AWATINGENG 1:2 - KITTA KAREBA MADECENG

² Puppu benni messé teri, mabbarébé uwai mataé ri rupaé. Dé' muwi séddi tau polé risining sipojinna iya maéloé saléworiwi. Ribali'bellariwi ri silao-silaonna iya balé'énna mancaji bali.

AWATINGENG 1:2 ပူးပေါင်းရင်းမြစ်များ

AYUB 6:15

Iyakiya iko, éh sellao-sellao, dé' nawedding riyatepperi sibawa riyattuwang. Padako salo iya cappuénna uwaina, ri wettu teppoléna bosié.

AYUB 7:3

Polé ri ulengngé lao ri ulengngé atuwokku temmakkatta; polé ri wennié lao ri wennié atikku pennoi amesséng.

MAZMUR 126:5

Tennapodo tau iya mampoé naterito, méngngalai sibawa gora-gora.

MAZMUR 31:11

Cappui atuwokku ri laleng anrasa-rasang, labe'i taut-taukku ri laleng addarékéng. Koddoi awatangekku nasaba jaku, mala buku-bukukku mancaji marapo.

MAZMUR 6:6

Saba' ri laleng amaténgngé dé'na nariyéngngerak-Ko; dé' gaga iya pojiyék-Ko ri linona tau maté.

MAZMUR 69:21

Appakatunangngé mébbuka makeccé ati, sibawa pettu paddennuwakka. Usappai paressé babuwaé, iyakiya siya-siyai, usappai passaléwoé, iyakiya dé' ulolongengngi.

AMSAL 19:7

Tau kasiyasié ri pakariyawai ri silessurenna, apalagi ri silaonna. Namuni makkuragai, naulléi taré'i mennang.

YEREMIA 13:17

Rékko bata-batako méngkalingai, terika matu sibawa mammekko-mekko. Sibawa pappénedding masé' senna muteringiwi atempommuro. Mallénél-lénéngngi matu uwai matakku nasaba ritiwii umma'na Puwangnge selaku tawangeng.

YEREMIA 2:25

Israélié, aja' mulari lellungngi déwata-déwataé, sibawa aja' mugora mobbii mennang, maloi matu ajému sibawa marakkoi tigero'mu nasaba dekka. Makkedako, ‘Dé', dé' namakkullé lisuka,’ ‘saba' uwéloriwi déwata-déwataé, sibawa maélo maccowériwi mennang.’ ”

YEREMIA 3:1

Makkedai Puwangnge, “Rékko séddié bainé ritelle ri lakkainna, nainappa iyaro makkunraié mancaji bainéna tau laingngé, poro lakkainna dé' nawedding malai paimeng selaku bainéna, saba' iyaro gau'é nasolangiwi iyaé wanuwaé. Iko Israélié, mappunnaino maéga senna canring, masa makkekkuwangngé maéloko lisu lao ri Iyya!

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

YEREMIA 4:30

Eh Yérusalém, risalaino sibawa dé' aga-aga mullé pogau'! Untu' aga paké waju cella sibawa bélo-béloiwi alé sibawa ulaweng nenniya péra', enrengngé cilla'i mataé sibawa cilla? Paracuma pagelloriwi alému, saba' sining canrimmu dé'na napojiko, mala maéloi mennang reddui nyawamu.

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

AWATINGENG 1:19

Uwobbii sining silaong maréppé'ku iyakiya nabali'bellarika mennang. Sining imangngé sibawa pamimping bangsaé maté manenni ri lalel-laleng kotaé. Wettunna sappa inanré untu' mattahangengngi nyawana.

AWATINGENG 1:21

Oh Puwang! Engkalingai addarékékku, dé'gaga saléworika. Marennui sining balikku, nasaba Muwébbuka macilaka. Papoléni esso iya Muwajjanciyangngéro; ébbui mennang manrasa-rasa pada-pada iyya.

AWATINGENG 1:9

Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

YEHEZKIEL 16:37

Rimakkuwannanaro, sininna canrimmu riyolo Upaddeppungengngi matu, muwi iya mupojiyé iyaré'ga iya mucéccé. Tettongngi matu mennang mattulilingiko sibawa ludungngi sininna pakéyammu, angkanna naulléi mennang mitai tubummu iya mallusu-lusué.

HOSEA 2:7

Nalellungngi matu sining canrinna, iyakiya dé' nalettu matu ri mennang. Nasappai matu mennang, iyakiya dé' naruntu'i matu mennang. Nainappa makkedai matu, ‘Maéloka lisu ri lakkaikku iya mammulangngé; lebbi makessingngi keadaakku riyolo naiya makkekkuwangngé.’

MIKHA 7:5

Aja' mumateppe lao ri balibolamu, aja' musanré lao ri sellaoé. Atutuko sibawa ada-adammu namuni iya méngkalingaéngngi iyanaritu bainému.

WAHYU 17:13

Iya seppulo arungngéwé iya manenna mappunnaiwi akkatta iya padaé; iya manenna mennang nabbéréyangngi awatangenna sibawa akuwasanna lao ri olokolo'éro.

WAHYU 17:16

Seppulo tanru' iya muwitaé sibawa iyaro olokolo'é nabenciwi matu iyaro cakkuribangngé. Narampasa'i matu sininna séuwa-séuwaé iya nappunnaiyé, sibawa naébbui aléna mallusu-lusu. Nanréi matu mennang jukuna enrengngé napaccappui sibawa api.