AWATINGENG 1:22 - KITTA KAREBA MADECENG

²² Pénessaiwi sininna jana mennanro, sibawa gaukenni mennang pada-pada Mugaukengngékka, nasaba sininna dosa iya upogau'é lao ri Iko. Maddarékéka ri laleng anrasa-rasangngé, messéi atikku sibawa makkanrodongngi.”

AWATINGENG 1:22 ပူးပေါင်းရင်းမြစ်များ

MAZMUR 143:7

Balika masitta, oh Puwang, saba' pettu paddennuwakka. Aja' tamassubbu polé ri aléku, kuwammengngi aja' upada-pada tau iya nonnoénna ri linona amaténgngé.

MAZMUR 79:10

Aja' taleppessangngi bangsa laingngé makkutana passaletta, “Kégai Allataalana mennang?” Leppessakki mitai pakkabale'é lao ri bangsa-bangsa iya mpunoéngngi ata-atam-Mu.

YESAYA 13:7

Tungke tau napéneddingiwi kapé limanna sibawa ateddéngeng abaraningenna.

YEREMIA 10:25

Pallessuni cai-Mu ri yasé'na bangsa-bangsa iya dé'é nangakui-Ko sibawa iya dé'é namaélo massompa ri Iko. Saba' purai mennang napabbinasa siseng umma'-Mu sibawa mancuru'i wanuwatta.

YEREMIA 18:23

Iyakiya Iko, Puwang, misseng manengngi iya narancanaé mennang untu' paccappui nyawaku. Rimakkuwannanaro, aja' muwaddampengengngi mennang; aja' muleddai asalanna mennang. Unrui mennang narapi sempé. Tinda'no lao ri mennang ri laleng cai-Mu.”

YEREMIA 30:16

Iyakiya makkekkuwangngé sininna iya memme'ékko riyemme'i matu, sibawa sininna balimmu ritiwii matu ri appalirengngé. Utenre'i matu iya tenre'ékko, Urampo'i matu iya rampo'ékko.

YEREMIA 51:35

Pabbanuwana Sion, powadani, “Tennapodo nakennai Babél apéddarang iya nagaukengngékki!” Pabbanuwana Yérusalém, powadani, “Tennapodo nakennai Babél anrasa-rasang iya napakennaingengngékki!”

YEREMIA 8:18

Tassépa atikku sibawa mapessé, saraku dé' nariurai.

AWATINGENG 1:13

Napanonnoi apié polé ri langié iya tunuéngngi lettu ri laleng batékku. Natangngi siyo-siyoé ri yoloku iya mébbuékka mabuwang. Nainappa Naleppessakka alé-aléku manrasa-rasa puppu esso.

AWATINGENG 5:17

Masino-sinoni Bulu Sion sibawa risalai; mallampareng asu ale'é kuwaro. Rimakkuwannanaro ancuru'ni atitta, teriki narapi massalawu pakkitatta.

LUKAS 23:31

Saba' rékko lao ri pong ngaju iya tuwoé mupa, napogau'i tauwé pada-padaéwé, agaré' tosi nagaukengngi matu mennang lao ri aju iya marakkoénna!”

EFESUS 3:13

Rimakkuwannanaro, paréllaukku iyanaritu: aja'na mubata-bata passalenna aga iya uwanrasa-rasaiyé nasaba iko; saba' iya manennaro iyanaritu untu' adécéngemmu.

WAHYU 6:10

Gorani mennang sibawa sadda iya battowaé, “Oh Puwang Pommakuwasaé, iya mapaccingngé sibawa tongengngé! Siyagapi ittana nappa-Ko madélékiwi pabbanuwana linoé enrengngé hukkungngi mennang nasaba purani naunoki?”