AWATINGENG 1:16 - KITTA KAREBA MADECENG

¹⁶ Iyanaro saba'na namabbarébé uwai matakku, dé'gaga mabbéré sumange sibawa passaléwo. Ateddéngenni bangsaku sini-sininnaé, nasaba lebbi makuwasai balié.

AWATINGENG 1:16 ပူးပေါင်းရင်းမြစ်များ

MAZMUR 106:42

Naritenre'na mennang risining balinna, sibawa ripatunru ri yawa akuwasanna mennang.

MAZMUR 119:136

Massolo'i uwai matakku pada-pada saloé, nasaba dé' nariturusi hukkum-Mu.

MAZMUR 69:20

Muwisseng pékkugika ricella, ripakatuna sibawa riéllé, Muwitai sininna balikku.

PAKKATOBBA 4:1

Nainappa upénessaisi sininna dé'é naadélé iya kajajiyangngé ri linoéwé. Sining tau iya ritenre'é teriwi sibawa dé'gaga iya maéloé tulungngi mennang. Dé' muwi séddi tau maélo mabbantu, nasaba sining pattenre'éro mappunnaiwi akuwasang iya battowaé.

YESAYA 54:11

Makkedai Puwangnge, “Eh Yérusalém, kota iya macilakaé, dé' pakkullémmu sibawa dé' passaléwo. Maélo-Ka palénne'i paimeng sining pallanggamu, sibawa batu-batu mangke'é.

YEREMIA 13:17

Rékko bata-batako méngkalingai, terika matu sibawa mammekko-mekko. Sibawa pappénedding masé' senna muteringiwi atempommuro. Mallénél-lénéngngi matu uwai matakku nasaba ritiwii umma'na Puwangnge selaku tawangeng.

YEREMIA 14:17

Puwangnge suroka mappaissengengngi amessékku lao ri umma'-Na. Harusu'ka makkeda makkuwaé, “Leppessakka teri dé' pajana, esso wenni mabbarébé uwai matakku. Saba' malo senna'i bangsaku sibawa manrasa-rasa senna.

YEREMIA 15:5

Makkedai Puwangnge, “Eh pabbanuwana Yérusalém, nigana maélo mamaséiko? Nigana maélo messé ati sibawakko? Nigana maélo léppang untu' makkutanangngi keadaammu?

YEREMIA 8:18

Tassépa atikku sibawa mapessé, saraku dé' nariurai.

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

YEREMIA 9:10

Iyya, Yérémia, makkeda, “Maéloka teri sibawa mabbarata nasaba padang wellaé ri padang kessi'é sibawa risining bulué iya marakko makarossaénna enrengngé dé' naolai tauwé. Oni olokolo'é dé'na napaéngkalinga, manu'-manu' sibawa olokolo laingngé larini sibawa lennye'ni.”

YEREMIA 9:21

Muttama'ni amaténgngé lalo ri tellongengngé, nabettuni muttama ri laleng saorajaé; naluruini ana'-ana'é ri lalengngé enrengngé ana'-ana' maloloé ri tana lapangngé.

AWATINGENG 1:2

Puppu benni messé teri, mabbarébé uwai mataé ri rupaé. Dé' muwi séddi tau polé risining sipojinna iya maéloé saléworiwi. Ribali'bellariwi ri silao-silaonna iya balé'énna mancaji bali.

AWATINGENG 1:9

Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

AWATINGENG 2:18

Eh témbo'-témbo' Yérusalém, angobbino lao ri Puwangnge! Pabbarébé'i uwai mataé pada-pada salo massolo'é esso wenni. Atteruno teri, aja' muwappésau narapi matekko watakkalému!

HOSEA 9:12

Iyakiya namuni engka ana'-ana' jaji sibawa ripawekke, Uwalai matu mennang; dé' muwi séddi tau Uleppessang tuwo. Macilakano, éh bangsa Israélié, narékko Usalaiko!”