannanaro harusu'ko mattumani lao risining balimmu iya nasuroé Puwangnge untu' méwako. Makkadérekko matu, madekka sibawa mallusu-lusu nenniya akurangeng ri laleng sininna gau'éro. Puwangnge matu tenre'ko sibawa mabecco narapiko binasa.