AWATINGENG 1:14 - KITTA KAREBA MADECENG

¹⁴ Nalai sininna dosaku, nainappa nasiyo mancaji séddi, nanapaggénoi ri ellokku, angkanna napalemmaika tane'na. Puwangnge mabbéréyakka lao ri balié; dé' pakkullékku méwai mennanro.

AWATINGENG 1:14 ပူးပေါင်းရင်းမြစ်များ

AMSAL 5:22

Dosana tau majaé padai siyo-siyo iya siyoéngngi aléna tauwéro.

YESAYA 14:25

Upaccappui matu tau Asyur-é ri Israél wanuwak-Ku, sibawa iya engkaé risining bulu-Ku uléjja-léjja'i matu. Upaleppe'i matu bangsa-Ku polé ri patenre'é sibawa polé ri tiwi iya ripassangengngéngngi mennang ri tau Asyur-é.

YESAYA 47:6

Riyolo macai-Ka lao ri umma'-Ku, dé'na mennang Uwangga'i appunnangek-Ku. Nainappa Uwabbéréyang mennang lao ri iko, na iko dé' muwamaséiwi mennang, mala iya macowa-cowaé mutenre'i sibawa mabecco.

YEREMIA 25:9

‘Maélo-Ka mobbii sininna bangsaé polé ri manorang, sibawato atak-Ku, Nébukadnézar arung Babél. Upangarai matu mennang untu' mammusu méwai Yéhuda sibawa pabbanuwana enrengngé sininna bangsaé ri seddéna. Bangsa Yéhudaé sibawa bangsa-bangsaé ri seddéna Upabbinasai matu sibawa Uleppessang ancuru untu' mannennungeng. Sining tau iya mitaéngngi tassélengngi matu sibawa métau. Iyya, Puwang, pura mabbicara.

YEREMIA 27:12

Lao ri Zédékia arunna Yéhuda, iyya, Yérémia, palettu'i gau' iya padaé. Makkedaka, “Manyarano lao ri arung Babél. Turusini aléna sibawa bangsana, kuwammengngi nasalama Datu.

YEREMIA 27:8

Bangsa iyaré'ga akkarungeng iya dé'é namaélo tunru lao ri Nébukadnézar Uhukkungngi matu sibawa musu, akkadéreng, sibawa sai, narapi paccappurenna iyaro bangsaé tunru lao ri aléna.

YEREMIA 28:13

lao ri Hananya untu' powadangngi makkuwaé, “Makkedai Puwangnge makkedaé weddikkosa poloi lémpa ajué, iyakiya nasulléi matu sibawa lémpa bessi.

YEREMIA 28:14

Puwang Iya Pommakuwasaé, Allataalana Israélié, makkeda makkedaé maéloi pasang lémpa bessi ri salangkanna sininna bangsaéwé, sibawa mattumaniwi matu mennang lao ri Nébukadnézar, arung Babél. Makkeda towi Puwangnge makkedaé muwi olokolo masekkangngé nabbéréyang towi matu lao ri akuwasanna Nébukadnézar.”

YEREMIA 32:3

ri Arung Zédékia nasaba ritenre'i purai mappallebbangengngi makkedaé makkeda makkuwaiyé Puwangnge, “Uleppessangngi matu arung Babél caui sibawa tudangiwi kotaéwé,

YEREMIA 32:5

Nainappa ritiwi matu Zédékia lao ri Babél sibawa monro kuwaro narapi Uhukkungngi. Namuni namusui tau Babél-é, dé' namallolongeng matu. Iyya, Puwang, pura mabbicara.”

YEREMIA 37:17

Nainappa Arung Zédékia suroi tauwé tiwika mangolo ri aléna ri saorajaé. Kuwaniro secara rahasia makkutana ri iyya aga engka paseng polé ri Puwangnge. Umappébali, “Engka.” Nainappa utambai, “Riyabbéréyangngi matu Datu lao ri arung Babél.”

YEHEZKIEL 11:9

Utiwiko massu polé ri kotaé sibawa Uwabbéréyang lao ri tau laingngé. Purani Upateppa pahukkungeng maté ri yasé'mu.

YEHEZKIEL 21:31

Upallessui matu ri yasé'mu cai-Ku iya malluwa-luwa'é. Sibawa Uwabbéréyakko matu lao risining tau mabecco iya tallatié untu' mappaccappu.

YEHEZKIEL 23:28

Makkedai Puwang Iya Pommatanré, “Uwabbéréyakko matu lao risining tau mappakaciddi-ciddi iya mucéccé.

YEHEZKIEL 25:4

Rimakkuwannanaro Uleppessakko ricau ri suku-suku bangsa polé ri padang kessi Alau. Patettongngi matu mennang sining akkémang ri wanuwammu nainappa mattette kuwaro. Nanréi matu buwa-buwamu sibawa naénungngi dadi olokolo'mu.

YEHEZKIEL 25:7

Narimakkuwannanaro Uwabbéréyakko matu lao ri maéga bangsa iya rampo'ékko matu sibawa rampasa'i sininna appunnangemmu. Upabbinasako matu makkuwaro rupanna, angkanna dé'na mumancaji séuwa bangsa nenniya dé'to muwappunnai wanuwa riyalé. Namuwissengngi matu makkedaé Iyya ritu Puwang.”

HOSEA 5:14

Pada-pada singaé palurui, makkuwaniro Ulurui matu tau Israélié sibawa Yéhudaé. Alé-Ku sapé'-sapé'i matu mennang, nainappa Usalai. Rékko Uwassarénréngengngi mennang lao, dé' muwi séddi tau mulléi paleppe'i mennang.

MIKHA 2:3

Rimakkuwannanaro makkedai Puwangnge, “Urancanai abalaé ri yasé'mu, angkanna dé' muwulléi leppe. Ri wettu iya macilakaéro dé' muwulléi matu joppa sibawa matempona.

ULANGENG 28:48

Rimakkuwannanaro harusu'ko mattumani lao risining balimmu iya nasuroé Puwangnge untu' méwako. Makkadérekko matu, madekka sibawa mallusu-lusu nenniya akurangeng ri laleng sininna gau'éro. Puwangnge matu tenre'ko sibawa mabecco narapiko binasa.