AWATINGENG 1:18 - KITTA KAREBA MADECENG

¹⁸ Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 1:18 ပူးပေါင်းရင်းမြစ်များ

1 ARUNG-NGARUNG 13:21

angkanna nampareng nabi polé ri Yéhudaro adanna, “Makkedai Puwangnge makkedaé dé' namapato Saudara lao ri Aléna. Dé' napogau'i Saudara iya riparéntangngéngngi Saudara.

EZRA 9:13

Madosani sibawa riyajjalékkai hukkum-Mu, sibawa purani' Muhukkung. Iyakiya riissengngi, oh Allataala, makkedaé pahukkungeng iya Muwabbéréyangngéro dé' nasittane iya sipato'é ritarima, mala Mupassalama mupi.

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:33

Adélé'i tindakam-Mu, Muhukkukki iya madosaé; tette'-Ko matinulu namuni pennoki akurangeng.

MAZMUR 107:11

saba' purai mennang maronta lao ri Allataala sibawa dé' najampangiwi paréntana Iya Pommatanré.

MAZMUR 119:137

Adélé'-Ko, oh Puwang, coco'i sininna hukkum-Mu.

MAZMUR 119:75

Uwisseng makkedaé adélé'i apettum-Mu oh Puwang, puraka Muhukkung nasaba atinulurem-Mu.

MAZMUR 145:17

adélé'i Puwangnge ri laleng sininna tindakan-Na sibawa pennoi pammasé ri laleng sininna pangkauken-Na.

ASSURENG 9:27

Nariyobbina Musa sibawa Harun ri arungngé, sibawa makkeda, “Madosana'. Puwangnge ritu tongeng, iyya sibawa ra'ya'ku pasalani.

YEREMIA 12:1

“Rékko upangoloi iyaé parakaraku ri yolo-Mu, oh Puwang, tentu pabuttiwi matu makkedaé Iko ritu tongeng. Iyakiya macinna tokka makkutangngi ri Iko passalenna adélékengngé: Magi namadécéng tau majaé? Magi mala tau dé'é namalempu lolongeng wassélé?

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

YEREMIA 4:17

sibawa keppungngi Yérusalém pada-pada tau jagaiyéngngi dare'é. Iya manennaro kajajiyangngi nasaba maronta'ni bangsa Yéhudaé lao ri Puwangnge. Puwangnge pura mabbicara.

YEREMIA 49:12

Muwi tau iya dé'é nasipato rihukkung, nakenna towi pahukkungeng, masa iko dé'? Pasti harusu'ko rihukkung!

AWATINGENG 1:12

“Eh sining tau iya laloé ri lalengngé, itai sibawa pénessaiwi! Engkaga silloppona passissa iya upéneddingiyé makkekkuwangngé, passissa iya napatakkennaé Puwangnge lao ri iyya, nasaba cai-Na iya battowa senna'éro?

AWATINGENG 3:42

“Madosaki sibawa maronta'ki lao ri Iko, oh Puwang, na dé' Muwabbéré paddampeng.

AWATINGENG 5:16

Dé'ni gaga abangkaketta, macilakaki nasaba madosaki.

DANIEL 9:5

Purani madosaki, purani ripogau' majaé, sibawa pogau' asalang. Purani maronta'ki sibawa majjalékkaiwi parénta-Mu enrengngé léssé polé ri atoreng-atorem-Mu.

DANIEL 9:7

Oh Puwang, tuli teppa'i tindakam-Mu sibawa adélé, iyakiya idi tuli mappapoléki asiriseng lao ri aléta, iyanaritu idi maneng iya monroé ri Yudéa sibawa ri Yérusalém nenniya sininna tau sibangsata iya puraé Mupatassiya lao ri wanuwa-wanuwa iya mabélaé sibawa iya macawé'é nasaba dé' mennang namatinulu lao ri Iko.

AMOS 8:13

Ri essoéro mala sining tau malolo iya madisid-disingngé marenne'i matu nasaba adekkang.

ZEFANYA 3:5

Iyakiya engka mupi Puwangnge ri kotaéro; tuli Napogau'i iya tongengngé sibawa dé' naengka iya salaé. Tungke' élé pasti mabbéréi adélékeng lao ri umma'-Na. Iyakiya tau iya dé'é naissengngi adélékengngé ri kotaéro tette'i pogau'i majaé tennaisseng masirié.

ZAKHARIA 1:6

Naolai sining nabié ata-atak-Kuro, Upalettu'i parénta-parénta-Ku sibawa sining papparéngngerak-Ku lao ri néné-nénému. Iyakiya dé' nabati-batiwi mennang angkanna harusu'i natanggung mennang addimonrinna. Nainappa mennang massesse kalé sibawa mangakuiwi makkedaé Iyya, Puwang Iya Pommakuwasaé, pura hukkungngi mennang situru sibawa asalanna mennang, nenniya situru sibawa attentuwak-Ku.”

ROMA 2:5

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.

ROMA 3:19

Riissenni makkekkuwangngé makkedaé sininna iya tarokié ri laleng hukkunna agama Yahudié, iyanaritu untu' sining tau iya engkaé riyawa paréntana hukkung-hukkungngéro. Rimakkuwannanaro dé' séddi tau mulléi mabbéré alasang muwi agi-agi sibawa sininna linoé naulléi Allataala tuntu'i.

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

HAKING-HAKING 1:7

Adanna Adoni-Bézék, “Riyolo pituppulo arung pura urette indo' jari limanna sibawa ajéna, nainappa uleppessang manré sésa-sésa inanré iya sempé'é polé ri méjakku. Makkekkuwangngé Allataala gaukekka pada-pada pura ugaukengngéngngi mennang.” Naritiwina Adoni-Bézék, ritiwi ri Yérusalém, nakkuwaniro maté.

1 SAMUEL 15:23

Saba' ateddereng atié lao ri Puwangnge padai jana pogau'é séhéré, sibawa ati matempoé padai jana massompa déwata. Nasaba purai Datu naéwa paréntana Puwangnge, nadé' tona nangakui Puwangnge Datu selaku arung.”