AWATINGENG 1:20 - KITTA KAREBA MADECENG

²⁰ Oh Puwang! Pénessaika, manennengngi atikku sibawa kacau, ancuru'i nasaba adorakakku riyolo. Engka abbunowang risining lalengngé, ri lalempolaé engka amaténg.

AWATINGENG 1:20 ပူးပေါင်းရင်းမြစ်များ

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

YEHEZKIEL 7:15

Risining lalenna kotaé engka musu, risining bolaé engka sai sibawa akkadéreng. Nigi-nigi engka ri saliweng kota matéi matu ri laleng musué, sibawa iya monroé ri kotaé nakennai matu lasa sibawa akkadéreng.

YESAYA 16:11

Kelli atikku sibawa ancuru mitai keadaanna Moab sibawa Kir-Héres.

ULANGENG 32:25

Musué tiwi amaténg ri laleng-lalengngé; nakennai sining tauwé ri bolaé appakatau-taurengngé. Kalloloé sibawa ana' daraé ripaccappui matu, makkuwatoro ana' loloé sibawa tomacuwaé.

YEREMIA 4:19

Temmaka anrasa-rasana atikku, dé'na utahang manrasa-rasa. Dé' uwulléi pattennangngi alé maddumba-dumba aroku, saba' uwéngkalingai moni tarompé'é, sibawa mango kelli musué.

AYUB 30:27

Risapé'ka ri saraé sibawa amesséngngé; polé ri essoé lao ri essoé pédé maéga uwanrasa-rasai.

HABAKUK 3:16

Métau atikku méngkalingai iyaro sibawa ténré témukku. Mancaji malemmaka dé' pakkullékku, ajéku tabbuttu, muwi kégika joppa. Maélo-Ka mattajeng sibawa tennang pahukkungenna Allataala lao risining paggasaé.

HOSEA 11:8

Makkedai Puwangnge, “Eh bangsa Israélié, dé' namakkulléko Uleppessang iyaré'ga Usalai. Makkulléga Upabbinasako pada-pada Adma? Iyaré'ga Ugaukeng pada-pada Zéboim? Dé' narapii atik-Ku pogau'i gau'éro, nasaba pappojik-Ku battowa senna lao ri alému!

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 1:11

Ri laleng maddarékéna sappai dallé pabbanuwana; barang mangke'é naséléi mennang sibawa roti, banna kuwammengngi natette mennang tuwo sibawa aja' namaté. Mangobbii Yérusalém, “Oh Puwang, itaka, pénessaiwi sininna anrasa-rasaku.”

AWATINGENG 1:9

Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

YEREMIA 48:36

Sininna asugirenna Kir-Héres sibawa sininna Moab lennye'ni. Messé-Ka mitai keadaanna mennanro; pada-pada-Ka tau iya makkélongngé élong masara ri sulingngé.

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

YEREMIA 14:18

Rékko laoka ri padangngé, uwitai sining uju iya maté ri laleng musué. Ri laleng kotaé uwitai anrasa-rasangngé, sining tauwé céddé'i maté alupureng. Nabi sibawa imangngé napajoppai kewajibanna tennajeppui aga iya napogau'é mennang.”

YEREMIA 3:13

Angakui bawanni makkedaé pasalako sibawa purano maronta lao ri Puwangnge, Allataalamu. Angakuini makkedaé ri yawana tungke aju maworongngé purani muwabbéréyang pappojimmu lao ri déwata-déwatana bangsa laingngé, sibawa dé' muturusiwi parénta-parénta-Ku. Iyya, Puwang pura mabbicara.”

YEREMIA 2:35

makkedako makkedaé dé' mupasala, makkedaé dé'na Umacai lao ri iko. Iyakiya Iyya, Puwang, maélo hukkukko nasaba dé' mumaélo mangakuiwi makkedaé pasalako.

YESAYA 38:14

Pédé massalawu saddakku sibawa malemma, pada-pada jangang-jangangngé maddaréké. Matekko matakku nasaba céngai ri langié, Puwang, paleppe'ka polé ri asussangngéwé.

AMSAL 28:13

Niga subbui dosana dé' nasaro matu. Niga mangakuiwi sibawa salaiwi, riyamaséiwi matu ri Puwangnge.

MAZMUR 22:14

Naoloika sibawa bawa mangnganga, pada-pada singa iya mangngaungngé sibawa palupperi.

AYUB 33:27

Na ri yolona tau maégaé makkedai matu, ‘Iya majaé uwangga'i makessing, battowai dosaku, iyakiya Allataala dé' nahukkukka.’

MAZMUR 38:8

Natunui semmeng tubukku, dé'gaga madising ri watakkaléku.

YEREMIA 14:20

Puwang, lao ri Iko bawang puraki madosa. Riyakuiwi dosata muto sibawa dosana toriyolota.

AWATINGENG 1:8

Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

DANIEL 9:5

Purani madosaki, purani ripogau' majaé, sibawa pogau' asalang. Purani maronta'ki sibawa majjalékkaiwi parénta-Mu enrengngé léssé polé ri atoreng-atorem-Mu.

AWATINGENG 5:16

Dé'ni gaga abangkaketta, macilakaki nasaba madosaki.