AWATINGENG 1:17 - KITTA KAREBA MADECENG

¹⁷ Uwakkai limakku méllau bantuwang, iyakiya dé'gaga mabbéré passaléwo. Polé ri sininna sulapa'é, kiringngi Puwangnge bali; poléi mennang gasaka. Rigaukekka pada-pada warowoé, barang iya mappakaciddi-ciddi'é ri tengnga-tengngana mennang.

AWATINGENG 1:17 ပူးပေါင်းရင်းမြစ်များ

1 ARUNG-NGARUNG 8:22

Purairo, ri yolona ra'ya' iya engkaé, tettonni Salomo mangolo ri mézbaé nanakkai iya duwa limanna

1 ARUNG-NGARUNG 8:38

tennapodo Muwéngkalingai sempajanna mennang. Rékko polé ri yelle'na umma'-Mu Israélié engka iya nasibawangngé amesséng babuwa massempajang lao ri Iko nanapappale towi limanna mattuju ri bola assompangngéwé,

2 ARUNG-NGARUNG 25:1

Nainappa maronta Zédékia lao ri Nébukadnézar arung Babél. Rimakkuwannanaro poléni Nébukadnézar sibawa sininna tentarana nagasai Yérusalém ri tanggala seppulona uleng seppulo ri laleng taung maaséraé apparéntanna Zédékia. Patettonni mennang markas ri saliweng kota, patettong témbo' akkeppungeng,

PAKKATOBBA 4:1

Nainappa upénessaisi sininna dé'é naadélé iya kajajiyangngé ri linoéwé. Sining tau iya ritenre'é teriwi sibawa dé'gaga iya maéloé tulungngi mennang. Dé' muwi séddi tau maélo mabbantu, nasaba sining pattenre'éro mappunnaiwi akuwasang iya battowaé.

YESAYA 1:15

Rékko muwakkai limammu untu' massempajang, dé' Umaélo jampangiwi. Dé' Upaduliwi siyaga égana sempajammu, dé' Umaélo méngkalingai, saba' nasibawang limammuro purano mabbuno maéga.

YESAYA 54:11

Makkedai Puwangnge, “Eh Yérusalém, kota iya macilakaé, dé' pakkullémmu sibawa dé' passaléwo. Maélo-Ka palénne'i paimeng sining pallanggamu, sibawa batu-batu mangke'é.

YEREMIA 12:9

Pada-padai mennang manu'-manu' iya riluruiyé ri bokangngé polé tulili. Obbini sininna olokolo ale'é untu' maccowé paccappui mennang.

YEREMIA 15:5

Makkedai Puwangnge, “Eh pabbanuwana Yérusalém, nigana maélo mamaséiko? Nigana maélo messé ati sibawakko? Nigana maélo léppang untu' makkutanangngi keadaammu?

YEREMIA 16:6

Tau sugié sibawa tau kasiyasié ri wanuwaéwé matéi matu na dé'gaga kuburu'i mennang. Dé' muwi séddi tau sissai aléna iyaré'ga kellui gemme'na selaku tanrang mabbarata untu' mennang.

YEREMIA 34:22

Mabbéré-Ka matu tanra-tanrang kuwammengngi nalisu mennang ri kotaéwé, nainappa maggasa, pasittai, sibawa tunui. Kota-kotana Yéhuda Upancajiwi matu pada-pada padang kessi iya dé'é naonroiwi tauwé. Iyya, Puwang, pura mabbicara.”

YEREMIA 4:31

Méngkalingaka sadda maddaréké pada-pada makkunrai iya maéloé mémmana; pada-pada makkunrai maloloé jajiyangngéngngi ana' bunge'na, makkuwaniro terinna Yérusalém iya mabbusessangngé nappase'na. Makkarampaé-karampaé limanna sibawa maddaréké, “Cilakana – maéloka riyuno ri balié!”

YEREMIA 6:3

maddeppungengngi matu sining panguwasaé kuwaro silaong tentarana. Ri mattulilinna kotaéro napasangngi matu ténda-téndana mennang, tungke-tungke ri onrong iya napojiyé.

YEREMIA 8:18

Tassépa atikku sibawa mapessé, saraku dé' nariurai.

AWATINGENG 1:16

Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 1:19

Uwobbii sining silaong maréppé'ku iyakiya nabali'bellarika mennang. Sining imangngé sibawa pamimping bangsaé maté manenni ri lalel-laleng kotaé. Wettunna sappa inanré untu' mattahangengngi nyawana.

AWATINGENG 1:2

Puppu benni messé teri, mabbarébé uwai mataé ri rupaé. Dé' muwi séddi tau polé risining sipojinna iya maéloé saléworiwi. Ribali'bellariwi ri silao-silaonna iya balé'énna mancaji bali.

AWATINGENG 1:21

Oh Puwang! Engkalingai addarékékku, dé'gaga saléworika. Marennui sining balikku, nasaba Muwébbuka macilaka. Papoléni esso iya Muwajjanciyangngéro; ébbui mennang manrasa-rasa pada-pada iyya.

AWATINGENG 1:8

Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

AWATINGENG 1:9

Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

AWATINGENG 4:15

Makkedai tauwé, “Laono polé kuwaé! Najisi'ko, aja' mugéssaki!” Nalaona mennang sibawa sollé polé ri bangsaé lao ri bangsaé, iyakiya dé' naripalalo mattette ri muwi niga.

YEHEZKIEL 36:17

“Eh tolino dé'é namannennungeng, wettunna sining tau Israélié monro ri wanuwanna muto, purai mennang nacarépai sibawa tindakanna nenniya ampé-ampéna mennang. Uwangga'i iyaro ampé-ampéna mennang harangngi, pada-padai makkunrai iya mattengngangngé maddara.

HOSEA 8:8

Pada-pada oring iya reppa'é, makkuwaniro Israélié dé'na bettuwannana, sibawa mancajini bangsa iya biyasaé pada-pada bangsa-bangsa laingngé.